﷽
____الكاتبة بحر_____
شـــرارة بين الــنار والـــماء
تقريبا 5000 كلمة
♡_______________________♡
علياء
اخذت شرارة لغرفتها وهي من سمعت بقدوم الشيخ ساجد حسيت انخطف لونها وحسيتها توترت رادت تنزع طوق الرقبة الطبي ماخليتها
:اصبري خية خاف مايصير ..
:اختنگت علياء عفية وخري
:بس أگعدي أگعدي عليش انگلبت احوالج
گعدتها على السرير ورحت اجهزلها ملابس واسترق منها النضرات وهي بس ساكتة وتتنفس بقوة والدمع محسور بعيونها
ساعدتها تغير ملابسها ردت امشط شعرها ردت بصوت مختنگ
:لا عفية الشعر يشد الجرح ويعورني
:هااه زين من حجيتي انا عبالي انخرستي
ماردت علي .. تنهدت وگعدت يمها حطيت ايدي على كتفها وتكلمت
:شمالج خية يوجعج شي
بس اكملت سؤالي نزلت دموعها وصارت تبكي بهدوء وتغطي عيونها وكأنها خجلانة من بكائها
:بس حاجيني شمالج اصيحلج ايهم
اشرت بأيدها ترفض وردت مختنگة
:عفية اريد ماي بلعومي يوجعني
طلعت اجيبلها ماي .. شفت جدي مجهز نفسه ومغير لبسه حتى يستقبل الشيخ ساجد بالمضيف
واسمع صوت جدتي ومرت عمي عطار وي عائلة الشيخ بلاستقبال
اخذتلها ماي لگيتها على نفس وضعها بس دموعها تنزل
انطيتها الماي وطلعت اتفقد عباس صعدت للطابق الثاني لگيته گاعد وايهم يحطله العلاج بالكانيولا
عباس :ايهم اعتمد اعليك خوية
: هسة رايح والله وكلشي الله يگدرني اعلي اسويه بس هدي رويحتك ولك ضيعت عافيتك من ايدك وين اكو ملگوف بعمرك مجلوط
:انكسرت ايهم رويمي كسر ضهري گدام الزلم شوه سمعة مريتي كدام اولاد تحسين والكواد كرار ولك حسيت عزارييل نام اعلى متوني من العجز
:سوي العليك وارضى بقدرك وجاهد بالصبر وربك ماراح ينساك بس لا تعترض على قدرك .. والخيرة فيما اختاره الله
:ولك لا تحجي هيج ولك اخافن لا تحجي هيج .. گوم شووفلي اخبارهاا ورد حتى اشوفلي جاره
خلص منه ايهم وقرب منه دولكة الماي ونهض يطلع انتبه لي بالباب اشرلي انزل ونزل وراي
التفتت على صوته
أيهم : لا تصعدين يمه خله بلجن ينام يهود الولد وضعه موش زين وحاله تعبان
:سودة علية جا شلون ايهم نخليه هيج
:شبيدي اعليه ادعيله وهاي هو
:روح لمرتك مدري شمالها من سمعت بجية ال ساجد انخطف لونها
أنت تقرأ
شرارة بين النار والماء
Spiritualضحية الجهل ، في محاولة بائسة ل تحصيني من اشباه الرجال وضعو لي حارسا من عالم اخــر في سحر قاسٍ ضناً منهم انه لن يقوم سوى بحمايتي انقلب الســحر ليس على الســاحر بل عليّ شيئ من لاشيئ يجعلني اعيش ما لا ينبغي ان اعيشه وارى ما لا ينبغي لي ان ارى منذ ح...
