شرارة بين النار والماء

الحلقة الواحد والعشرون

____الكاتبة بحر_____

شـــرارة بين الــنار والـــماء

حسابي الانستغرام pahr.44

لا تنسون التقييم والتعليق بين الفقرات ++اضافة للحساب لطفا pahrasoad

♡_______________________♡

شــــرارة

نزلنا من التكسي قرب الباب
عيني على الباب مبتسمة بخيبة واحس ذبلت وهدلت اكتافي حنكي يرتجف ودموعي احسها جمر وغوشت بسبب انحسار الدمع
تقدمت بهدوء

استغربت الباب مغلق من الاعلى بقطعة قماش
التفتت ل أيهم واحس صوتي بصعوبة يطلع اختنگت

:ايهم شوف الباب ما مقفول

اتقدم عاقد حاجبه مد ايده فتح القماشة دخلت للبيت امشي واتلفت

بلعت ريقي بصدمة واني اشوف تخم الحديقة ماموجود والمرجوحة الكبيرة ماموجودة

وسعت عيوني وركضت للصالة دفعت الباب بقوة انفتح يعني مامقفول اباوع الكرويتات ماموجودة ولا الثريات ولا التحف

ركضت لغرفة بابا افتح بابواب الكنتور والمجرات ماكو فارغة تماما

لا ملابس ولا عطور ولا اوراق ولا سجلات ولا كتب كنتور امي كذالك لا ملابسها لا ذهبها الخزنة كلها مشيولة من مكانها

ابواب الكنتور.كلها متضررة وكأن شخص تعمد يخربها بسكين او مطرقة او اي اداة للتخريب

التفتت ايهم وراي صافن طلعت لغرفتي نفس الحالة.والمطبخ وحتى المخزن وحتى السطح البيت فارغ والباقي من الاثاث مدمر تماما

اركض بالبيت واصرخ والطم بذرات الغبار المالية البيت
احتارت روحي على شنو تبجي على شنو تصرخ
ايهم يريد يسيطر يلزمني ما يگدر وهو اصلا بأيد وحدة

على صوت الصراخ دخلت جارتنا صديقة ماما
حالتي ماكانت تنوصف ملخت ملابسي وشعري ووجهي صار ينزف من كل مكان

وصوت الصدى عالي من الفراغ تحاول تحضنني واني ادفع بأديها
شوية واجت بنتها وراها
ركضت جابت مي شمرته علية واني اشهك بعالي صوتي وايهم قريب مني بس ماكنت احس بشي

حضنتني صديقة ماما اسمها افتكار

:اذكري الله بنيتي غراض تروح وتجي غيرها علكيفج يمه مو هيج