" لؤي و أصيل.. "

" البارت 2 "

مره من المرات رحت لبيت لؤي مثل المعتاد بس من شفته انصدمت

وجهه شاحب و سواد محاوط عيونه و وجهه اصفررر ما ماكل مبين علي صارله يومين ولابس اسود

- لؤي شبيك بسم الله عليك هاي شصاير؟ منو مات؟!! گلي لؤي لؤي لؤي شبيك-أصيل

وگع گدامي وديته للمستشفى گاللولي عنده نقص تغذية بسبب صدمه  نفسية جته

-يعني يطلع من المستشفى؟ اخذه؟-أصيل

-اسف بس اگلك لا، لان لازم يبقى هنا لسلامته-

طلعت من المستشفى وكل تفكيري بي ليش هيج صار؟ وليش ما گلي؟ منو مات

ما حسيت بنفسي اله واني گدام باب البيت طبيت وجتي علية مُنتهى

-گالك لؤي؟!!-مُنتهى

-شنو گالي؟ غير هسه هوَ بالمستشفى اغمى علي-أصيل

-استبرق گالتلي.. امهم ماتت الله يرحمها-مُنتهى

تجمدت بمكاني هاي من امتى؟ شلون؟ وليش؟

-أصيل.. أصيل.. خويه تسمعني اجيبلك مي؟ جاي؟ بيك شي؟-مُنتهى

-لا تسلمين بس اريد اطب لغرفتي-أصيل

ردت امشي بس عثرت لزمتني مُنتهى من ايدي وحطت ايدها الثانية على ظهري

-لا تخاف اني وياك ما اعوفك.. يلا امشي-مُنتهى

-اني بلياج شسوي بنفسي ما تگليلي؟-أصيل

- اذا تحبني هلگد ليش ما تشتريلي بخمسة؟ على كيفك امشي لا توگع.. ما شاء الله گمت تتمرن مو؟ جسمك مترتب-مُنتهى

حاولت تغير الموضوع بس اني جنت ما ادري شگول

-والله اريد انام..-أصيل

ودتني لغرفتي ونومتني على الجربايه وطفت الضوة وغطتني لزمت راسي بس جان دافي 

-الحمدلله بخير بس لازم تنام وباجر روح علي تمام؟-مُنتهى

-تمام بس والله خايف علي-أصيل

- لا تخاف علي انته تدري بي راح يوگع ويگوم ما يستسلم وانته هم لا تفكر هواي .. باجر خلي نروح على فاتحتهم تمام؟- مُنتهى

-تمام يروحي يلا اخذي راحتج هم انتي-أصيل

طلعت من الغرفة و طبگت الباب بقيت افكر بأمهم

امه جانت حيل زينة دائماً تعزمني على الاكل واني من اجيبلهه شي تمدحني جانت مثل العسل وما انسى من جانت تگلي 

-لؤي امانه بين ايديك وليدي-

ما راح انسى كلامهه و سوالفه اللي ما ينمل منها، ما نمت الليل من ورا التفكير حاير بلؤي شنو راح يسوي بنفسه هوَ من صدگ يعشق امه

صارت الدنيا الصبح

ورحت على امي..

- شلونج يووم- أصيل

انتهى البارت ✓

علقوا بين الكتابات حتى استمر

الناقلة

- شهد القيسي -