شرارة بين النار والماء

الحلقة الثالثة

﷽

____الكاتبة بحر_____

شـــرارة بين الــنار والـــماء

حسابي الانستغرام  pahr.44

♡_______________________♡

شـرارة

عدلت گعدتي ولزمت جوانب رأسي  مغمضة عيوني من الصداع

باوعتة احس بضعف احس مكسور خاطري نزلت عيني اخفي دموعي

تكلم بحسرة

:شرارة مشوارج طـويل لزوم تشدين حيـلج وتتقوين لاتصيرين لگمة سهلة يلوحج الضعيف گبل القوي

:يعني شسوي

:يعني بــعد ما تدرين عدلين ميتين لا تنصبين العزا من هسة

:كلش خايفة شـلون بية لوحدي

: محـد وحده الله ويانا جميعا اذكري خليج مثل اسمج شرارة يعني بنت النار ومكانج فوك طايرة ورافعة راسج ما تضعفين ولا تبجين بعد وكت للبجي

همست : بنت النار

:اي بنت النار  ، ابوج نـار ومحد يندگ بالنار الا لومن تنطفي الجانو صدگانه صارو عدوانه من هفت 
عيونهن كشفت جذبهم 
لا تخافين الجذب حبله گصير لابد تجي ساعة التضهر الحقيقة بس يرادلها صبر

رد فعلي على كلامه عكس ماكان يتوقع بدل ما اقوة صرت ابكي بصوت  عالي فتحت باب السيارة ونزلت اصرخ بصوت عالي

:باااااباااااا دخــيلكم ارجعولي لاا تعووفني يمااااااا لا تعووفوني

كلبي احسه راح يتوقف من سرعة النبض احس خايفة حتى من خيالي الشهكة تجرح بلعومي وتطلع بصوت عالي

واكف متخصر يباوعلي ويدور وجهه بحيرة جلست بلارض بسد السيارة اريد نفسي ينتظم

اقترب مني بهدوء بأيد بطل مي اخذته اشرب ودموعي تنزل
سكتت من سمعت همساته وهو يباوع بعيني

:بسم الله الرحمن الرحيم ، بسم الله على گلبج ،بسم الله على عگلج ، بسم الله على روحج ، بسم الله تحرسج من يمينج ومن شمالج من فوگج ومن تحتج بسم الله عليج

صفنت بوجهه كل شي بية سكن واني اسمعه

:انا وياج ما اهدج لوحدج

:شلعت گلبك اني هسة تگول بداخلك ياريت ما ساعدتها مــو

:اشلعي واشعلي اهله انا راضي ، وتطمني داخلي لو ما دموعج جا تونس بهالرفجة 

:ايــهم

:تحت امرج

:محتارة شسوي

:اول هيلة ندور يدتج وتستقرين يمها ثاني هيلة نمشي بسالفة ابوج  والمكتوب على الجبين تشوفه العين الحياة هي تسري بيج