يا الله، اربطوا الأحزمة واستمتعوا والي ناسي أحداث البارت السابق خل يرجع يقراه ..
إذا أكو أخطاء إملائية صححوها بدربكم
..
يُدندن بخفة مع ذاته كلمات أغنية علقت بذهنه بينما يوگف گدام المراية يحلق شعر راسه الطولان ويسوي على علو درجة من الصفر، يرتب الأطراف بموس حلاقة بحذر و يخفف من الزلف بدون ما يحدده، ينكت أيده و يطب يسبح يزيل عن جسمه الشعر و لازال يدندن بالأغنية بأقصى مراحل راحته النفسية شامر الدنيا والسادس وراه يركز على مظهره و رتاتبه لهدف مُعين لا يتهندم إلا له ..
يتجه بعري جسده الطويل بعرض ظهره العاري تنساب من عليه قطرات الماء بمنظر شهي جدًا وبديع لهيئته الرجولية ينشف روحه و يطلع تعلاگة بيضة و بوكسر و گلبية رمادية ذات خطوط خافته من ذات اللون بدرجات متفاوتة يمتد سحابها لمنتصف صدره تغطي ربع ذراعه يلبسهن و يوگف گبال المراية يطلع ساعة فضية حكمت قرص رسغه، يكمش قنينة عطره الممزوج بعدة أنواع و يشمر رشتين على جزئه الأمامي و شوية على رگبته، وطلع يدگ بالگاع ..
ياخذ نظره سريعة على روحه و يسحب جهازه يصور نفسه من لحيته الخفيفة و يطلع كامل جذعه الأعلى إلى أسفل فخذه المتغطية صلابته بقماش الگلبية ياخذ كم صورة و يبتسم بلعونة يفوت على حساب أستاذه على الواتساب و يرسله أكثر صورة عجبته و يكتبله " شيخ و عوزة بس مرة أستاذ .. " يضحك بينما يتخيل رده عليّ ..
يطلع من غرفته ينزل يم أهله يلاگي صوت بيبيته مالي البيت الي كل كم شهر تزورهم مرة و تفتر على كل ولدها و وياها بت أبنها الصغير الما تفارگها و دوم وياها من أول ما صارت، توها دخلت المتوسطة و المراهقة ..
" لك هاي شنو أم جاسم هنا صدگ چذب، شلونچ شخبارچ شنهاي الغيبة .. " يشاقيها و يسلم عليها وچانت گاعدة حاطة رؤية على رجليها تلاعب بيها و بصفها جنة بت أبنها تسولف ويه رونق بمهامس ..
ينحني يبوسها من راسها " هلا يمه حيدر هلا .. " تبتسم بيبيته و تحضنه تبوسه من گرعته و تسحبها يگعد يمها بالگاع گبال الهيتر " شلونك يمه شو رايح منتهي وين خديداتك .. "
" حجية كل ما تشوفيني تسألين عليهن راحت بعد صرنا زلم يا خديدات .. " يتكلم حيدر و يحد عيونه حتى يثبتلها أن صار رجال چبير مو ذاك زعطوط الي خدوده تارسه وجهه، فتضحك علي بيبيته و تكمشه من خده " صدگ صاير زلمة شوكت تتزوج؟ ادورلك على مرة؟.." تنصي صوتها و تضحك تميل علي حتى ما تسمعها وحدة من البنات ..
" ذكرتيني بالمرة، لگيت شلون مرة تسرسح على الگلب حجية لو تشوفينها تتمنين روحچ زلمة و تغمزيلها .. " يبادلها الهمس و يضحك و هو يشير بكلامه على غير واحد ينشب الفضول بگلب بيبيته الي راگصت حواجبها و ضربته على چتفه " دهر صابك ولك شو بله وينها اذا حلوة اخطبلكياها .. "
