الشوق مثل البحر واطيافه امواج وعمر البحر ماكان في يوم هادي 🌷.

PART14

نايمه او بالأحرى تتظاهر النوم تحاول تبعد التفكير المُزعج ودموعها تنهمر تلقائيا ومغرقه وسادتها وماكانت مستوعبه شي من الي سمعته كانت تتمنى انها تحلم في اللحظه الي سمعت فيها يدور في عقلها الف فكره وفكره وهل كل هالسنوات الي عاشتها وهي يتيمه ماعندها أهل كانت مُجرد وهم هل اهلها الي تخيلتهم اطهر من الماء وأنقى من الغيم كانت دائماً تتخيل لو كأنوا موجودين كيف بتكون حياتها مع اهلها ولمة الاهل كانت دايم تشوف الكُل يجتمع مع عائلته ويضحكون ويتهاوشون ويعيشون مع بعض تتمنى لو بس عندها ام او اب او اخ او اخت ادركت ان اهلها الي كانت دايم تدعي ربها ان يعوضها لقائهم في الجنه الذين هم في الوآقع موجدين في الدنيا فكرت هل هم بحثوا عني او سالوا عني او شافوني مرة او تمنو يشوفني مثل ماتمنيت أنا او عكسي تماماً تركوني وانا رضيعه رمونيي بدون رحمه يكرهوني يتمنون موتي يحاولون قتلي ينفرون مني رغم اني لا اعلم السبب ولكن من هُنا ستبدأ قصتي وحياتي الجديده مثلما بديت بمفردي سأُكمل بِمُفردي لن استوقف عن حياتي وأحلامي بسبب اشخاص كنت اضن انهم عائلتي ولا اريد سماع تبريرات او اعتذارات كُلن مِنا يُكمل حياته كما بدأها

——
ابو غزاي:ولدي طلع فالتلفزيون
غزاي ضحك:شرايك يبه
ام غزاي:لايعطونك عينن ياولدي
غزاي :يمه يعطوني على وش
ام غزاي :كل شي
غزاي:معليك مراح يصير إلا الخير
ابو غزاي:المره الجايه طلعني معك بكشخ عند اهل الديره
غزاي ضحك:على خشمي بس شرايك بالله
ياسر:ماودي امدحك بس والله سكبهه وهيبه
غزاي:غصب
ياسر:اجاملك ترا
غزاي :اي زين
ام غزاي :كلكم فيكم الخير والبركه
ياسر:بروح توصون شي؟
ابو غزاي :سلامتك
ام غزاي:الله يوفقك
—
ريماس :ماما مابي اداوم
مُنى:مو على كيفك قومي بس
ريماس :تونا راجعين من اجازه محد بيداوم
مُنى:انتِ بتداومين
ريماس :ماما !
مُنى:يالله بلا دلع
ريماس :حتى شعري ماسويته
مُنى:وش فيه
ريماس :مااستشورت
منى:وليه تستشورين اربطيه وروحي
ريماس :اول يوم لازم اكشخ وانا ماجهزت شي
مُنى:هماك تقولين محد بيداوم؟
ريماس:اي
مُنى:اجل محد بشايف شكلك
ريماس :ياربي ياربي
مُنى:الوقت راح سرعه
ريماس :مافي احد يوصلني
مُنى:وليد
ريماس:من امس مارجع
مُنى بأستغراب خلاص بشوف
ريماس :يعني اغيب
مُنى:لا إذا وليد مو فيه انا أوصلك !
ريماس :يمه مايصير اتعبك
مُنى:لا مامن تعب وانا اشوف بنتي مجتهده رايحه مدرستها
ريماس :طيب طيب

-وليد الي كان نايم في سيارته اتصل جواله فتح عيونه ورد
وليد:سمي
منى:وينك فيه ليه مارجعت
وليد:ااا في شغلي توهم فكوني
مُنى:اها اييي زين اجل متى ترجع
وليد:اول ماخلص مابقا شي تبين شي؟
منى:لا بس كنت ابيك توصل ريماس للمدرسه
وليد:تبين اجي أوصلها اورجع
مُنى:لا لا أنا واصلها
وليد:انتبهي تكفين
مُنى:ان شاءالله
قفل الخط ونزل حصل عنود الي كانت نايمه في سيارتها تنتضر شروق تفتح الباب طرق الشباك
وليد:عنود
عنود:بسم الله فتحت؟
وليد:لا بس ماضن بتفتح ارجعي للبيت اكيد امك قلقانه
عنود:مراح اروح لين تفتح
وليد:روحي ارتاحي وانا بقعد اول ماتفتح بأتصل
عنود:مرتاحه هِنا
وليد:امي تو اتصلت تدورني روحي لايحسون ان فيه شي
عنود:ارجع انت
وليد:يابنت الناس قلت لها فالدوام مقدر ارجع
عنود:مابي
وليد:حتى دوامك مارحتي له؟
عنود:تبين اروح وهذاك فيه والله ماروح
وليد:هذاك ؟وش مسوي لك
عنود:ولا شي
وليد:افتحي جوالك اكيد متصله امك
عنود:اي اتصلت وانا نايمه
وليد:روحي لها يمكن فيها شي ولا تحتاج لك
عنود:بسم الله على امي
وليد:يابنت الناس روحي مو زين بنت نايمه طول الوقت برا
عنود:مايهم
وليد:عنود لو تشوفك شروق بلحاله ذي زعلت منك
عنود:اف منك بروح بس او ماتحس ان فيه حركه بسيطه اتصل
وليد:على خشمي بس روحي
عنود:هدوها غريبه مو نفس العاده
وليد:ليه وش فيه
عنود:شروق دايم هاديه حتى وهي زعلانه بس هالمره غير غير
وليد :كيف غير
عنود:دايم تعاتب حتى عتابها هادي وعاقله توزن كلمتها حتى وهي زعلانه بس المره ذي غير ماتكلمت ماشكت حتى ماهاوشتنا !
وليد:ماصاير إلا الخير توكلي وان صار شي دقيت
عنود:تمام
شغلت سيارتها ولما جت تحرك انفتح الباب
وقفت ونزلت تركض
عنود:شروق
شروق الي كانت كاشخه ولا كان صار شي في الأمس ؛بسم الله شفيك
عنود بأستغراب:وين رايحه؟
شروق:الدوام
عنود:تتذكريني ؟
شروق ضحكت:نودي كيف انساك
وليد مستغرب :سلام عليكم
شروق ابتسمت:اهلاً
وليد:كيفك؟
شروق:الحمدلله افضل من اي يوم
وليد:الحمدلله
شروق:نودي تداومين ولا زي العاده مراح تداومين والكريه موجود؟
عنود شافت انها بخير عكس توقعهم :للأسف اي
شروق ضحكت :ارجعي نامي اجل
عنود:هذا الي بيصير
وليد:تحتاجين شي ؟
شروق:شسالفه ترا ماصار شي يسوى انكم تخافون علي عادي تقبلت الموضوع
وليد:الحمدلله
شروق:الحمدلله ان بروح الدوام باي اشوفك على خير
عنود:شوشو
شروق:عيوني
عنود:عادي أحضنك؟
شروق ضحكت:تستهبلين من متى نستأذن عشان نحضن بعض تعالي
عنود ضحكت:الله لايحرمني منك
شروق:فكري في موضوع الدوام كويس
عنود:مستحيللل
شروق ضحكت:اجل ارجعي ماما بدور تستناك أكيد
عنود:باي ياعيني
شروق ركبت سيارتها وحركت بينما عنود ووليد واقفين بأستغراب
وليد:هي دايم كذا !
عنود:لا تزعل يوم يومين وترجع
وليد:غريب
عنود:الله هداها
وليد:ترا العاقل يمهد الوداع الذرب بسلوبه
عنود:وش تقصد
وليد:ولاشي استاذن
عنود:فمان الله
—-
شروق:اهلاً
ياسر:اهلين مروقه اليوم ماشاءالله
شروق:الحمدلله
ياسر:الاستاذه عنود للان غايبه
شروق:حاولت فيها بس مافي امل
ياسر:زين زين انتِ ركزي على شغلك والباقي علي
شروق:أنا جيت استاذن من اليوم
ياسر:عسى ماشر ليه
شروق:عندي شغل ممكن اطول ايام او اسابيع
ياسر:تقدرين تقولينه؟
شروق:للاسف خاص
ياسر:بس ماقدر اكتب لك أجازه بدون سبب واضح؟
شروق:بقول لك بس أمنتك بالله ماتقول لعنود لو سألت
ياسر بأستغراب :ابشري
شروق:صار موضوع بينا وزعلت وشالت همي ماحبيت اضايقها تظاهرت اني بخير عشان ماتشك
ياسر ؛تمام وليه بتاخذين اجازه؟
شروق :بسافر لنجد ببعد عن الديره لان والله الضيقه مو عايديه باخذ فتره وارجع
ياسر بصدمه:وش الي يخليك تسافرين وتهربين من الديره الي ربيتي فيها
شروق:ماقدر اقول اكثر من كذا
ياسر :صعبه تروحين وحدك
شروق:تتيسر ان شاءالله تقدر تعطيني اجازه؟
ياسر:الله يستر عليك وانا بحسبة اخوك واي شي تحتاجينه كلميني لاتستحين
شروق:ماتقصر مراح انسا معروفك معي
ياسر :مع السلامه وانتبهي تكفين صرتي امانه برقبتي فوق مأنك زوجت اخوي
شروق:بسم الله متى صرت زوجة غزاي
يأسر ضحك:ماقصد غزاي بس توكلي الله معك
شروق:ياسر انتبه على عنود وتحمل عنادها تراها إذا حبت تكابر وتنكر استودعتها الله عنود في ذمتك