Har waqt is ek sawaal ka jawab dhundti hun
"Kya ladki insaan nahi?
Wo jise sapne dekhne ka adhikar nahi,
Apne hi kapdon ko chun ne ka haq nahi
Kya ladki insaan nahi?
Wo jiske khul kar hasne par bhi lagi hai pabandi,
Apni baat rakhne ki nahi hai azadi
Kya ladki insaan nahi?
Wo jisko har kadam na jaane konsi izzat ka bojh dhona padta hai,
Apne hi sapno ke liye samaj ko chod pehle apno se ladna padta hai
Kya sach much ladki insaan nahi?"
