" لؤي و أصيل.. "

" البارت 1 "

« أصيل "

اول ما طبيت المدرسة كأي طفل عادي جنت متحمس حيل ومستعد اكون صداقات هواية و اسوي مغامرات ومن هاي السوالف

لمن دخلت لگيت كل الجهال مو مثلي جانوا خايفين من المعلمين والطلاب البقية فبقيت گاعد وحدي بالرحلة ومن صارت الفرصة طلعوا الجهال كلهم للساحة واني الوحيد وجاهل ثاني بقى بالصف اني جنت بس اصفن علي شفتات الى ان الجاهل طلع قلم الصبورة وگام يشخبط لحاله على الصبورة

اني عندي طبع على ماما اكره الشي الوصخ فگت ورحتله

-شبيك يول ليش تشخبط؟- أصيل

ما ردلي گام يشخبط اكثر سحبت منه القلم قوي

-شبيك مو اسولف وياك؟ اطرش؟ گلتلك لا تشخبط- أصيل

گام يبجي واني حاولت اهدي لان اخاف من المعلمين لا يعبالوني ضربته لو سويتله شي بس الولد ما وگف بقى يبجي الى ان جمي المعلمين

-ليش جاي يبجي؟ شنو ضربته؟-

-لا والله هوَ جان يشخبط واني گلتله لا تشخبط وگام يبجي- أصيل

ودوني اني وياه للمدير والمدير سأل الولد

-ضربك؟-

ولاول مرة سولف توني يلا سمعت صوته

- لا ما سوالي شي..-

انصدمت شعجب دافع عني؟ لعد ليش جان يبجي جان يساله المدير نفس السؤال اللي جان ببالي

- لعد ليش جنت تبجي؟-

- خفت.. عبالي راح يضربني.. مثل بابا-

اني انصدمت اهله يضربونه؟ ليش خطية بعده جاهل صحيح اني جنت مثل عمره بس جنت واعي وافهم وامي وابوية علموني على هذا الشي

- ابوك يضربك؟-المدير

- مرات من يضوج-

- شسم ابوك؟-

- محمد-

-تمام يلا روحوا-

رحنا واني گمت اسال بالولد واحاول اسولف ويا لان مبين علي وحيد،بس هوَ تجنبني بس اني اصريت علي حتى يگلي بيتهم حتى اجي علي وبالفعل انطاني يا وباليوم الثاني جان دوامنه ظهري ورحت لبيته حتى ادگه سمعت صوت زلمة يصيح بقوة

- يا عارررررر!! شلون تگللهم اني اضربك؟!!!! ما تگللهم على تصرفاتك السز يا كلب يا** يا**انع**!!!-

دگيت الباب بقوة فتحت الباب بنية صغيرة جانت تبجي وصوت الصراخ عالي (مال الاب) عرفت هاي اخته

- بس اريد لؤي-أصيل

- هسه يجي انتظر-

راحت البنية و ورا شوية جيه علية لؤي

- ليش جيت؟-

جان وجهه شاحب ومبين ابو ضاربه قوي ودموعه ناشفه على وجهه

- هاي شصاير بيك؟ منو سوا بيك هيج؟ ابوك؟ خلي نگل للمدير حتى يسولف ويا اب..-أصيل

ما كملت جملتي الا والگه ورا ابو جان زلمة ضخم وملامحه عصبية كلش ويباوع علية بحقد

- شعندك انته هنا؟ شتريد؟-

- عمو اريد لؤي حتى نروح للمدرسة اني ويا-أصيل

صحيح جنت خايف منه بس جنت جريء واگول اللي اريده جان يگلي

- هسه يبدل ويجي انتظر هنا-

اتوقع گال هيج لان اذا صاح بيه او غلط اگدر اگل لاهلي وتصير مشكلة، يعد شوية جيه لؤي ورحنا اني ويا للمدرسة وصرنا اصدقاء سطحيين بالبداية لان لؤي جان ما متقبلني بس جنت دائماً ويا،

الى ان مرت الايام وصرنا اصدقاء مقربين حيل لدرجة حيل قوية

كبرنا سوا الى ان صار عمرنا 23 و ثنينه جنه بقسم الطب العام

و لؤي جان عنده اخ و اخت اسمها استبرق

استبرق جانت صديقة اختي مُنتهى وحيل صديقات هم وعند لؤي هم اخ اسمه جان نگدر نگول اعرف اسمه بس لان ما نتلاگة هوايه يعني همه تلث اخوان واحنا ثنين اخ واخت

انتهى البارت ✓

اريدكم تقيمولي البارت من 10 وتنطوني توقعات بخيالكم