بس لاحظت على لؤي شي غريب
بعد شهر من خطوبته تغير 180 درجة
صار ما يطلع البيت وحتى ما يبتسم ولا يرد على اتصالاتي وحتى استبرق خافت علي وهيَ هم ما يرد على اتصالاتها
- أصيل.. حبيبي عفية حباب، وديني لاهلي شو لؤي ما جيه عليه سأل - استبرق
- ادللي.. يلا مشينا- أصيل
لبست عباية وطلعنا على بيتهم
من دگينا الباب فتحلنا بُراق
جان بُراق خايف من شغلة ملامحة ما تنوصف يعني مال واحد خايف على شخص
ما افتهمت ملامحه بس سلمت علي و استبرق حضنته
- ها هلا حبيبي بروقي- أصيل
- شلونك حبيبي شخبارك مشتاقتلك موت- استبرق
- والله الحمدلله انتو شلونكم شخباركم- بُراق
- الحمدلله حياتنا تخبل وما بيها مشاكل ولا اختلافات الحمدلله والشكر- استبرق
- اي والله الحمدلله كلشي صار خيرة بينه اني واستبرق اشكر ربي عليها- أصيل
من صدگ استبرق صحيح اني ما حبيها اول مرة بس بعدين گام يزيد حُبي الها يوم بعد يوم وهيَ مثل العسل ما تسوي شي ولا تكاون
- يلا حبايب طبوا البيت بيتكم- بُراق
طبينا للبيت وگعدت بالصالة اما استبرق فراحت جوا
جية يمي ابو لؤي وبُراق گعدوا
گمنا نسولف ونضحك والصراحة الاب متحسن
- بس عمي اگلك بلا زحمه وين لؤي؟- أصيل
تغيرت ملامح الاب وابنه بلحظات من سمعوا كلمه لؤي جان يگلي الاب بتوتر
- والله ابني لؤي صاير حتى غرفته ما يطلع منها ما نشوفه ابد ما ادري شصاير ويا- محمد
- تسمحولي اطب اشوفه؟- أصيل
- اي عادي، الغرفة بآخر الممر- محمد
گمت ورحت للغرفة فتحت الباب طلع مقفول
دگيت الباب
- لؤي اني أصيل افتحلي الباب- أصيل
محد جاوب دگيت الباب مرة ثانية محد رد
جتي عليه استبرق من وراية
- ما قِبل يفتحلي الباب حتى اشوفه- استبرق
- شنو يجوز نايم- أصيل
- والله ما ادري بس حيل خايفة علي- استبرق
بقيت ادگ بالباب بل 10 مرات بس محد فتحلي
بقينا اني واستبرق ساعة ونص ورحنا لبيت اهلي
صارت الدنيا ليل وما گدرت انام بقيت اتگلب بالفراش
حست عليه استبرق
- حبيبي اذا ما تگدر تنام اطلع غير جو اذا تريد- استبرق
- يلا ماشي، ربع ساعه واجي لا تقفلين الباب- أصيل
- ادلل يلا روح- استبرق
طلعت بليل جنت امشي بالشارع
مشيت مسافة شوية طويلة
شفت بين الابنية زلم ثنين تقدمت شوية بس حسيت اكو شي فختلت
شفت لؤي لازم چيس بي بودرة بيضة ويسولف ويا زلمه متلثم
انتهى البارت ✓
قيمولي البارت من 10
ادري گصير اعذروني
منو گاعد الساعة بل 5 ونص مثلي؟
وبس احبكممممم 💗💎
الناقلة
- شهد القيسي-
أنت تقرأ
" لؤي و أصيل.. "
Non-Fiction" اني تغيرت مو بايدي مجبور، شفت گلوبهم محد هواني جنت اتمنى واحد يسال شبيك، والله لوحدي ضليت اعاني، اللي بگلبه حجي وينام مكسور من يگعد يصير انسان ثاني.. " " حجوا عليك وعارضتهم ولمن سمعتك تگول عليه جذاب گلتلهم صادگ " السلام عليكم اني جنت من احد صديقات...
