وليش أرجف عليك
وينخطف لوني؟
وحتى الناس گامت
تعرف بهالحال
ما اعرف شگلهم
من يسألوني
يطبون بصفنتي وعنك
يدورون يلگوني افكر
بيك يلگوني!
بقلمي::-زهراء آلـ يوسف .
روايه::-العرين والمكاس .
.
ضليت بمكاني ارجف احس المجد اجه وگف گبالي وخر الشال عني وسحبني حضني وباس راسي وخرني وجاب حلقات لبسني ولبسته الحلقه اخذتها برجفه ولبستها
رفع راسي أبتسمت ومسحت دمعه نزلت مني اختفت ابتسامته ولزم وجهي بأثنين أدينه وفاتح عيونه مستغرب
المجد::-ياعيوني انتِ ليش تبچين؟!!
قمراء::-هيچ ماكو شي
دخلو كلهم يهلهلون ويباركون ومشغيلن اغاني وبسام يهز يمنه
بسام::-يوووم الألييي
حور::-مبرووووك
قمراء::-الله يبارك بيچ يعمري
حضنتني فرحانه هي وشهد ومريانا وراهن رونق حضنتني هم گعدت اني والمجد وصورنه وراها لزم أيدي واديه وگص الكيكه شال اول لگمه ووكلنياها فرحان
المجد::-اكلي حتى نروح لكربلاء
هزيت راسي واكلتها وكلها ترگص وتهلهل فرحانين ،مرت ساعه المجد أستأذن منهم واخذني لغرفته قفل الباب وسحبني حاضني بكل قوته ويضحك بصوت فرح
قمراء::-ههههه شبيك عيب
المجد::-على شنو تره مرتي!
بعدني عنه وراح فتح الكنتور طلع شال أبيض لم شعري ولبسني كب وشال لبسنياه وهو مبستم ابتسامه واسعه وعيونه تلمع ويحچي بفرح وحماس
المجد::-هسه هيچ تخبلين!
باوعت للمرايه صدگ الشال كلش حلو اخذ ايدي بين ايده وباسها فتح الباب وطلعنه وگفنه بنصهم
وسن::-ها يمه
المجد::-يله اليريد يتفضل ويانه لكربلاء بس بسياراتكم
علاء::-هههههههه لا عمي روح انتَ ومرتك الجايات نروح سوه
بسام::-انه اروح عليك الزهره
شهد::-حتى اني حبااااب
ابراهيم::-انتم بكل عزه لطامه بله
المجد::-يمه انتِ وعمي حسام وشهد وبسام تعالو ويانه
حسام::-لا بويه روح انت وامك اني اضل يم عمامك
المجد::-يله چا يمه البسي
وسن::-اي يمه ماعندي شي بس جواريبي وعباتي
شهد::-انتضرووني
طلعنه قبلهم للسياره وبسام ورانه يطگ اصبع دقيقه اجت ورانه خاله وسن فتحلها المجد الباب وصعدت يمه فتحلي الباب اني هم وصعدني
أنت تقرأ
العريـن والمكـاس
De Todo﴿رِوايه حقيقيه ،عراقـية﴾. أملك وجهًا آخر وجهًا قاسيًا بعيدًا عمّا تراه الآن عندما تغلق أبوابك آمامي أملكُ وجهًا آخر وجهًا باردًا بعيدًا عن الدفء الذي يحيطك دائمًا مني
