Nyi Nyar Yoe Chi

AFTER REBIRTH [ EPISODE 15 ]

Recommended Song For This Part
EXO - DON'T GO

Unicode

ညဘက်ကြီး အင်တာနက်မှာ သတင်းတစ်ခုကအဆီးအတားမရှိပျံ့နှံ့လို့လာခဲ့သည်။ပါ၀င်ပက်သက်သူတွေက လူသိများကျော်ကြားသူများဖြစ်ပြီး သာမန်ဆိုတာထက် ဒိတ်ဒိတ်ကျဲ အသိုင်းအဝိုင်းမှဖြစ်တာမလို့ ညဘက်အိပ်ချိန်ဖြစ်နေတာတောင် အသဲအသန်ဆွေးနွေးနေကြပြီး မနက်မိုးလင်းချိန်မှာတော့ အဆိုပါသတင်းကအကြီးကျယ်ပေါက်ကွဲနေခဲ့ပြီ။

သတင်းအသေးစိတ် -

"မဟာအစုအဖွဲ့၏ဆက်ခံသူ ညီညာရိုးခြည်သည် ဂလိုဘယ်ဝါးလ် နှင့် မူယာ အစုအဖွဲ့နှစ်ခု၏ဆက်ခံသူ ကောင်းကင်မြင့်မြတ်ဟိန်းအား တစ်ဖက်သတ် ကြိုက်နှစ်သက်နေပြီး တစ်ဖက်မှလက်မခံသဖြင့်အောက်လမ်းအစီအရင်ဖြင့်လုပ်ကြံရန်ကြိုးစားခဲ့သည်။ညီညာရိုးခြည်သည် ကောင်းကင်မြင့်မြတ်ဟိန်းကြိုက်နေတဲ့ နိုရာမျဉ်းပြိုင်ကို ဖခင်အရှိန်အဝါနဲ့ ဖိနှိပ်ဖို့ ကြိုးစားခဲ့ပြီး ‌ကျောင်းမှာလည်းဖယ်ကျဉ်ကာ အနိုင်ကျင့်ဖို့ကြိုးစား‌ခဲ့သည်။ နိုရာမျဉ်းပြိုင်နှင့်ညီညာရိုးခြည်တို့သည် ငယ်သူငယ်ချင်းများဖြစ်သော်လည်း ကောင်လေးအတွက်နဲ့ ညီညာရိုးခြည်က နိုရာမျဉ်းပြိုင်ကိုစွန့်လွှတ်ခဲ့သည်။ "

မှတ်ချက်ကဏ္ဍ -

"ဘုရားရေ ကိုရီးယားဒရာမာတွေထက်တောင်ပိုပြီးရှုပ်ထွေးနေသလိုပဲ "

"အချစ်ကို ရိုးရိုးမရလို့အောက်လမ်းနဲ့ရယူမယ်ပေါ့၊ ဒီဖေဖေကပြောလိုက်မယ် အချစ်ကဖြူစင်လွန်းတယ်၊အောက်လမ်းနဲ့ယူလိုက်ရင်ရော အဲ့ဒီအချစ်ကစစ်မှန်ပါဦးမလား "

"ဟဲ့ ညီညာရိုးခြည်ကိုငါမသိပေမယ့် ကောင်းကင်မြင့်မြတ်ဟိန်းကိုတော့ငါကောင်းကောင်းသိတယ်၊ ထိပ်တန်းလုပ်ငန်းစုတွေရဲ့ဆက်ခံသူဖြစ်တာအပြင် အရပ်ကလည်း အရှည်ကြီးပဲ၊ ငါ့မှာ နေ့တိုင်းသူ့ပုံကိုကြည့်ပြီး manifest ထိုင်လုပ်နေရတာ ဘယ်လိုအောက်တန်းစားမျိုးက ငါ့ကောင်လေးကို အောက်လမ်းနဲ့လုပ်ရဲရတာလဲ နာမည်ကအစရွံစရာပဲ ထွီ"

"ကောင်းကင်ကိုအပိုင်ရချင်တယ်ပေါ့လေ အောက်တန်းစား"

"တစ်ခြားဟာမသိပေမယ့် သူငယ်ချင်းနဲ့ကောင်လေးရွေးချယ်ရကြေးဆို ငါကတော့ သူငယ်ချင်းကိုပဲရွေးမိမှာရယ်၊ကိုယ့်ကိုပြန်မကြိုက်တဲ့သူတစ်ယောက်အတွက်နဲ့ ငယ်သူငယ်ချင်းကို စွန့်မပစ်ရက်ဘူး "