⛓️🩸My Mafia Dad 🩸⛓️ ||TK||

⛓ 26 - Deal ⛓

...........

"කූ..."

"ම්ම්ම්...."

"යමුද ඇතුලට... ප්‍රින්ස් තව ටිකකින් නැගිටලා එයාගේ ඩැඩාව හොයාවි "

මං හිටියේ ඈත අහස දිහා බලාගෙන. හිතට සැනසීමයි. ගොඩක් කල් පපුව උඩ තිබුන ගලක් අයින් කරා වගේ සැනසීමයි..

මගේ උරහිසේ ඔලුව තියාගෙන හිටපු මගෙ මැණිකගේ කටහඩ නිසා මං ඈත අහසින් මගෙ ඇස් අරගත්තා.

මට සතුටුයි.. ගැහෙනවද කියලා හිතාගන්න බැරුව තිබුන හදවත පණ ගහනවා කියලා දැනෙන්න සැලැස්සුවට මං හරි ආදරෙයි මගෙ පුංචි කුමාරයටයි පුංචි කුමාරයගේ අයිතිකාර දේවදූතයටයි.

මගේ ලග වාඩිවෙලා හිටපු ටේහ්‍යුන් නැගිටලා ගේ ඇතුලට යනගමන් මට කතා කරා. ටේයු නැගිටලා එයාගේ ඩැඩාව හොයයිලු.

ඇත්ත මගේ ප්‍රින්ස් හවසට එයාගේ ඩැඩාව සම්පූර්ණයෙන්ම අයිතිකරගන්නවා.

මමත් බෙන්ච් එකෙන් නැගිටලා ටේහ්‍යුන්ගේ පස්සෙන්ම ගේ ඇතුලට ආවා..

"ඩැඩී...."

ගේ ඇතුලට අඩිය තිබ්බා විතරයි මට ඇහුනේ පඩිපෙල උඩ ඉදන්ම තාමත් නිදිමතෙන් මට කතා කරන මගෙ පුංචි ප්‍රින්ස්ගේ කටහඩ.

"මං කිව්වේ නැගිට්ටගමන් එයාගේ ඩැඩාව හොයනවා ඇති කියලා... ම්ම්ම් ඔන්න ඩැඩාගේ ඩියුටි වෙලාව පටන් ගත්තා"

මගේ දිහා බලාගෙන හිනාවෙලා එහෙම කියපු ටේහ්‍යුන් පුංචි ප්‍රින්ස්ව පෙන්නුවා.

මම ටේහ්‍යුන් ලගට ගිහින් එයාගේ නලලට පුංචි හාදුවක් තිබ්බා... ඇස් දෙකත් ලොකු කරගෙන මගේ මැණික මං දිහා බලන් ඉන්නවා.

"ආදරෙයි ටේ... ස්තූතියි හැමදේටම"

ටේහ්‍යුන් එහෙම්මම මගේ නලලට හාදුවක් තිබ්බා. මගේ ඇස් ඉබේටම පිය උනා..

මං හරි ආසයි මේ හාදුවට... ඒක ආසාවකටත් වඩා මං හරි ලෝබයි ඒ හාදුවට.. ඒ හැගීමට..

"මාත් ආදරෙයි කූ... ඔයාටත් ස්තූතියි මේ හැමදේටම.... යන්න යන්න නැත්තන් ඩැඩාට පනිශ්මන්ට් කන්න වෙයි"

ටේහ්‍යුන් එහෙම්මම කිචන් එකට යද්දි මම පඩිපෙල නැගලා ඇවිත් මගෙ පුංචි ප්‍රින්ස්ව වඩාගත්තා.