အစွမ်းထက်အယ်လ်ဖာနဂါးကြီးအဖြစ် ကူးပြောင်းသွားတာတောင် အိုမီဂါဖြစ်သွားတယ်

Chapter 26 (2)

မင်းဟွမ်က ထိုသို့ပြောသည်မှာ ရှားသည်။

မည်သို့ဆိုစေ အားကိုးတကြီးအမေးခံရသည့်ခံစားချက်မှာလည်း မဆိုးလှပေ။

ယွိဟန်ကျိုးမှာ စမ်းသပ်မှုနှင့်ပက်သက်ပြီး မင်းဟွမ်၏ တောင်းဆိုမှု အဓိပ္ပာယ်ကို တွေးနေပုံရသည်။

"လိုက်ဖက်ညီမှုစမ်းသပ်တာက အကျိုးအမြတ်လည်းရှိတယ်။ အကယ်၍မင်းမှာ (၆၀%) နဲ့ အဲ့ထက်ပိုတဲ့ လိုက်ဖက်ညီမှုရှိနေရင် အဲ့တာက မင်းနဲ့အလိုက်ဖက်ဆုံး အမြင့်ဆုံးဖယ်ရိုမုန်းအမျိုးအစားအဆင့်အရ မင်းအတွက် ပိုသင့်လျော်တဲ့ အရာတစ်ခုခုကိုရှာဖို့ လုံလောက်မယ်။ အဲ့တာက ခန္ဓာကိုယ်ကိုဘေးဥပါဒ်မရှိဘူး။ ဒါပေမဲ့ ကာကွယ်ဆေးနဲ့ တားဆေးရွေးတဲ့အခါတော့ ကောင်းတဲ့သက်ရောက်မှုရှိလိမ့်မယ်။ မင်းက ကွဲပြားခြင်းကာလကို တစ်လလောက်ဖြတ်ကျော်ရမှာ။ ဟိတ် (heat) ကာလကိုရောက်လာရင် စိတ်စွမ်းအင်မြင့်တဲ့ နဂါးတစ်ကောင်အတွက်ဖြစ်ဖြစ်၊ လူအတွက်ဖြစ်ဖြစ် အမှန်ကန်ဆုံးတားဆေးရွေးဖို့က ဘယ်လောက်အရေးကြီးလဲ သိလာလိမ့်မယ်"

ယွိဟန်ကျိုးမှာ (၁၀%) ထက်ပိုသည့် လိုက်ဖက်ညီမှု မရှိခဲ့ပေ။ ထို့ကြောင့် နှစ်လေးရာလုံးလုံး တားဆေးများနှင့်ပက်သက်ပြီး သူ့ဟာသူ သုတေသနလုပ်ထားခြင်းဖြစ်သည်။ ဆေးရုံတွင် အချိန်အတော်များများ အားစိုက်ထုတ်ပြီး အမှားအယွင်းများလည်း များစွာလုပ်ခဲ့ပြီးသော်လည်း ဆေးဝါး၏သက်ရောက်မှုမှာ အလွန်နည်း‌‌နေသေး၏။ မည်သို့ဆိုစေ တားဆေးနှင့်အတူ စိတ်စွမ်းအင်အတော်များများဆုံးရှုံးနေရဆဲဖြစ်သည်။

ထို့ကြောင့်ယွိဟန်ကျိုးဆိုလိုသည်မှာ မှန်ကန်သည့်လိုက်ဖက်ညီမှုရှာဖွေရန်မှာ လိုအပ်သည်ဟု ဆိုလိုခြင်းဖြစ်သည်။

ထိုအရာမှာ မဆိုးရွားဘဲ ကောင်းသောကိစ္စဖြစ်၏။

မင်းဟွမ်မှာ ခေါင်းလေးအား ခပ်ယဲ့ယဲ့ခါရမ်းလိုက်သည်။

"ကျနော့်စိတ်စွမ်းအင်က အရမ်းအားကောင်းတယ်။ တားဆေးကကျနော့်စိိတ်စွမ်းအင်အပေါ် မကောင်းတဲ့သက်ရောက်မှာရှိနေလည်း ဂရုမစိုက်ပါဘူး"