مادِرينْ دينيسوس-Madrin Dionysus

حينَ أراك 9

كُل شيء أنمسح لِوهلة
كأن الفترة الجامعية الي عاشها كانت حلم
كأنها ذكريات مغبشة، ما لها اساس من الصحة

الان، هو بِعمر ال٢٥
تخرج، والان يخطط يبدأ وظيفته كَمُدرس فيزياء

وللان جزء منه يتذكر هالة لشخص يجهله
شخص فارِع الطول، ريحته مُميزة وصعب تُنسى
شخص كان يظهر فجأة، بس كان دائمًا موجود

هو يتذكر لحظات منه، بس ما يتذكره
منو هو؟ شيصير وشوكت تعرف عليه؟

والاهم، شوكت اختفى؟ وشنو جانت طبيعة علاقتنا؟

نفّض هذي الافكار عن رأسه وهو يحدّق بانعكاسه على المرأة، يرتب هندامه ليتجهز لِشغله الجديد

علّ هذه الذكريات كانت وهم، يمكن جانت حلم
ودع داي وقططها الصغار (داي الان ام، وعندها اربعة هريرات) وخرج من المنزل

هو شخصيًا ماتغير، لا زال شخص فوضوي
ولا زالت افكاره عالية لدرجة تشوشه

بس على الاقل حياته غدت اهدئ، بعدما تزوجت اخته ووقفت زوجة ابوه تحاسبه على كل شي

بالنسبة لابوه؟ فلا زال كثير السفر
ولقائاتهم نادرة

قرر يروح للمدرسة مشي، لانها ماتبعد هواي عن بيتهم
تقريبًا ١٥ دقيقة مشي

____

حينَ وصوله، دخل وكان الوضع هادئ
الان الساعة ٨:٣٣، الطلاب بصفوفهم والمعلمين كذلك

ماعدى المعاونين والاكيد المدير الي جان قلق يدور عنه حتى ياخذ تعليماته

شاف احد المعاونين، جان شكله مميز عن الباقين
بشعر احمر وعيون خضراء

جان شخص بشوش، هذا الي فكر بيه قلق من شافه يبتسم اله

قرب منه وبادله الابتسامة
"انتَ جديد هنا؟"
سأله المعاون

اومأ له قلق يأكد كلامه
"مبين، تريد ادليك عالمدير؟"

"اذا ماكو زحمة، اي."

"تعال ويايه"

دلّه المعاون على غرفة المدير، وعلى عكس بقية المدارس هالمدرسة رغم انها حكومية الا انها جانت نظيفة وجبيرة بشكل مُذهل

الوانها ترابية، وتصميمها قديم رغم نظافتها الواضحة
هالشي الي خلة قلق يستغرب عن ليش قبلوه هنا وهم ما يقبلون غير اساتذة بخبرة كبيرة وواسعة

الشي الاغرب هو انها كانت مليئة برسومات لشاب بشعر بُني متوسط الطول، ملامحه مغوشة بس كل الرسومات لنفس الشاب

الشاب جان يشبه قلق بالهيئة، بس قلق توقع انه يمكن مجرد لوحات لشخص مشهور

اضافةً انه المدرسة كانت تعتبر بعض الشيء جديدة
ما انفتحت غير بسنة تخرُج قلق
اي قبل سنتين تقريبًا

وصلوا لباب غرفة المدير، وطرق المعاون الباب
"صدك شنو اسمك؟ اني اوريان."

نظر له قلق بتعجب
"اسمك غريب، مسيحي؟"

ابتسم اوريان
"اي، بس مجاوبتني على سؤالي؟"

تردد قلق للحظة، الناس من تسمع اسمه غالبًا تستغرب، و يبدون يسألونه هواي اسئلة وهو مجان اله خلك يجاوب

بس جاوب على اي حال لان حس اوريان لطيف ومحيضوجه باسئلة مالها داعي

"قلـ"
قبل لا يكمل جوابه انفتح الباب، وطلعت امرأة بشعر اسود طويل، اظافر طويلة حمراء، فستان انيق وملامح الكل يكدر يتفق انها جميلة

حدّق قلق بيها لثواني هو المدير بنية؟ توقعت رجال

همس قلق يسأل اوريان
"هاي المديرة؟"

نفى اوريان
"لا، هاي اخت المدير، مرات تجي تزورنا، هي متعرف عربي لان متجي للعراق هواي"

خرب هاي شلون اخت عنده
ابتّلع قلق وهو يشوف الجميلة الي كدامه
انيقة ومرتبة، وهو حتى شعره ما ممشطه ونسة يعدل ربطة العُنق مالته

كل فرصي راحت وياها
ندب قلق حظه داخليًا

"So.. that's you, I expected my younger brother to know better but you look nice anyway, with a little changes you'll be perfect."

"لعد هذا انتَ، مو؟ عبالي اخوية الصغير ذوقه احسن من هيج بس يلة شكلك يمشي الحال، شوية رتوش وتطلع تخبل."

ابتسمت له بنهاية كلامها
وقلق رمش مرات عديدة وهو يحاول يستوعب هي شكالتله بالضبط؟

همّس يسأل اوريان
"هي شحجت عليه؟"

حاول اوريان يكتّم ضحكته وهو يجاوبه
"وراك طريق طويل حبيبي"

اقتَربت منه المرأة المزعومة انها اخت المدير
وكفت علمود تعدل ربطة عنقه الفوضوية

بس قبل لا تبدي انفتح الباب
ولحظة.. هالشخص جان مألوف

مألوف وجدًا لقلق

__

ها شونكم