شرارة بين النار والماء

الحلقة السابعة

____ الكاتبة بحر _____

شــرارة بين النــار والمـاء

بسم الله نبدأ وبسمه ننتهي

___________________

شرارة

بــعد ايام من انتقالهم للبيت الجديد
وليس بجديد بيت قديم
طرمة وصالة و غرفتين مطبخ وصحيات
گاعدة بالغرفة قريب على الشباك حتى بس اگدر اشوف جدتي تمر امامي لان اذا ما شفت بشر عقلي يختل
الباب كان مغلق من الخارج بقفل وما اطلع غير للحمام

بس انطق كلمة زايدة خالي ينهيني بالضرب كان مجهز  سلك غليظ كلما عاندته يضربني
رجلي مربوطة بسلسلة من باب غرفتي للحمام

خالي اللي كان كلما شاف كابوس يجيني ينتقم مني ويصرخ بوجهي

علاء : بسسببج كله منج منيين طلعتييلي ارريد انــام گ…… .. دايحة خليهم يفكون ارريد انــام

جدة :ولك يمة شبيدها مو هل مربووطة وحال الضيم حالهاا شتسويلك

:من عدهاا انا ما جان بية شي ولج يمة ارريد اناام

جدة : هسسة غيير كون ترضا ناخذهاا نطيبهاا ونخلص خايبة يــمة هذا الرجال شــغلة زين وفاك هواي سحورة خلنا نفكج ونفتك

شرارة : يلا خوش بس فتحي السلسلة من رجلي اكلت رجلي ووخري ابنج الارعن عني واني اروح وياج

تكلمت واني مبتسمة بأستخفاف رغم ان جلدي كان يحرقني من عنف ضرباته

شمر الكيبل من ايده واقترب مني يتوسلني ووجهه اسود ويرجف وريحته نتنة

:ولج شرارة بوية فدوة رحتلج خلصيني ابوس رجليج بس فكيني لا تودينهم اعلية

:اكلك انت عقلك بي شي صاحي لو مخبل شودي عليك شنو هم بزازين ترة جنانووة مالكم حل غير تطردوني اذا ما طردتوني يضلون يعذبونك

صاحت بي جدتي بصوت عالي : ولك يمة خلنا نودهاا لهلها اولاد عمه چثيرين بالبصرة هم يتصرفون ويااهاا انسلبت راحتنا وانت راح تروح من ادية

علاء : مووش بكيفهااا هاي باجر ناخذها لهذا الكلتي عنه تطيب وترد تنربط
ان عفتهاا ينگطع عني الخير ويروح البيت

شرارة : ماراح اروح واذا رحت افضحكم

:دبارج عندي يبت فاروق هيين لو ما خليتج مخبلة ومسجونة

شرارة :بكيفك اني ما اخاف بس صدگ كلما تأذيني تأذيك تابعتي اضعاف ههههههه

باوعلي وفز مني ما اعرف شنوو شاف بوجهي
وبيبي تركض وراه وتصيح اسم الله يمة اسم الله الرحمن تعال علاء علااوي يمة وين رااايح ولك يمة تعاال

طلع من البيت واجتني دفعتني لداخل الغرفة وغلقت الباب وهي تدعي وتتحسب علية

خالي مارجع بيومها وجدتي كانت تخاف تفتح الباب واني احتاجيت حمام توسلت بيها لحد ما مليت مافتحت الباب مكابلتني وتبجي خايفة مني