بدور:ارحبي ياعيني الحمدلله ع السلامه
شروق:البقى يامي الله يسلمك من كل شر
بدور:والله إن مكانك بقلبي مثل العنود واكثر
عنود:ياعيني هذا وانا بنتك الوحيده
شروق:استحي وش الي الوحيده انا بنتها الكبيره
عنود:اول مره اشوف ام تجيب بنت وبعد ٤شهور تجيب ثانيه حتى فتره الحمل ناقصه مايمديني اكتمل
شروق:توام بس نسوش في بطنها بعد ٤شهور اكتشفوا ان فيه وحده ناسينها
بدور بضحك:الله بحفظكم يارب ولا يفرقكم تعالو جهزة لكم الأكل
عنود:متاكده اننا بناكل اصابعنا وراه
شروق:اخخ الله لايحرمني منكم ياقلبي انتممم
بدور:ولامنك يارب
عنود:ويلي من نار الغيرهههه
بدور بضحكه:اكلي اكلي يابعدي من يوم طاحت شروق وانتِ ماتاكلين كويس
شروق رفعة حاجبها:مهمله نفسش عشاني؟؟
عنود:ماعرف اكل الى وانتِ بخير
شروق:فرضاً توفيت مراح تاكلين طول عمرك!!
عنود:بسم الله عليك
بدور:فال الله ولا فالك سمو بالله واكلو برد الاكل
—————
بينما وليد ومحمد وياسر كانو في شديد الإبل وغزاي الموهوم من الموضوع وشروق رجعت لبيتها بعد يومين نوم عند عنود رجعت لبيتها بمساعدة عنود وامها بدور في التنظيف
——-بعد اسبوع ونص تحديداً الإثنين——-
وليد رجع لامه وخواته
وليد :شلونكم شخباركم
مُنى:بخير انت شلونك ياوليدي عساك بخير وكيف الحلال وعيال عمك
وليد :والله الحمدلله كل شي تمام صح المسافه الي شدينا فيها مو بعيده بس توفقنا فيها طحنا على مكان يهول الارض خضارر ماتشوف الترابان البل بتشبع
مُنى:ماشاءالله الله يرزقكم يارب
وليد :امين يارب رنود روموس شلونكم!
ريناد:الحمدلله تمام
ريماس:كويسين
وليد:شلون الدراسه معكم؟
ريناد:اسكت للحين ماقفلت على التحصيلي والقدرات
وليد:وليه ان شاء الله ؟
ريناد:ماعندي شغف
وليد:الله اكبر اذا مانقبلتي بالجامعه ولا جبتي درجه مو زينه خلي الشغف ينفعك
ريماس:الحين تحصلها بالعه الكتاب بس تحب تكذب
ريناد:اسكتي ياسوسه
وليد بضحك:انتِ كيف الدراسه معك
ريماس:اسكت بس ترانا اجازه وانا شايله هم المتوسط
ريناد:ياعمري تقول متوسط
وليد ضحك:ياعيني الي كبرو
ريماس قامت وقفت:بالله بالله ماصرت طويله
وليد:ماشاءالله ماتغير ولا شي
ريناد :رموس ترا ماله علاقه اذا دخلتي المتوسط تصيرين طويله
ريماس:شوف والله صرت طولها
وليد بضحك:والله ماعينتي خير يوم صرتي طولها
ريناد:نعم نعم شقصدك!
وليد:سلامتك
ريماس ضحكت:ياخي تضحكني الله يسعدك
وليد :دايم فالخدمة سيدة ريماس
————
ام غزاي:باذن الله يابو غزاي بكره نروح لاهل البنت ونخطبها
ابو غزاي:ان شاء الله جاهز ياوليدي
غزاي:اي
ياسر:متى دوري طيب
ام غزاي:لاحق إن شاء الله اوك صغير
ياسر:وش صغير يمه !انا لقيتها وباخذها بس مو الحين
ابو غزاي:ماشاءالله منهي بنته
ياسر:كل شي في وقته حلو يبه
غزاي:اعلم
ام غزاي:تعرفها؟
غزاي:اي
ياسر:اص لاقوم اثور فيك
غزاي ضحك:طيب
ام غزاي:بنعرفها مع الوقت
ياسر:أكيد
ابو غزاي:الله يكتب الي فيه الخير ويرزقكم بزوجات الصالحات يارب
—————
شروق :عنودي
عنود:عيونها
شروق:احس ودي ازور الحرمه الي كانت ترعاني وانا صغيره
(قالت الحرمه لان عنود ماتعرف اسمها )
عنود:زين تسوين والله اروح معك!
شروق:لا ارتاحي مع امك تعبتكم معي الفتره الاخيره
عنود:شدعوهه؟؟اي تعب ياعيني
شروق:ماتقصرين ياقلبي بس بروح وحدي واكلمك اذا رجعت نجتمع واعلمك بكل شي
عنود:تمام ياقلبي استودعتك الله مع السلامه ح
———الظهر يوم الثلاثاء——
شروق تتجهز وعنود عندها تساعدها كانو يطبخون مُعجنات وحلا وقهوه وشاهي عشان ياخذونها معهم
شروق:شوفي شوفي البيتزا لاتحترق
عنود:والله لو تحترق لحرقك معها من الظهر نسوي وتحترق؟
شروق ضحكت:ماقصرتي ياقلبي الساعه الحين ٣العصر بروح اخذ شور واحط سكراب وتضبط تعرفين من زمان ماشافتني
عنود:اي تكشخي تكشخي وانا اكرف
شروق:شدعوه صح ماقصرتي ومشكوره بس تراني سويت معس بس والله ماقصرتي لونش مو فيه كانن الحين مازلت جالسه اطبخ
عنود:امزح معس انا كلي فداك
شروق:يلومونييي ياناسوو
"الساعه ٤:٣٠"خرجت شروق من الحمام"وانتم بكرامه"بروبها وبدت تترطب وتجفف شعرها خلصت شعرها بسرعه لان نوع شعرها حرير ومايحتاج وقت طويل رغم ان شعرها طويل اخذت شباصه ورفعت شعرها وبدت تحط ميكب خفيف يبرز ملامحهاا وطرق الباب
شروق:ادخلي
عنود:الله الله وش هازين
شروق ضحكت:استحيت الله يسعدك من بعدك
عنود:وريني الميكب
شروق:شوفي ظابط ؟
عنود:واو خيااال بس تعالي
توجهت تمشي اتجاهه التسريحه وفتحت الدروج وطلعت هيلايت وروج بلون النود وبدت تحط لشروق
عنود:ايوا كذا بيرفكت
شروق:طيب شوفي محتاره اي واحد البس؟
عنود:اممم احس البيج
شروق:اكيد؟
عنود:ايي ناعم وبسيط
شروق:خليك هِنا بالبس واوريك
عنود:اوكي
دخلت الحمام "وانتم بكرامه"ولبست وطلعت
شروق:شرايك
عنود:واوووووو بيرفكت كل شيييي
شروق:باقي الاكسسوارات والكعب
عنود:الكسسوارات البسي وانا بطلع الكعب
شروق بدت تلبس الحلق والعقد الي يحلي عُنقها الطويل والذي اقل مايقال له "عنق المها" واكملت الساعه والخاتم الناعم والاسوره وادارت وجهها للعنود
شروق:خلصت طلعتي الكعب؟
عنود:اصبري اي هذا مره لايق البسي
شروق:ذويقه بسم الله عليك
لبست الكعب وتعطرت بعطر خفيف واخذت شنطتها وعبايتها ونقابها
شروق:عنود بالله حطي الاكل في السياره
عنود:حاظر
شروق:الله لايحرمني منك
عنود:ولامنك
خرجو وحطو الاغراض في السياره
عنود:وصليني بيتنا وروحي ياعيوني
شروق:من عيوني
وصلت عنود لبيتها نزلت عنود
عنود:اخخ الجمالل بسم الله عليك تحصني مع السلامه انتبهي
شروق:تسلمين ياحبيبتي انتِ
عنود:مع السلامه انتبهي في الطريق
شروق:سمي سمي مع السلامه
دخلت عنود البيت وشروق توجهت لطريقها كانت تبعد الديره الي بتروح لها تقريباً "ربع ساعه الى نص ساعه" كانت تردد وتغني بصوتها
"وش هلذي عيني تشُوفه "
وجهه البدر او مطلع الشمس
الله يامحلا وصوفه
للحسن هذا ببصم بخمس
"وش هلذي عيني تشُوفه"
اخخ اي والله ياحظ الي بياخذني بسس احسدهه بياخذ كل هالجمالل افف
————يوم الخطبه———
غزاي:يمه وين ثوبيي ياسر ماجابه من المغسله؟؟
ام غزاي:هنا هنا في الصاله
ابو غزاي:اعجلو علينا تاخرنا ع الناس بسرعه
ام غزاي:ياااسر وينك فيه !
ياسر:اتعطر يمه
ام غزاي:مدري من الي بيخطب
غزاي:جهزتت
ابو غزاي:يالله امشو انا بنتضركم في السياره
ام غزاي:ياماشاءالله عريس عريس الله يوفقك انتضر يابو غزاي البخور
جابت البخور وبدت تبخر ابو غزاي وغزاي وياسر
ياسر:متى يجي اليوم الي اصير مكانه
غزاي:حسود بيجي بس اذكر ربك
ركبو السياره وتوجهه لوجهتم وصلو ونزلت وبدو يطرقون الباب وفتحو
عبدالعزيز(اخو العروس):ارحبو تو مانور البيت اقلطوو حياكم الله
ابو غزاي:البقى نور البيت بأهله الله يحيك شلونك شخبارك وين ابوك
عبد العزيز:جاي الحين انتم اقلطو حياكم الله
دخلو المجلس وجلسو وضيفهمم ودخل صقر (الاب)
صقر:يامرحبا شلونكم شعلومكم
ابو غزاي:بخير دامك بخير شلونك شلون العيال والاهل اجمعين
صقر:كلهم بخير ياربي لك الحمد
وبدو يسولفون ويتقهون وضحك
————
طرقت الباب بهدوء وانفتح الباب
شروق:سلام عليكم كيفك ياخاله
مُنى:شروق؟
شروق:اي
مُني بفرحه:ياهلاااا تو مانور البيت اقلطي اقلطي
شروق:شلونك عساك بخير !
مُنى:الحمدلله انتِ شلونك وين رحتي وش صار بك
شروق:تدرين توضفت ونقلت عشان شغلي وانشغلت واعذريني ماعطيتك خير اني بجي رقمك ضاع من جوالي
مُنى:يكفي انك جيتيني البيت بيتك حياك في اي وقت تقهوي ورقمي قبل لاتمشين ذكريني اعطيك
وسالفه وراء سالفه نطقت شروق:وين دوره المياه نسيت
مُنى :هذا حال الدنيا اي والله ،على يمينك خذي راحتك البيت بيتك مافيه احد طالعين وانا بقوم انادي البنات
شروق توجهت وهي في طريقها لدوره المياه انقطعت الكهرباء فجاة شروق صرخت :بسم الله وش صارر
مُنى كانت في الدور العلوي لذالك ماكانت تسمع صراخ شروق
-
فتح الباب وحصل الكهرباء طافيه وفجاء سمع صراخ نطق:بسم الله
وتجهه ناحيت الصوت وطلع جواله وشغل الضوء وشاف بنت لكن ماكانت واضحه بسسب الضوء وشعرها ع وجهها
-
شروق:تكفون اللحقوني خاله وينك!!
بدت تبكي بهستريهه وخوف ترجف فجاءه حست بيد تمسكها وتنور بضوء الجوال ماكانت قادره تشوف الشخص بسبب الضوء الساطع على عيونها صرخت :طلعيني من هنا تكفين ماحب الظلام ماحب الظلام وكانت ترجف ودموعها مو راضيه توقف حست باليد ترفعها وقفت معها وكانت ترجفف مو قادره تتوازن بينما كانت تحاول تتوازن اشتغلت الكهرباء رفعت راسها وعيونها مليئه بدموعها صرخت :منن انت وش تسوي هنا اطلع تكفى عبايات مو عنديي وتوجهت تركض وتقفل على نفسها دوره المياة
-
استوعب استوعب انه قد شاف البنت ذي شافها صوتها يعرفههه زينن سمع صوت خطوات وتراجع يخرج من البيت
-
بينما شروق تصرخ :انا في وجهك بعد روحح
ماكانت مستوعبه الشخص مين من شده خوفها وبكاها
سمعت طرق الباب ونطقت بصوت راجف:م م مينن!
مُنى:انا طولتي في الحمام يمي انتِ
فتحت الباب بهدوء
مُنى:بسم الله شفيك يابنتي؟
شروق:الكهرب انقطع وانا اخاف من الظلامم
مُنى:اسفه اسفه كنت فوق ماسمعك اعذريني حقك علي
——-
بعد سوالف نطق ابو غزاي:حنا اليوم جاين نطلب يد بنتك ليالي لولدنا غزاي على سنه الله ورسوله
صقر:والله ونعم فيك وفي ولدك ولكن الشور للبنت
ابو غزاي:أكيد اكيد خذو راحتكم وردو لنا خبر
صقر:ان شاء الله وانتم ونعم فيكم ولنا الشرف والله
—من الجهه الثانيه عند الحريم—
ام غزاي:طالبين القرب منكم وجاين نخطب بنتك لولدنا غزاي
ام ليالي بفرحه وابتسامهه:لنا الشرف ابرك الساعات بس الشور للبنت وابوهاا واخوانهاا
ام غزاي:خذ راحتكم والله يكتب الي فيه الخير
——
شروق:من هذا ؟
مُنى:البيت مافيه احد !
شروق بخوف :انا استاذنك بروح
مُنى:اسجلي ماقعدتي والبنات بيجون انا طالبتك انك تقعدين واعتذر لك والله مادريت انك تخافين من الظلام ياقلبي
شروق:بس بسلم عليهم واجلس شوي اورح مراح اطول
مُنى:تعالي يامي انتِ اجلسي بجيب لك مويه وعاني بناتي هذي ريناد الكبيره وهذي ريماس الصغيره
شروق:ونعم فيهم شلونكم
ريناد :الحمدلله تمام انتِ كيفك واعذرينا والله تعرفين حنا في الديره والكهرب لك عليه
ريماس:بسم الله عليك دايم اقول لهم انا اخاف من الظلام ويقولون دلوعه شفتي اني مو دلوعه
شروق:والله مره ماحب الظلام رعبب
ريماس:حبيتك اخيراً حصلت احد يفهم
شروق ابتسمت:يابعد روحي
ريناد :امداك تحبينها
ريماس :اسلوب وجمال فيه احلا من كذا ونفس شخصيتي لازم لازم اعلم وليد ان في احد يخاف من الظلام نفسي
شروق :ياربيي انتِ الجميلههه بس من وليد ؟
ريناد:اخوي الكبير وميقعد عندنا دايم عند البل حقته
نفس بابا الله يرحمه
شروق عقده حاجبها هل هي صدفه ولاهو نفس الشخص بدت تستوعب ونطقت:شسم بابا؟
ريماس:فهد
شروق:الله يرحمه
بعد مده من السوالف نطقت :انا استاذن وان شاء الله اجيكم الايام الجايه بس ابي ارقامكم
ريناد:سمي من عيوني سجلي عندك رقمي وسنابي بعد
شروق بضحكه:مراح اقول لا عطيني
ريناد:سجلي عندك ****٠٥٥٧٨وسنابي ****
شروق:تم ابي رقم ماما
ريناد:سمي لحظه *****
ريماس:وانا ماتبين سنابي !
شروق ضحكت:انتِ اهم وحده عطيني سنابكك وبصور لك كل يوم بعد
ريماس:الله صار عندي صديقه جديده
ريناد:ماتوفر شي
شروق:خليها على راحتهااا ذي رموس
ريناد:ماشاءالله رموس كم لكم تعرفون بعض
ريماس :٥دقايق
شروق:واحلى ٥دقايق بحياتي كلها
ريماس:يارببببي اسلوبك حلو زيككك يارب تتزوجين اخوي عشان تكونين عندنا كل يوم
شروق ضحكت:واهههه ياحلوكك
ريناد:ياملسونه اسكتي احرجتي البنتتت
شروق:شدعوهه لا احراج ولا شي
مُنى:لا تقطعين عاد
شروق:لا ان شاء الله
مُنى:واعذرينا يابنتي مره ثانيه
شروق:شدعوهه انا سويت دراما شوي زياده
مُنى:استودعتك الله فمان الله
شروق :مع السلامه نشوفكم ع خير استمتع معكم والله
———
بالسيارة غارق بهواجيسهه الي شافه واقع ام خيال هي نفسها شروق هي نفسها وشلونن جت بيتهمم وكيفف وايش صله القرابه بينهم منهي شروق !هل الجمال الي شافه حقيقه ام كذبه وخيلات واهوامم اغرم بشعرها الطويل وبشرتها الحنطيه وفستانهااا البيج كفوف يدهااا عيونهاا ورموشهااا حواجبها اغرم بجميع تفاصيلها من تكون وايش هالصدف الي تجمعهم بمواقف كذا !كان دايم يسمع باقتباسات وكان يقول في داخلهه وش يوصلهم لهل مرحله!!كان الاقتباس
"ليتك عطر وتهب مع كل نسناس "
"واشرّع ضلوعي على اربع جهاتي"
كانن مو مستوعب ابداً كيففف وشلونن وصلت هنا وليه كانت منهاره لهدرجهه كلها عشان الظلام ؟هل معقوله عرفته عرفت انه وليد الي تهاوشت معه وليد الي كسر سيارتها وليدد الي احرقت خيمتههه؟كانن مليونن سؤال براسههه وافكارر غريبه مو قادر يستوعبب شيي نطق وهو سرحان
"والله اني مفارق شعر الغزل "
بس من شفتك وانا ببحره غريق
كامل الاوصاف والحسن اكتمل
كملك ربي وخصك بالخليق من
كحل عينك عيوني تتكحل وإن
"تناظر بي يجي بعيني بريق"
أنت تقرأ
الشوق مثل البحر واطيافه امواج وعمر البحر ماكان في يوم هادي 🌷.
Actionاجواء ديره ممرضه ،ولد الديره يعش البل(الجِمال)🌷
