الُلُُهمٌ صّلُ وَسِلُـــم ٌوبارك ْعلى نبيَــنَا مٌحُمٌدِ وَْعلى آلُُه وَصّحُبُّه اجْمٌْعيَنَ ْعدِدِ مٌاذَكِــرَُه الُذَاكِرَوَنَ وعدد ما َغًفَلُ ْعنَ ذَكِرَُه الُغًافَلُـــوَن ﷺ םבםב رسول ٱɑɺɺ ﷺ
💥حلقة خاصة1💥
💥& تنبيه هام: أحداث الحلقة من بعد مشهد الحلقة الأخيرة وخروج جميع الأبطال من مركز الشرطة، بعد القبض على الدون ومن معه،
الأحداث قبل زواج جميع الأبطال، سنعلم خلال
هذه الأحداث كيف كل كابلز اقترب من بعضهما وتزوجا &💥👏
💢نبدأ بسم الله.
في فيلا كبيرة في الإسكندرية، يعيش بها كلًا من عائلة المنشاوي الحديدي معًا
كان يجلس كبار العائلة وكلًا من: وملك ومليكة وهمس وأدم، يتحدثون ويضحكون ع مشاكسة ملك وروحها المرحة.. . ولكن دخول الماسة العاصف باسم ملك اقلقهم.
- ملك.. أنتي يا هانم.
- حمد الله ع السلامه يا حبيبتي.
اردف الجميع معًا للماسة، فهي كانت مسافرة منذ فترة.
- الله يسلمكم يا حبايبي.
تمتمت الماسة بابتسامة لهم، وهي تقترب وتحتضنهم
الجد باستفسار:
- مالك ي بتي في إية؟
- أبدًا يا جدو، مافيش حاجة.. كنت عايزة ملك بس في حاجة تبع الشغل، نويتوا تسافروا انهاردة الصعيد، علشان خطوبة عمار؟
- أيوه يا بتي، دلوقيتي هنتوكل على الله، يا دوب علشان نقدر نجهز المطلوب وندبح كعاداتنا، وما ينفعشي نتأخر عليه أكتر من إكده، احنا اهنة وسايبنه لحاله بردك.
- معاك حق يا جدو، توصلوا بالسلامة إن شاء الله، وأنا هخلص الشغل اللي ورايا وهجيلكم في أقرب فرصة بإذن الله.
- إيه ده! أنتي مش هتيجي مع أخواتك كمان كم يوم ولا إيه؟! تسألت رُقية باستغراب.
- لا يا ماما، مش هقدر أجي غير بعدهم بكم يوم، لسه هسافر تاني كم يوم وهرجع، ممكن أجيلكم قبل الخطوبة بيوم بإذن الله.
- في مشكلة يا بنتي؟
- لا يا بوب، اطمن.. بس محتاجة منك بقى تفوق عشان تنزل شركتك يا باشمهندس، خلاص قربت أخلص ديكوراتها.. ولا القاعدة عجبتك يا هندسة، بإذن الله أول ما ترجع من الصعيد هتمسك زمام شركتك يا هندسة، أنا طلعت أيدي خلاص.
فضحك الأب:
- حاضر يا قلبي هنزل طبعًا، بس حاسس إني نسيت كل حاجة.
- طبيعي تحس كده يا بابا عشان بعيد، بس أول ما تدخل الشغل كل حاجة هتكون تمام بإذن الله
- بإذن الله يا حبيبتي، يله بينا يا عمي بقى علشان الطريق لسه طويل.
- يله يا بني، مصطفى كلمني وقال إنه مجهز كل حاجة على ما نوصل إن شاء الله.
أنت تقرأ
انتقام الماسة💥 الكاتبة🍂walaa Ali🍂
Mystère / Thrillerتعرضت للظلم والعذاب منذ الصغر، تولت مسئولية أسرتها، رغم تعرضها لصعاب وعقبات كثيرة، ولكنها لم ولن تستسلم، فكافحت واجتهدت ومرت بالكثير والكثير إلى أن صارت الماسة، لقب لم تحصل عليه من فراغ، فهي الماسة التي أقسمت على الانتقام ممن سلب منها طفولتها وسعاد...
