𝖦𝖾𝗍𝗍𝗂𝗇𝗀 𝖯𝗋𝖾𝗀𝗇𝖺𝗇𝗍 𝖶𝗂𝗍𝗁 𝖠 𝖱𝗂𝖼𝗁 𝖬𝖺𝗇

AFTER REBIRTH [ EPISODE 3 ]

Unicode

ကောင်းကင်မြင့်မြတ်ဟိန်းဟာ နှုတ်ခမ်းနီမလေးတွေရဲ့အသည်းစွဲ၊အမျိုးသားငယ်တွေရဲ့စံပြ ဖြစ်တည်မှုတစ်ခုဖြစ်ပြီး ငယ်ရွယ်ချောမောသည့် ဒုတိယမျိုးဆက်သခင်လေး များအကြား ထိပ်ဆုံးမှ ရပ်တည်နေသည့် အခွင့်ထူးခံလူတန်းစားတစ်ရပ်ဖြစ်၏။ဒါကြောင့်ပဲ သူ့ရဲ့ဘေးမှာ ယှဉ်ပြီးရပ်နေနိုင်သည့် သူကလည်း အနည်းငယ်သာရှိသည်။ CHAN THAR FURNITURE မှ တည်တံ့ချမ်းသာ၊ TREASURE JEWELLARY မှ မီမီကျော်ခိုင်၊ OASIS RESTAURANT မှ စိုးမိုးသီဟ တို့က ထို အနည်းငယ်သော လူတန်းစားများ အထဲမှ ဖြစ်သည်။

"အိုးဟိုး ဒါက ငါတို့ ကောင်းကင်ကို ပိုးပန်းနေတဲ့ ကောင်လေးမဟုတ်လား၊ ဘာလဲ ဒီနေ့ကရော ဘယ်လိုစိတ်၀င်စားစရာတွေယူခဲ့သလဲ ပြောပါဦး "

မီမီကျော်ခိုင်က လူပေါ်ကျော့ အသိုက်အဝိုင်းမှလာသူပီပီ စကားပြောလျှင်အထက်စီး ဆန်ကာ အထက်ဖားအောက်ဖိ လူတန်းစားမျိုးဖြစ်၏။

ပုံမှန်ဆိုလျှင် သူမက YOE YAR GROUP ကဆက်ခံသူကို ရန်စနိုင်သည့် အနေအထားတွင်မရှိပေ။ဒါပေမယ့် ဤအရူးက ကောင်းကင် ကို အသေအလဲလိုချင်နေပြီးသူ့ကိုယ်သူလည်း YOE YAR GROUP ကမှန်းမသိဖြစ်နေပြီ။အဲ့တော့ သူမက ဒီလိုအရူးကို နည်းနည်းလောက် ပြောပေးတာကပြဿနာဖြစ်စေမှာမဟုတ်။

"ကောင်းကင်ကဒီနေ့မှာ စိတ်ကြည်နေတယ်၊ မင်းကံကောင်းတာပဲ၊ ငါတို့အတွက် ငါးမိနစ်အတွင်း အဆာပြေမုန့် ပြေး၀ယ်ပြီး အမီရောက်လာမယ်ဆိုရင် မင်း ကောင်းကင်ဆီက အဖြေရတာလည်း ‌ဖြစ်နိုင်တယ်"

တည်တံ့ချမ်းသာကလည်း မီမီကျော်ခိုင်နဲ့ ဘာမှမထူးပေ။‌မိုးကျရွှေကိုယ် စိတ်ဓာတ်အပြည့်ဖြင့် မာန မိုးထိုးနေသူသာ။

စိုးမိုးသီဟတစ်ယောက် အနောက်မှာသာနေဖြစ်သည်။သူကအနိုင်မကျင့်ချင်လို့တော့မဟုတ်။ဒီအတိုင်း အာရုံနောက်တာတွေကို အရှုပ်လုပ်ပြီး အလုပ်မလုပ်ချင်၍သာ။

"ငါပြောတာဟုတ်တယ်မလား ကောင်းကင်"

တည်တံ့ချမ်းသာကအတည်ပြုချက်တောင်းလိုက်တော့ ကောင်းကင်မြင့်မြတ်ဟိန်းက ခေါင်းငြိမ့်မပြဘဲ ဟက်ခနဲရယ်ကာ ညီညာရိုးခြည်ကို လှည့်ကြည့်လာသည်။