شرارة بين النار والماء

الحلقة الثالثة والعشرون

﷽

____الكاتبة بحر_____

شـــرارة بين الــنار والـــماء

حسابي الانستغرام pahr.44

اكثر من 4175 كلمة

♡_______________________♡

شـــرارة

نايمة واحس بلمسات على وجهي وحواجبي يغرس اصابعه بشعري ويمررها بهدوء فتحت عيوني ببطئ من شدة المرض
ايهم ونضراته كأنه يريد يلتهمني

بعدت ايده وگعدت سحبت نفسي بضجر للحايط مو متعودة عليه وكلما اتذكر شلون بسته احس وجع ببطني من الخجل

تكلم بصوته الهادئ
:صباح الخير شرارة

رديت واني اباوعله وادير عيني وارفع بالغطاء الف نفسي
:هلا صباح النور

:بشري شلونج اليوم
:الحمدلله زينة
:والمعنويات
رديت بحسرة : لا تخاف بعد عندي حيل اجاري المصايب
:ولو خلص حيلج يفداج ايهم وحيله

باوعت له وابتسمت ما اعرف شأرد ايهم بهالوقت سخر كلشي عنده اللي
همست : اني شلون اجازيك
: جزاي الرايده منج بس تبطلين تحسسيني انا غريب

صاح عباس من الصالة
:وينكم يابة الچاي برد
نهض وكال
:يالله حتى تتريگين ونتوكل

هو طلع واني حطيت ايدي على صدري خايفة شنو راح اشوف شلون راح الگا شكلهم متغير لو باقين نفسهم بلكي عدلين ومحبوسين بلكي بعد بيهم روح حتى مريضين واداريهم عمري كله وارجع لهم بعض من الدلال الدللونيا

ذبيت الغطا واخذت الشال حطيته على شعري ورحت غسلت وفرشت وبدلت ملابسي ودخلت

:صباح الخير
عباس باوعلي وبسرعة نزل عينه ورد وهو مدنگ

ايهم نزل ترك الخبز ونهض سحبني لبرة

:شلون هيج تفوتين
:شبيه مو لابسة حجاب

:حجابيش بوية .. وهاي رگبتج وزلوفج مامشمولات لو شنهي
:ترة هو اخوك
:والله لو اخووج موش اخوي مابعد تطلعين ركبتج كدامه .. يالله دخلك شوو لفيه لفيها

لفيتها واني اخزر بي .. مد ايده مبتسم يغطي اطراف الشعر

: حتى حدود الله ماشافية كلبي اريدن بعد اضم منج

:خووش .. روح اتريك اني اصلا شبعانة

باوعلي باهت
:تكسرين خاطري وتخليني بلايا ريوگ بس شي اغار
:اني اني ما اكل مو انت
:واني اني شلون تعبر اللكمة زردومي لو ما انتي اكلتي