أحفاد الزعيم(مكتمله)

17

زازا العماري

أحفاد الزعيم

﹉﹉﹉﹉﹉﹉﹉﹉﹉﹉﹉﹉﹉

بعدنـي بعـازتكِ والموت مـو وكته
خـل يرحن عُيوني ولا تروح آنـتِ"

الدَر'''

:صارت تبجي واني كمت من مكاني امشي بـ اتجاه ورجليه كوه شايلاتني دنكت على بنته وهمست وصوتي كوه يطلع.

الدَر:حبيبتي عيفي بابا يروح عنده شغل شوي ويرجع
قطر:لا لا اريد بابا
الدَر:نضل اني وياج نلعب هنا بين ما يجي بابا ونطلع نشتري ونرسم تمام
قطر:وبابا
الدَر:شوي ويرجع

:مسحت دموعه وبست خده واني كوه حابسه دموعي رفعت راسي واجت عيني بـ عينه. فوراً دنك راسه وطلع ولـ ولد وراه. اخذت قطر و جود ورحت لـ غرفتي كعدتهم على لـ جربايه مالتي ونزلت دموعي صارو يباوعولي خايفين واني مكدرت الزم نفسي.

:ليش ما ادري بي متزوج؟ شلون حبيته وهوه متزوج؟ هوه شلون قبله يخلي عينه بـ عين بنيه ويحسسه هوه يحبه وهوه متزوج؟ مسحت دموعي لمن حسيت ايده تخلت على ايدي وهمس.

جود:شبيج خاله؟
الدَر:ههه لا مابيه
قطر:بس تبجين!
الدَر:لا مو فرحانه
قطر:ليش فلحانه؟
:ابتسمت على طريقة كلامه. وكلت.
الدَر:لأن ابوي رجع
جود:ليش وين جان؟
الدَر:جان مسافر ولـ يوم رجع هسه عيفكم مني نروح نشتري؟
قطر:اي اي

:ابتسمت على حماسه ورحت رتبت شعري ولبست صايه فوك تراك لـ بيت واخذت فلوس وموبايلي وطلعت وايدي بيد قطر ومناك لازمه جود.

:رحنه للـ اسواق الي التقيت بي وي عون لمن كلت تحارش بيه لاارادين ابتسمت بس بـ كسره. اشتريت الهم واني هم اشتريت ورجعنه للـ بيت دخلتهم وصعدت لـ غرفتي ما اريد اشوف احد قفلت لـ باب وشغلت الهم فلام كارتون واني كعدت على لـ جربايه واباع عليهم.

:قطر بيضه وعيونه صغار ومسحوبات وشفايفه وخشمه صغار كلشي بيه صغير عكس جود الي جان نسخه من عون نفس لـ طول ولـ ضخامه ولاعبالك طفل جان حيل يشبه عون عبالك عون بس صغير.

:صفنت بـ وجه ودموعي تنزل.
شكد حقير خلاني احبه وطلع متزوج خلاني اتعلق بي وطلع متزوج اخخخ يوجع كلبي وكسرتي. حتى فرحتي بـ ابويه ما كملت.

:ساعه وربع يله اجه عون جانت قطر نايمه على رجلي و جود بـ صفي متمدد ياكل ويباوع افلام كارتون. اندك لـ باب وصحت.

الدَر:منوو؟
اريَم:دودو اجه عون يريد لـ جهال
الدَر:تمام