عروس دجلة

الفصل الثامن

الناس نوعان نوع يسبح بأتجاه السفينة
والاخر يضيع الوقت بأنتظارها

......
في قاعة كبيره كان يجلس بيها معظم رجال الدولة البارزين حتى يعلنون اتفاقهم على تكوين كتله يدخلون بيها الاتنخابات الي جاية وكان على رأسهم حجي شاكر
كاعدين يتناقشون ويتبادلون الاحاديث مع الحجي دخل مهند للقاعة وكف بالباب وبده يتفحص كل الموجودين
وكع نظره على حجي شاكر وابتسم ابتسامة خفيفه اله وتقدم بأتجاهه

حجي شاكر_ هلا بيك نورت وشرفت المكان احنه سعيدين بتواجدك هنا يمنا وبينا

ابتسم مهند وتقدم خطوات نحو الستيج لزم المايكروفون

مهند_ السلام عليكم ايها الاخوه والاخوات يسعدني ويسرني بهذا الجمع اليوم ان اعلن عن الحركة السياسيه التي انشأتها بأسمي وبأسم الشعب العظيم
وشكرا لحجي شاكر الذي دعاني اليوم وافسح لي المجال لاعلاني هذا ’’ واي احد من الاخوه والاخوات يريد الالتحاف بنا مراجعة مكتبنا للاتفاق على يوم التجمع والاعلان الاول للاعظاء وشكرا .
سمع هذه الكلام حجي شاكر كالرصاص بقلبه نزل جسمة كام يرجف ونشف ريقه من مر القرار والمفاجأءة الي كالها منهد

مهند_ ها حجي شو ماكلت مبروك ؟

حجي شاكر _ فاجأتني ليش ماكلتلي ؟؟

مهند_ شنو الفرق اذا عرفت او لا ؟
حجي شاكر_ عموما شايف كل الخير

مهند_ شكرا حجي

طلع مهند من القاعة وبعيونه نظرات تحدي
اما حجي شاكر اخذ تلفونه وطلع بره بعيد عن الجمع
وحجي بالتلفون _مهند صار كلش خطر علينه لازم ينحطله نهاية
وسد التلفون ورجع للقاعة
....

دجلة_ اهلا استاذ مهند احضرلك العشا هسه ؟

مهند_ اي والله كلش جوعان

خلت الاكل على طاولة الطعام وكعد مهند يباوع للكل بشهيه وحماس

دجلة_اليوم اشوفك جوعان كلش

مهند_ اييي والله وبصراحة كلش مرتاح اليوم وموبس هيج اني اتعودت هعلى اكلج
صاير ما احب اكل من بره ابد ماشالله عليج اكلج جدا طيب ومييز

دجلة_ الف عافيه استاذ

مهند_ اي احجيلي شلون جانت اجازتج ؟

دجلة_ زينه الحمد لله
مهند ان شاء الله كضيتي شغلاتج؟

دجلة_ اي معظمها

مهند_ باجر اريد نطلع سفره للبر

دجلة_ واني شسوي هناك ؟

مهند_ اولا تغيرين جو ويايه ثاني شي منو رح يشوي الاكل مو توني كلت اني تعودت على اكلج
حتى كمت افكر حتى من اسافر اخذج ويايه

دجلة_ يمعود استاذ دتحسسني اني شيف بوراك لو نصرت لو منال العالم

مهند ضحك _ انتي احسن منهم كلهم