" لؤي و أصيل.. "

" البارت 5 "

والظهر رحت على لؤي والصراحة جنت مرتبك لان خاف يگول اني مسويلها شي وجيت اخطبها، رحت على بيت لؤي من طلع گالي

- هلا بيك حبيبي اصولي ها شنو ردت؟-لؤي

- خلي نطلع نفتر واگلك- أصيل

حيل جنت خايف بس گلتلكم شخصيتي من اسولف ما بيها اي خوف

مشينه بالشارع وهوَ حس بيه خايف من شي

- ها اصولنة؟ شنو خايف من شي؟ اني اللي اعرفك ما تخاف من اكبر راس- لؤي

- لا ما خاف بس مرتبك- أصيل

اول مرة بحياتي اتلعثم بالكلام

- ا.. ار.. اري.. ار.. اريد.. اخ.. اخط.. اخطب..-أصيل

ما كملت جملتي الا وگالي

- موافق تستاهلك الصراحة- لؤي

انصدمت بقوة صفنت علي واني مصدوم

- شلون عرفت؟-أصيل

- اكيد مُنتهى گالتلك على الزواح مال استبرق وانته تريد تحميها من ذاك السافل ابوية فاني موافق اعرفك صديقي واعرفك- لؤي

والله عبالي دا يشاقة وگفت بمكاني ما نحركت من الصدمة وفاتح حلگي واباوع علي

- شبيك يمعود؟ يلا امشي بس اگلك.. امتى تجون تخطبونها؟ اهلك قبلوا اكيد- لؤي

-ما مصدگ هاي اللقطة تجي بس بالافلام- أصيل

- اني انطيتك اختي لان ادري بيك سبع وتخاف رب العالمين و مؤدب ومحترم شنو 17 سنة وبعدني ما واثق بيك مثلا ؟- لؤي

- بلة.. يعني.. والله ما ادري شگول- أصيل

- امتى تجون تخطبونها؟-لؤي

- العصر نجي عليكم- أصيل

- هلا بيكم بكل وقت بس تدري.. استبرق تحبك؟- لؤي

راد يغمى علية من الصدمة شو هذا بس يلزگ بيه صدمات

- وين لاگيها؟- أصيل

- اي والله ودائماً تسولف عنك وتسال عليك واكيد هيه گايلة لمُنتهى- لؤي

ربطت الاحداث لمن گالتلي مُنتهى واخيرا فكرت بيها طلع كل هذا يصير واني ما ادري

ما بعمري رفعت عيني على بنية او مرية بالشارع ما عدا اختي وامي حتى استبرق اعرف بس اسمهه ولا مرة شفت شكلها بعمري

كل واحد راح لبيته ومن رجعت للبيت لگيت امي وابوية ومنتهى متنظريني ومحضرين كلشي وكاشخين

- ما شاء الله فرحانين اكثر مني- أصيل

- ديلا ديلا روح بدل وتعال حتى نروح عليهم- الام

رحت بدلت و رحنا لبيت لؤي

دگينا الباب وطلعلنا بُراق

- ها أصيل.. شلونك.. شديصير؟- بُراق

اخر كلمة گالها الية حتى محد يسمعنا جان يطلع من ورا الباب لؤي

- هلا بيكم هلا بيكم تفضلو البيت  بيتكم- لؤي

اول ما حطيت رجلي على الباب جاني توتر مو طبيعي خفت گلت راح يرفضتي الاب لامحالة هاهيه

من طبينا رحنا للصالة كل واحد گعد بقنفة والاب جان گاعد گبالنة صافن علينة باستغراب

- ها وليدي أصيل.. شلونك؟-

بقيت ساكت ما رديتلة من الخوف اللي جاني والتوتر بقيت منزل راسي جان ابوية يگول

- احنا نريد نخطب بنتكم على سنه الله ورسوله-

رفعت راسي لگيت ابو لؤي يبتسم جان يگول

- احنا موافقين-

شنو؟ موافقين؟ ما شاوروها اصلا صدگ يحجي؟
جان امي گالتلة نفس السؤال اللي ببالي

- غير تشاورونها؟-

بقى صافن من فشلتة جان يگوم و ورا شوية رجع

-شاروناها و تگول موافقة-

فرحنة كلنا وصارت الشوفة الشرعية

اول ما دخلت جنت منزل راسي من التوتر لمحت رجلينها معناها طبت وگعدت بالقنفة اللي گدامي رفعت راسي وشفت وجهه

النبية جميلة جميلة جميلة لدرجة الخيال صحيح هيه مو شقراء بس رسمه العيون والخشم المرسوم تخبل من صدگ بقيت بس صافن ما سولفت

- أ.. أ.. أصيل؟- استبرق

فزيت على صوتها

- ها؟ ا. ايي.. اي... جايك جايك- أصيل

گمت بدون وعي وطلعت من الصالة لگيت اختي وامي خاتلات يم الباب من شافني جفلن

- ولك.. اصيل.. شبيك عفت البنية وطلعت؟ شنو ما عجبتك؟-

- ها؟.. اي.. والله تخبل.. هاهيه موافق- أصيل

من طلعنا من البيت انتهبت على وجهها تريد تضحك علية وطلع ويانه لؤي

- عادي نسولف اني وياه شوية- لؤي

-تمام لعد انته سولف ويا لؤي واحنا راح نروح للبيت-

راحوا كلهم ومن راحوا گام لؤي يضحك علية بدون سبب سويت نفسي ما ادري

- شبيك تضحك؟- أصيل

يضحك ويضرب على جتفي على كيفة

- عجبتك مو؟ گالتلي من طلعت فجاة- لؤي

- امتى حجتلك؟ امتى سولفت؟ ما شاء الله ما ينحس بيها بس شبيك تخبلت كافي تضحك- أصيل

بقى يضحك علية وگمت اني هم اضحك على نفسي ورجعنا لبيوتنة

انتهى البارت ✓

علقوا بيت الكتابات حتى استمر

الناقلة

- شهد القيسي-