شرارة بين النار والماء

الحلقة العشرون

﷽

____الكاتبة بحر_____

شـــرارة بين الــنار والـــماء

حسابي الانستغرام  pahr.44

اكثر من 4000 كلمة

♡_______________________♡

شـــــرارة

أيهم : الج مني سر ما جنت ناوي اسولف بي

رفعت وجهي ورديت اكتم غضبي بضغط اسناني
:شنو بعد أيهم

: هم يدرون وحتى اهي تدري
:يدرون بشنو 
: شرارة البت واهلي يدرون انا اريد اتزوجج

:اريد العباس يسطرني اذا فهمت شي

:انا وغالية اجمعتنا ضروف موش خطبة وزواج مثل الوادم البت ابوها هداها

:شنو هداها قابل جواريب زايدة هي

ضحك وصارت سالفته العباية كلما تنزل لكتفي يصعدها
: موش جواريب حشاها بت ناس ومعدلة وموش عيب الرجال يخطب لبنته اذا شاف المقابل مايتفوت

:هسة يعني انت تمدح روحك لو شنو ، وين السر بالموضوع .. ووين الشيخ مالتك اريد اطلك

:يبه اطيني مجال اسولف وياج شمالج انتي
سحبني رجعني گعدني

بوية تدري والله تدري مرتي واهلي كلهم يدرون انا رايدج  وناوي اخذج

:هاي من شوكت ناوي وشلون ناوي يعني منو كالك اني راح اوافق

يباوعلي يريد يضحك واني صفنت شنو منو كالك مو هل وافقت

:ءااا يعني قصدي يمكن ما جنت اوافق

:لو ماشاردة مني هسة عدنا فرخ

:فرخيش والله ماتستحي فرخيش شنو متزوج دجاجة افقسلك بواحد وعشرين يووم

لازم ايدي بقوة واني اريد اسحبها وما يتركها

:كل هذا انسي انا جنت مناطرج وانا ببالي الگاج و گليبج فارغ
انا اكلج هيج بس حتى تطمنين من ناحية اهلي ومرتي لا تشغلين بالج دوم وانا وياج على الحگ  والباطل نصلحهه بدون ما اضرج

:أيــهم

گلتها وبجيت بضعف وقلة حيلة ماعندي حل ثاني ما اريد افتر بالشوارع ولا ارجع أذي بيت شفجة

عاصر كف ايدي ويهمس قريب مني

: لا تخافين ، منين خايفة وانا وياج والله بس تعاشريني ماراح تندمين انا ما اذي عزيز ولا اضلم ضعيف و لا امد ايدي اعلى مرة
هاي وي الوادم مو عاد شرارة

:خاف يجي يوم يدفعنك علية

:والله لو تدرين شلج بفادي جا عردتي بهدومي وماهديتيني