" لؤي و أصيل.. "

" البارت 8 "

شفت لؤي لازم چيس بي حبوب و واگف ويمه زلمه متلثم ومن الواضح جاي يسولف ويا

- بيش؟؟ ب 500 الف وعلى يا اساس؟-لؤي

- صوتك لا واحد يسمعك وهذا هوَ السعر تريد بكيفك ما تريد ابقى موت قهر على خطيبتك الميتة-

انصدمت صدمة عمري من صدگ

لؤي يكبسل؟ لا مستحيل لؤي وعلى شنو؟ سمعته يگول خطيبتك؟ شنو امتى ماتت؟ شدايصير بالدنيا من ورايه؟

بقيت افكر الف فكرة تحي بثانية وحده

بقى لؤي يسولف ويا المتلثم وانطى فلوس وراح الزلمة واني ما تحملت وگبيت على لؤي

ضربته ضرب بدون ما احس و ورا شوية ادركت على نفسي

بقيت صافن على وجهه شلون ورم من وراية

ولؤي استغل الفرصه و دفعني بالگاع وگام مفزوع

- هاي شبيك؟!!!! شنو سكراااانننن؟!!!! شبيك تضرب بيه؟!!!!- لؤي

سوا نفسه هوَ الضحية

- تكبسل يا *** تكبسل مو؟!! احجي!!!- أصيل

- لا ما اكبسل- لؤي

صار مثل الجاهل گام يسولف كلام مو منطقي

- هذا لصديقي يريد و.. و.. وانته شعليك اصلا بيه؟ منو دخلك بالموضوع؟- لؤي

فرها عليه وگمت ولزمته من ياخته ولزگته بالحايط

- مالي دخلي بيك؟!!!!! لعد و 13 سنة اني وياك بالاخير مالي دخل بيك؟!!!! ليش تكبسل ليش؟!!!!!- أصيل

بقيت اصيح بوجهه بس هوَ جان بس صافن عليه

الى ان طفح الكيل عندي وانتهيت شي ولا مرة بحياتي توقعت هذا الشي راح يصير

- اللي بيني وبينك انتهى!!! لا اعرفك ولا تعرفني!!-أصيل

عفته ورحت

رجعت للبيت واستوعبت كلشي

لؤي يكبسل...لؤي بعد ما اعرفه ولا يعرفني؟

انتهيت كلشي بينا

رحت لغرفتي لگيت استبرق نايمة بقيت اتأمل بيها و مشفق عليها على حياتها

امها ماتت، ابوها ظالم ، اخوها يكبسل

دعيت ربي بأن يبقي بُراق واني سندها بالحياة وهنا عرفت قيمة الزوج لزوجته، بستها من راسها
ونمت يمها

ما گلت لاحد عن السالفة والكل انصدم من ابتعادي عن لؤي المفاجئ حاولوا يرجعون العلاقة بينه بس بعد ماكو فايدة

مَر اقل الشهر على هاي السالفه واني و لؤي ما گمنا نحجي انگطع الاتصال بينه

جنت بغرفتي گاعد دگ الباب شخص

- تفضل- أصيل

فتح الباب وطلع ابويه

گمت وسلمت علي وبسته من راسه وايده و گعد على الجربايه واني گعدت يمه

- ها ابويه- أصيل

- وليدي اريد اگلك على سالفة لؤي، ليش صاير ما تسولف ويا؟ هوَ شسوه حتى تتعاوفون ولا تنسى هذا اخو مرتك-

تذكرت كل الاحداث اللي صار بذيج الليله

- لا تخاف ماكو شي بس شوية ضغوطات وتعرف انته هاي السوالف- أصيل

حاولت اغير الموضوع كل ثانية بس ابوية يرجع الموضوع من جديد

لح عليه حيل لدرجه مو طبيعيه لاول مره اشوف ابوية يلح لهدرجه

ما گدرت اجذب علي اكثر

- يابه الصراحه.. اني عفت لؤي... لان يكبسل- أصيل

انتهى البارت ✓

قيموا لؤي من 10

وبس احبكم ♡٠

الناقلة

- شهد القيسي-