قربت منهم تتخيل ابشع الطرق الي بتعاتبها فيها ريما
فزت اجوان تصرخ باسمها اول ما لمحتها : هنووف
فتحت الهنوف يدينها للي صارت تركض لها
نطقت بعد ما حضنتها : وحشتيني
ردت الي كانت تبادلها الحصن : وانا بعد
ابتعدت اجوان وهي تمسك يدين الهنوف الي بدأت ترفعهم : وشذا يمه وش صاربك ليه كذا صرتي عود
ضحكت الهنوف علو كلامها ونطقت : اتركيني عنك الحين ريما زعلانه علي اكيد
ردت اجوان : هو زعلانه اكيد بس والله بس تشوفك بتنسى انتي شوفيها الحين تناظرك
الهنوف : خليني اروح لها
ابتعدت تتقدم لريما الي كانت جالسه وتمثل عدم اهتمامها بالي تقرب منها ولا قدرت تمسك نفسها وقفت بسرعه تروح للي صارت تسرع بخطواتها
ضمتها اول ما وصلت لها
همست الهنوف : وحشتيني والله ادري غلطانه وحقك علي والغلط راكبني من راسي لاصابع رجولي بس شسوي
نطقت ريما : بعدي انا ما كنت جايه لك اصلا
رفضت الهنوف وشارت تضمها اقوى : مابي وش بتسوين
قرصتها ريما بيدها باقوى ما عندها ونطقت : هذي عشان تتأدبين ولا تعيدينها
صرخت الهنوف وهي تمسح مكان الالم : ماني قايله لك شي لاني استاهل بس سامحيني همم
وبدات تتحرك بوجه ريما الي بدات تضحك على حركاتها
ريما : طيب طيب خلاص بس لا تتوقعين ان الموضوع بيمشي بالساهل
ردت الهنوف بسرعه وهي فاتحه يدينها : طيب منتي معطيتني الحلو
مدت ريما ولدها للهنوف الي فاتحه يدينها تنتظره على احر من الجمر
كانت ريما متطمنه من ناحيه الهنوف وني عارفه حبها للأطفال وخوفها عليهم
اعطتها ولدها و توجهت لخالاتها الي كانو يأشرون لها
نطقت اول ما وصلت لهم : هلا
سحبتها فوز تجلسها بوسطهم : ما قالت لك وش الي خلاها توصل لهالحاله
ضحكت ريما على خالاتها الي ما يصبرون دقيقه وحده : تو ما قلنا بسم الله ترا حتى انا تو اشوفها معكم
نطقت داليا : اكيد مكلمتها قبل
ريما : الله يصلحكم من الي مفروض يسوون هالحركات حنا يا بنات خالاتها ولا انتوا
ضربتها امها برجلها : يا قليلة الادب مو يعني صرتي امي تقلين ادبك علينا اخلصي
نطقت ريما وهي تناظر الي تتامل ولدها وتبتسم على اي حركة يسويها : والله ما ادري علمي علمكم كل ما كلمتني واسئلها تغير الموضوع بس الحمدالله الي طلعها من الي كانت فيه
نطقوا كلهم بوقت واحد : الحمدالله
دخلت العاملة متوجهه لعهود الي كانت بتنطق لو ما قاطعتها : ماما اكل يجي
هزت عهود راسها و وقفت
نطقت عهود بصوت عالي : حياكم الله تفضلوا عالعشاء تفضلوا
صاروا الحريم يتوجهون للقسم الثاني من الجلسة والخالات يضيفونهم
توجهت ريما للهنوف بنية انها تاخذ ولدها الا ان الهنوف وقفتها : روحي كلي و شوفي معازيمك خليه عندي
نطقت ريما الي جلست بجنبها : وانتي منتي ماكله؟
هزت الهنوف راسها دليل على نفيها : خليني انا مع هالحلو وانتي روحي كلي
كانت ريما بتروح الا انها رجعت تجلس وهي متردده : اسمعي
رفعت الهنوف راسها تنتظر ريما تنطق : هلا
نطقت ريما وهي كل مالها تقرب : عبير سلمت عليك
عقدت هنوف حاجبيها ماهي متوقعه سؤالها : وش جاب طاريها ذي بعد
ردت ريما بسرعه : لا بس اسال هي سلمت عليك ولا انتي سلمتي عليها
ردت هنوف بضحك على كلام ريما : تخسي الا هي انا اتعنى واروح اسلم عليها ليه و انتي متوقعه بعد الي صار تجي بنفسها تسلم علي هذي لو تقدر حرقتني ومحتني من الوجود
شهقت ريما : منجدك ما سلمت عليك؟
هزت الهنوف راسها بإيجاب
نطقت ريما وهي تشتمها : صدق قليلة ادب ورا ما تحمد ربها باننا مشينا الموضوع بس عشان جدي وجدتي ولا والله ما تعدي هالسالفه على خير
ردت الهنوف الي كانت بنفس مستوى ولد ريما : سكري موضوع وربي يا اني متحمله على نفسي لا اقوم واسوي لكم مصيبه هالحين وخلينا مع هالصغنون الحلو هذا
ريما : يلا انا بروح بس تعالي كلي زين
توجهت ريما للضيوف تهلي و ترحب فيهم
{خيمة الرجال}
كانوا جالسين حولين بعض ويسولفون والشباب واقفين بعيد عن الكبار الي يدخن والي يسولف
فز ابراهيم بن حمد وينطق بترجي : ابراهيم طلبتك بيتين شعر
انحرج ابراهيم من طلب سميه وانحرج اكثر لما نطق زوج اخته
غانم : اسلم طلع شاعر
فاهد : ماشفت شي
سمعهم الجد ونطق بصوت عالي يقطع كلامهم : يلا يالسمي
نطق بتهرب : ما ببالي شي هالحين
نطق غانم يجبره : اي شي حافظه ياولد يمشي
حس بان مافي مفر وقرر ينطق
[ أتوب لا والله مانيب تايب
في حبك اللي زادني هجر و أهواه
أنشد طيوفك يا ورى الخل غايب
هذا حبيبي كيف ابنسى و ابسلاه
يزيدني هجرٍ و ازوده طلايب
ويجرح الخفاق وأقول يفداه ]
نطق الكل بعده : صح لسانك
رد ابراهيم : صح بدنكم
نطق غانم وهو يمسك كتفه : صح لسانك يالنسيب
رد عليه ابراهيم الي بدا يدور بكت الدخان بجيبه : صح بدنك
غانم : اجل اسمع دامك تشعر ابيك تمسك سعد وتدرس عليه ابيه يطلع سبع على خاله
رد ابراهيم الي طلع دخانه يسحب له وحدة : ماعليك زود
شغل زقاته وبدأ يدخن الا ان جده صار يناديهم لاجل يوزعون العشاء ثبت زقارته مابين شفتيه وعقد شماغه على عقاله ورفع ثوبه يحكم مسكته وتوجه للصواني يوزعوها مع الباقي
خلصوا وبدا يرحبون بالضيوف ويقدمونهم للعشاء
انتبه على جده الي يأشر له
قرب له بعد ما ابعد زقارته : سم
نطق الجد وهو ياشر باتجاه قسم الحريم : ناد الي طلعوا وضيفهم للعشاء
هز راسه وهو ينطق : ابشر
مشى وهو يتسائل من الي طلعوا متوجهين لقسم الحريم وكيف يروحون هناك والمكان له حرمته
كان كل ما يقرب يزداد صوت الاغاني وصوت تصفيق وتشجيع الحريم
وصل للباب الفاصل مابيت قسم الحريم وقسم الرجال وشاف شخص واقف يناظر قسم الحريم
صرخ بكل قوته : ولد
{قسم الحريم}
خلصوا العشاء و صاروا يرجعون لقسم الجلوس وبدأوا الحريم ينتبهون للي جالسه مع ولد ريما بفستانها الاحمر الضيق الي مفصل جسمها تفصيل وشعرها الاسود الي توسط ظهرها
صرخت وحدة من الحريم بريما الي خلتها تجيها ركض
نطقت بهمس : من ذي الي ماسكه ولدك ماتخافين عليه من الغرب
ضحكت ريما ونطقت : ياعمه هذي هنوف بنت خالي غالية
بدأت ريما تنادي بصوت عالي : هنوف تعالي
أنت تقرأ
مليت من كثر الصبر طال انتظاري...طال والشوق في وسط الصدر سنين على هالحال
Poetry✨اول رواية لي وبإذن الله ما تكون الاخيرة كتبت بواسطة ( الهنوف بنت عبدالله )✨ اي صورة او قصيده او شعر يكتب بالرواية مقتبس من شعراء وكتاب ومصورين ولا انسبها لي
