أحفاد الزعيم(مكتمله)

16

زازا العماري

أحفاد الزعيم

﹉﹉﹉﹉﹉﹉﹉﹉﹉﹉﹉﹉﹉

أول مره اجر بروحي لهناك
مو أنا التگله افلان يسواك..؟

ميَرال'''

:ايام جانت حييل صعبه لمن خسرنه حمد اخو نيران واخوي تعب وصار ساكن لـ نجف ونيران وامه وابوه حيييل تعبو ومنا الدر لمن اختفت.
بعد ما تحسن وضع نيران واختفو الدر واخوانه وبعدين اتصلت الدر على نيران وطلبت منه تجي وشرحت اله كلشي صار وياه.

:نقهرت ومن يمي حسيت بـ كسرته لمن نصر الله وكف ضده ورفض يطلع الشيماء وامه وخواته.

:بعد ما رجع كلشي طبيعي. جنت الاحظ نضراته بس اجذب احساس كلبي لحد ما كالتلي الدر.
الدَر:والله انتو تكابرون
ميَرال:منمه؟
الدَر:هيو ترا ندري عبد الرحمن يحبج وانتِ تحبي
ميَرال:الدددددر لا تجذذذذبين لا احبببه ولاا يحبنني
الدَر:هاهيه لاتنبحين

:رجف كلبي لمن كالتي وصار يدك بـ جنون معقوله يحبني. واني ليش اصلن صايره افكر بي؟

الدَر'''

:اختفو يمام ولـ ولد بقيت اسبوع اروح لـ بيتهم وبعدين أيست ولا دخلت للـ بتاوين. تعبت بس جنت كلـ ما اتعب انزل اطلع حركت كلبي بلـ الشيماء. بين يوم و ليله تغيرت وحتى لـ خطه الي خلاه الي يمام صرت امشي عكسه.

:مرن شهرين و اسد الله و الجلنار ما رجعو من لـ سفر وكلـ ما اسئل علي الاكبر يكول.
علي الاكبر:الجلنار مريضه ومتكدر تجي اسد الله يكول بس تصير زينه نجي
:نصر الله بقه نفسه متجاهلني وكلـ همه الشيماء. عون قلت جياته لأن ياسر سوه عمليه وصار يبقه يمه. اريم و عبد العزيز احلى منهم ماكو. علي الكرار معلعلته نيران ومتقبل يجي يخطبه وتصيح مو هسه. وعبد الرحمن حتى ناسين وجوده دائما بـ غرفته وميدخل بأي شيء بس جنت اشوف نضرات لـ حب لـ متبادله بينه وبين ميرال كلما تجينه. جدي وضعه لـ صحي تحسن وصار احسن من قبل.

:كعدت من لـ نوم غسلت ونزلت اتريك وياهم. واحنه كاعدين نتريك ندك لـ باب كام عبد الرحمن حتى يفتح لـ باب. شوي ودخل وجه مخطوف وكف شوي عن باب لـ صاله والتفت للـ باب ثواني ودخل رجال. فوراً كام جدي واردف.

الزعيَم:سليمان!؟؟؟

:شهكت وخليت ايدي على حلكي فوراً حول نضراته عليه سحبت لـ كرسي وكمت. واردفت وصوتي يرجف.

الدَر:يـ..  يابـ..  يابه؟
سليَمان:يروحه لـ ابوج

:نزلت دموعي ورحت اله اركض شمرت نفسي بـ حضنه كميت لـ امان مو طبيعيه اريد ابقه بـ حضنه اعوض كلـ لـ سنين الي تفارقنه بيهن. صار يبوس بـ راسي. واجو لـ ولد سلمو عليه واني لازمه بيده. كعد ويانه وصار يتريك واني عفت لـ ريوك وصفنت بـ وجه. جان يشبه جدي بس مو كلش هواي واني حيل اشبه مبين يشبه امه الي هيه بيبيتي نوريه.