" لؤي و أصيل.. "

" البارت 6 "

لمن جان عمرنا اني و لؤي 20 جان يحب وحدة عن طريق الصدفة

لان جانت تروح للمدرسة وهوَ جان يتمشى ومن شافها حبها وگام يومية يروح لنفس دوامها ويشوفها واني جنت اعرف بهذا الشي

بقت الايام الى ان عرف مكان بيتهم بس ما خطبها ولا سولف وياها لان جان يگلي

-البنية بعدها صغيرة انتظر انتظر- لؤي

وصبر ومن اني خطبت استبرق اليوم الثاني راح علية وهوَ كلش فرحان

- تعال أصيل عندي خبر!!- لؤي

جان كلش فرحان ولگاع ما تشيلة من الفرحة

طلعنا سوا

- ها هسه گلي ليش هلگد فرحان؟- أصيل

- راح اگل لابوية حتى اخطبها- لؤي

- لا تگلي لحد الان تفكر بيها؟ سنتين وهيه ببالك؟ مستحيللللل- أصيل

- اتوقع ابوية راح يوافق لان ما يهتم اصلا اهم شي يبقى ويا مرتة الجديدة- لؤي

-صحيح شلون الاحوال وياها؟ ها بشر زينة لا؟-أصيل

- والله هيه مالها شغلة بينة بس ما تنظف تخلي كل الشغل على استبرق لدرجة لحنا الاخوان گمنا نتعاون على البيت- لؤي

- الله يعين اختك- أصيل

- هوَ انته تحب استبرق؟- لؤي

من گال هيج تذكرت وجهها بقيت صافن بالگاع ما ادري شگله

-اتوقع حب من اول نظرة- أصيل

- غير اختي تخبل بس لا تحسدها- لؤي

- شنو احسدها؟ غير راح تصير مرتي بعد شهر؟-أصيل

- هسه نرجع لموضوعنه- لؤي

- اشجعك روح اتقدملها وان شاءلله خير- أصيل

من هاي السالفه الى هاي السالفة بقينا نحجي عن هواي مواضيع ورحنا اشترينا حلويات ورجعنا لبيوتنه

اليوم الثاني جيه علية لؤي وهوَ فرحان من صدگ هاي المرة حيل حيل حيل فرحان

- ولكككككككك ابويةةةةةة وافقققققققق!!!!!- لؤي

- مبروك مبروك بس اهدئ- أصيل

- ولك شنوووو اهدئئئئ!!! راح اتزوجججججج- لؤي

فضحنا گام يگمز بالشارع عبالك جاهل ويضحك ويصيح راح اتزوج راح اتزوج وفجاه يگوم يحضن بيه ويگمز

راح للبيت وعافني مكيف الگاع ما تشيلة من صدگ

وبليل هم جيه بس هاي المرة ما اعرف شلون اوصف الفرحة گام يبوس بيه من الفرحة ما يدري بنفسة

- ولك شو دوخر بس على كيفك وياي شبيك هاي مرة هلگد فرحان؟- أصيل

- وافقت وافقتتتتتتت وافقتتتتتت- لؤي

حتى اني فرحت علمودة وبقة يسولف عنها وعن احلامة ويريد يشتري بيت وسيارة و خبصة

- يلا اني راح اروح- أصيل

- باجر تعال لبيتنة- لؤي

- ليش؟-أصيل

-غير حتى تسولف ويا استبرق؟ شنو نسيت- لؤي

- اي والله بس تدري مشتاقلها باجر لعد راح احي عليكم- أصيل

-يلا مع السلامه- لؤي

- الله وياك- أصيل

مرت الايام وتزوجنة اني واستبرق وعشنا بيت اهلي يعني انفصلت عن اهلها لؤي يجس يطمن عليها ومرات بُراق

بس بعدين لاحظت على لؤي شي غريب حيل

انتهى البارت ✓

اتمنى عجبكم البارت واسفة على تاخر التنزيل

علقوا بين الكتابات حتى استمر

الناقلة

- شهد القيسي -