﷽
____الكاتبة بحر_____
شـــرارة بين الــنار والـــماء
حسابي الانستغرام pahr.44
♡_______________________♡
شــرارة
بعد ما انهى كلامه نظرت له بقرف
ضحك ورد : تتذكرينها
:لاا ما اتذكر شي وروح منا اتكفى شري لا افضحك والم الدنيا بكبرها عليك
:تنفضحين انــتِ
باوعتله بأبتسامة ماكرة ردها بملامح تحدي تقدم خطوة
واني صــرخت بأعلى اعلى صوتي
تراجع للوراء بفزع صرخت ثلاث صرخات هو نزل لسطحهم اختبأ
واني وقفني عن الصراخ حضن جدتي
التفتت شفت خالي واكف ببداية الدرج خايف
ضواهن :شماالج يجدة اسم الله ياهو يمج ليش تصــرخين
:جدة ششفت جني جني اهـــنا بصف الحايط
بتمثيل متقن اقنعتها بأني خايفة ، وايضا كانت رسالة لخالي ان ممنوع تفكر تتقرب مني نزلتني وهي تمشي وتتلفت وايدها ترجف
من نزلنا ضلت تتذمر لان صعود الدرج صعب عليها
خالي طلع من البيت
رجع بــعد الغــروب مع مجموعــة من الرجال صــعدو للسطح اشعلــو نـار بطاسة بناء كبيرة وضلو لحـد الفجر ليلتها ما عرفـت الـنوم من الخـوف اول مــرة يصير هيج مـوقف اصدقاء بـابا كان حدهم الاستقبال وما يتأخــرون هـيج
شفته من الشباك غلق الباب ورائهم
وفـات لغـرفته
مــرت ايام وانـي احس جسمي بدأ يتعب
من الـهـم وقلة الاكل كلما احط الاكل بفمي يصيرون گبال عيني ابلع اللقمة والعبرة سوة
جـدتي ما عـندها سياسة ومواساة اذا انقهرت علية تضل تصيح وتـغلط
حطينا الغدة وطلع خالي من غـرفته غـسل وجهه وگعد لا شـغل ولا عـمل
هم ياكلون واني بس اباوع وعاقدة حاجبي كل شي ماعاجبني
تركت الاكل ونهضت صاحت وراي
ضواهن: ولج نويران ليش ما تتسمين حالج حالنا
حجيت واني امشي : شبعانة
:ماكلة المــر .. ولج منين شبعانة حتى ما تريگتي
:شبعانة جدة عوفيني بحالي
صاحت بغضب :تاكلين مرض تاكلين سم يسمج ويسم ابوج شنهي صغيرونة اضل اعس بحلكج
تكلم خالي بملل :شنهي اليوم ما تنزقنب
عفتهم وطلعت گعدت بالمطبخ وشلون مطبخ انضف واتعب ومايبين بي يلعب النفس
ومنين يجيهم الخـير خالي اربعة وعشرين ساعة سهر ونوم وجدتي على فلوس التنور لو يشترون ناكل لو ماكو ياكلون خبز وچاي
أنت تقرأ
شرارة بين النار والماء
Espiritualضحية الجهل ، في محاولة بائسة ل تحصيني من اشباه الرجال وضعو لي حارسا من عالم اخــر في سحر قاسٍ ضناً منهم انه لن يقوم سوى بحمايتي انقلب الســحر ليس على الســاحر بل عليّ شيئ من لاشيئ يجعلني اعيش ما لا ينبغي ان اعيشه وارى ما لا ينبغي لي ان ارى منذ ح...
