أحفاد الزعيم(مكتمله)

19

زازا العماري

أحفاد الزعيم

﹉﹉﹉﹉﹉﹉﹉﹉﹉﹉﹉﹉﹉

أحس الشِعر عگبك مَاله داعِي
مو مَالت شِعر مالت نوَاعي .

الشيَماء'''

:ضليت صافنه بـ وجه شنو يطلكون باجر. صح اني اعرف كلـ هاذَ الي سوو لعبه بس ريحانه كالت صدك يحبه و اريم هم واني الي شفته ذاك لـ يوم يثبتلي صدك يحبه والله يعلم جوز هيه تحبه.

الشيَماء:مستحيل
نصر الله:مستحيل شنو؟
الشيَماء:نتزوج

:بهتت ملامحه واردف.

نصر الله:ليش؟
الشيَماء:لأن مرتك تحبك وانتَ تحبه!!
نصر الله:هه بابا شبيج انتِ اكله احبج دكلي تحب مرتك وبعدين الدر تعتبرني مثل اخوه وابوه ومثل ما كلتلج كلشي جان حبر على ورق لااكثر ولااقل
الشيَماء:نرجع للـ بيت ونتفاهم
نصر الله:يعني قابله؟
الشيَماء:جاي اكول نرجع للـ بيت
نصر الله:هاهيه نرجع للـ بيت ونتفاهم

:طلع واني غسلت وجهي وجسمي يرجف طلعت لمن دخلت ريحانه.
نزفو واحنه رجعنه للـ بيت. بين ما بدلنه دخلو نصر الله و الدر ووجهوم ما تتفسر ونصر الله مبين معصب و الدر متوتره صعدت تركض لـ غرفته وراح وراه نصر الله شوي وصار صوت صياحهم خفت ولزمت كلبي خاف كالله يريد يطلك وهيه تحبه. دقايق واختفه صوتهم. شوي ونزلت الدر تركض وتوخر شعرهه عن وجه.

:دقايق وسمعنه نصر الله يصيح بـ اسمه. شوي ونزل باوع علينه وكال.

نصر الله:وين الدر؟
الجلنَار:طلعت
نصر الله:شنوووو؟!! لج الددددر

:صعد يركض ثواني ونزل بيده لـ سويج ويركض. ضلينه منتضريهم. وبس نريد نفهم شكو

:واحنه نتعشه دخل نصر الله وجه احمرر من لـ عصبيه تركنه وصعد والدر وييين يله اجت. وجان شكله ما يتفسر ولـ مسكاره سايحه من كثر ما باجيه تركتنه وراحت لـ غرفته شوي وسمعنه صوت نصر الله يعيط شوي وسكت وصار هدوء.

:نعست وتركتهم وصعدت نمت. واني بالي مشغول. وين جانو وشبيهم.

نيَران'''

:من بعد فتررره كلش طويله واخيراً لـ يوم عرسنه. دائما لمن يريد يجي يخطب ما اقبل واصيح.

نيَران:والله ذا جيت وخطبت ارفضك ولو تموت نفسك ما اقبل بيك

:بس كدر يقنعني ولـ يوم عرسنه. بقت يمي الدر اجت قبل لـ عقد واني بلـ صالون. وقبل لـ عرس بيوم اجت يمي.
رحت للـ صالون لـ بدله منفوشه بس مو كلش تسريحه عاديه ومكياج.