-الصباح الساعه ٨-
تجهزت وافطرت وخلصت واخذت مفتاح السياره
عنود:صباح الخير ماما
ام عنود(بدور):صباح النور والسرور افطرتي؟
عنود:اي الحمدلله
بدور:الوقت بدري انتظري شوي
عنود:لا بمر شروق ياخذها معي
بدور:وين سيارتها؟؟
عنود:سالفه طويله معليك
بدور:اجل توكلي ع الله
عنود:ابشري ياقلبي استودعتك الله مع السلامه
بدور:مع السلامه
خرجت وتوجهت لسيارتها وهي مزاجها عالي العال عكس شروق الي شوي وتنفجر من شده غضبها وفاتحه المسجل وتغني معه
"واليوم في صح الظمأ "
ترمي فؤادي وتحرقه
واليوم في صح الظمأ
ترمي فؤادي وتحرقه
لاااتقول باعتذر ليـهه العــذر"
واستمرت تغني لحد ماوصلت عند بيت شروق خفضت الصوت :بسم الله الله يعدي هاليوم على خير
وضربت بوري وماهي الى لحظات وخرجت شروق من البيت وتوجهت لعنود وفتحت الباب وركبت وهي صامته
عنود:بسم الله سلمي طيب
شروق:متوعدتك ترا لذالك اسكتي عشان مانفجر عليك مع الصباح
عنود:تمام بسم الله
شروق :اتمنى اذا شفتي ذاك وتهاوشت معه ماتتدخلين
عنود:ناويه هواش يعني؟
شروق ناضرت بعنود واستندت على الشباك وهي صامته
عنود بصوت هامس:هدؤ ماقبل العاصفه
شروق :عنود اسمع ترا
عنود :ماقلت شي وش تسمعين اصلاً
شروق :سوقي سوقي بالله وانتِ ساكته واتمنى توزدين السرعه شوي
عنود :حاضر اي اومار اخرى !
شروق :سلامتك
عنود تنهدت واكملت الطريق ....
—عند وليد——
فتح عيونه وقف وتوضى وصلى صلاته وناظر الساعه وشهق :شلون صارت الساعه كذا كم ساعه نمت وامي وخواتي وين ليه مارجعو للحين لبس بسرعه واخذ المفتاح وخرج بسرعهه ومازال يتجول بين اهل الديره لما وصل عند بيت من بيوت احد اهل الديره نزل وطرق الباب مره ومرتين لما فتحو
ياسر :سلام عليكم تفضل
وليد :وعليكم السلام لا والله ماني جاي زياره جاي اسالك عن امي وخواتي ماشفتهم؟
ياسر :لا والله ليه !وينهم به
وليد :والله لو ادري ماسالتك من يوم عودت لديره ماحصلتهم
ياسر :تقوله صادق!!
وليد:اي والله
ياسر :لحظه اجيب غترتي وانادي غزاي نجي ندور عليهم يم الديار الي حولنا
وليد :اعجل انتضرك بالسياره
ياسر هز راسه بمعنى تمام واتجه لغترهه اخذها واتجهه لغزاي وسرد له السالفه بأختصار وتوجهو لوليد
غزاي :من وين له هاسياره خبري به مايداني غير موتره
ياسر:والله علمي علمك الحين لركبنا نسأله
توجهو لسياره وركب ياسر جنب وليد وغزاي في الخلف
غزاي:وليد
وليد:اسلم!
غزاي:من ويلك هسياره
وليد بوهقه :سالفه طويله معليك
ياسر:خبري بك ماتحب غير موترك!
وليد :حدتني الدنيا لكن برجع موتري ان شاء الله
ياسر ناصر غزاي وهز راسه ورجع يناضر للامام
وبدو يدورون بين الدير ويسألون ولا حصلوهم
ياسر:وين بيروحون يعني ؟
وليد :والله مدري مالهم غيري وغير هاديره
غزاي:عندك خوال عمان قريب؟
وليد :عماني بارياض خوالي حولنا مهم بعيدين
ياسر :طيب ياغبي رح لخوالك
وليد :وش يوديهم؟
ياسر :اص اص ولا كلمه وحرك لخوالك وهذا وجهي لو ماحصلتهم
غزاي:من زين وجهك عاد
ياسر :شف شف من يتكلم
غزاي :وش فيني احلى منك
ياسر:اسكت بس كنك دقوسي الي في مسلسل الحياله
غزاي :احح ياورع
ياسر ضحك:ماقلت شي
وليد :اسكتو اسكتو خلوني اسوق زين
غزاي :ابشر
ياسر:مسوي مؤدب يادقوسي
غزاي ضرب راس ياسر :اقول احترمني شوي قدام الناس
وليد :ياربي انا وش خلاني اجيب مبزره معي
ياسر :الحين مبزره ؟كمل كمل سواقتك بس
بعد مده وصل وليد لديره خواله واتجهه لبيتهم ودق الباب وفتح خاله سلطان
سلطان:ارحب ارحب ياوليد اقلط انت والي معك
وليد :البقى جيت بسألك عن امي وخواتي عندكم ؟
سلطان :الله الله موجودين داخل
وليد ناضر ياسر براحه وياسر غمز له ودخلو وهم فرحانين
سلطان :ياولد جب القهوه
وليد :مايحتاج ياخال ناد امي بكلمها
سلطان :والله ماتطلع الى وانت متقهوي ابشر بناديها اصبر
دخل وناد مُنى جت وضمته وهي تبكي
وليد :يمه بسم الله عليك شفيك وش صاير
منى:وليددد وينكك فيه وينك فيه بدت تضرب صدره بكفوفها وتبكي وليد خاف من حاله امه وضمهاا على صدره بقوه جلسها وهداها بعد فتره وبعد ماهدت
وليد :يمه تكلمي وش بك ؟
منى:ياوليد وين رحت دخل علينا رجال بغى يذبحنا ياوليد اخذ ذهبي كلهه وذهب خواتك واخذ جوالي وجوال خواتك وكسر اصبع ريماس وطلعت رشاش ابوك وهددته وطلع وينك فيه ياوليد وينككك
وليد بدهشه وخوف :وين ريماس وينها فيه ويين اهل الديره ليه محد دافع عنكم ؟؟
مُنى:ريماس بالغرفه طيبه الحمدلله واهل الديره نايمين وهو هددنا لو نصارخ بيقتلنا
وليد :مو على كيفه يقتلكم مانولد الي يمد يده عليكم كيف جيتي هنا؟
مُنى دقيت بتليفون البيت ع خالك وجاء اخذنا وين كنت فيه ياوليد دقيت عليك مارديت
وليد تنهد بضيق:اعلمك بكل شي في السياره نادي خواتي ومشينا
مُنى :اخاف يعود !
وليد :معليك مهب جاي بس امشو معي
مُنى هزة راسها بمعنى طيب وراحت تنادي ريناد وريماس وسلمو ع سلطان وتجهو يكربون السياره
وليد :ماقصرت ياخالي بيض الله وجهك
سلطان :ماسويت شي وانا خالك هذي اختي مثل ماهي امك
وليد :حب على راسه وخشمه ولف بيطلع
ياسر صفر :وليد شكلك نسيتنا
وليد :يوهه خواتي وامي معي وين اركبكم الحين ؟
ياسر :دبر عمرك زي ماجبتنا رجعنا
غزاي :صادق
وليد :خالي سلطان توصلهم ؟
سلطان :على خشمي اركبو
وليد :رايتك بيضاء والله مانسا وقفتك هذي ياخالي الله يطول بعمرك
سلطان :ماله داعي هالكلام مابينا
ابتسم له وتوجهه لامهه وخواته وركب والتفت على ريناد وريماس :ارحبو شعلومنك شخبارنك ؟
ريناد:وين رحت ليه ماترد علينا
ريماس :دودي ليه رحت وخليتنا
وليد تنهد وبدا يسرد لهم السالفه من لما صار كلم ريناد الين جاء عندهم
مُنى شهقت بدهشه :فيك شي صار لك شي يدك تعورك !!
وليد :هدي مافيني غير العافيهه الحمدلله
ريماس :احح بغيت تموت
منى:اعوذ بالله فال الله ولا فالك بسم الله عليه
ريماس :طيب ماقلت شي خلاص
وليد :زعلتي يادلوعه
ريناد:طيب كيف ترجع سيارة البنت؟
وليد :شوي او بكره ارجعها ان شاء الله
ريناد:والشاص حقك وين راح ؟
وليد :انعدم خلاص
مُنى :الله يكتب لك الي فيه خير
وليد :امين امين
واكملو يسولفون ووصلو الديره ونزلوا
وليد:يمه برجع سيارة البنيه وارجع
ريماس :لا لا اخاف يجي مره ثانيه
وليد :بخبر اهل الديره ينتبهونن معليكم وكل شوي بدق عليكم
ريناد:اخذ جوالاتنا؟
وليد :صح عادي ادق ع تلفون البيت
مُنى :تمام انتبه انتبه تكفى لايصير فيك نفس الي صار مره ثانيه
وليد :على خشمي معليك
خرج وعلم اهل الديره وركب السياره متوجهه للمستشفى
———————
شروق :عنود باقي ساعتين ويخلص دوامنا والسياره ماجت
عنود:بتجي بتجي معليك
شروق :عنودد الله لا يرزقني برودك مو وقته ابداً
عنود:الامور سهالات
شروق:الله يحرمنا من فزعاتك الي على ظهر غيرك
عنود:تبين سيارتي عادي اخذيها
شروق نضارتها وتنهدت:سيارتي فيها كل شي رخصتي وصرافتي وهويتي ومعلوماتي وصوري وكل شي ؟؟؟
عنود شهقت :ياغبيه ليه تحطين كل ذا فيها
شروق :بموت بموت وللحين تتكلم عنود اسمعيني زين لو مارجعت السياره والاغراض الي فيها كامله والله لسحبك مع الكيرلي حقك ذا
عنود:وجع الى كيرلياتي بيبي
شروق:ياربي ياربي وش اسوي فيها ذي
عنود:تعالي نشرب قهوه لين يرجع سيارتك
شروق :لا لا انتِ مو طبيعيه عنود معك خمس ثواني لو مابعدتي عني بيصير شي مايعجبك
عنود:اوكي بيبي
شروق بغضب:مو لايق ترا
عنود:بايي
شروق :انا وش سويت بحياتي ياربي عشان ربي يرزقني بوحده كذا لو مصاحبه ياسر الكريهه اهون
عنود:اسمع ترا بعدين حدك عن يسوري
شروق :بنهار بنهار يسوري !وانتِ اذا شفتيه داخل صرفتيه
عنود:هو كريهه بس يضحك اهم شي يضحكني
شروق تنهدت بغضب وراحت لمكتبها تنتضر وليد يرجع سيارتهاا
——-
وليد مكمل طريقه طبيعي والفت انباهه الدرج الي عليه استكرات فتحه وبدا يحوس بين الاوراق وشاف الرخصه وطلعها :تقول اسمي عنود ومكتوب شروق ؟شسالفه بدا يطلع الاغراض ويحوس فيها وطاحت صوره رفعها وصفر :الله اكبر والجمالل صاروخ ذي
رجع يقرآ اسمها :شروق عبدالله اسم جميل ووجهه اجمل سبحان الله صدق بس وراها تسذب علي تقول اسمي عنود !شهق بتذكرلما صحى وقالت اسمي الممرضه شروق شروق ماغيرها الي تهاوشت معها !!!!!!! وليه عطتني موترها؟وش غايتها
ذي دابلتن كبدي والله مايرجع موترها سالم
بعد مده وصل المستشفى نزل وبدا يكسر الزجاج ويضحك ويكسر ويكسر
شروق سمعت الصوت وصرخت عنوددددد
عنود :يمه شفيك
شروق :تسمعين الصوت ؟!!
عنود:يمهه وش صاير
شروق :مدري تعالي تعالي نشوف
طلعو يركضون للخارج وقفو مصدومين
شروق :ياحيواننن وقففف خل السياره والله ماخليك
عنود :يابن الناس استهدي بالله شقاعد تسوي ؟؟
وليد :اجل السلقه الي جنبك تتهاوش معي وتتطاول علي ماعرفتيني زين وانا ولد فهد
شروق :وقف حسبي الله عليك حسبي الله عليك والله لشتكي عليك
وليد وهو يضحك بسخريه :ركبو كميرات وجمعي ادله ثم تكلمي
شروق :ان ماجابتك الحكومه بجيك انا واحرقك حرق
وليد :اعلى مافي خيلك اربكيه
شروق:والله ماخليك والله
وليد ضحك:يالله مناك يالله بس
وخرج وهو يضحك وطلع خارج المستشفى وطلب تكسي وركب معه
—عند شروق——
تحت انظارها تراقبه من وين تحرك وماغاب عن عينها ابداً
شروق:حسبي الله عليه شفتي شفتي
عنود واقفه مصدومه:خلاص خلاص انا اصلح كل شي خربه معليك
شروق :انطمي انطمي انتِ وفزعاتك شفتي قلت لك
عنود:كيف عرف انها سيارتك؟
شروق :مو كل الناس اغبيا زيكككك
عنود:طيب انا غبيه وحيوانه وكل شي بس اصبري هدي خلينا نفكر شلون نمسكه
شروق :عطيني عطيني مفتاح سيارتك بسرعه
عنود:ليهه؟
شروق بصراخ :عطيني بسرعهههه
عنود طلعت المفتاح وعطتها :طيب الدوام ماخلص ؟
شروق :مو وقتك انتِ ودوامك
عنود واقفه بصدمه وسالته نتاضر السياره
شروق توجهت تركض وتركب السياره وتتبعه ولان التكسي كان يمشي بسرعه معقوله قدرت تلحقهم وبدت تتبعهم لين دخلو الديره ونزل عند بيته واعطا التكسي فلوسه ودخل طلعت جوالها وصورت البيت والديره ورجعت تتوجهه لمستشفى وكانت طوال الطريق تفكر شلون تنتقم منه بعد فتره قصيره وصلت للمستشفى ونزلت متوجهه لعنود دخلت مكتب العنود
شروق:اخخخ بس اخخخ
عنود:غبني غبني يابنت شلون يسوي كذا
شروق:قلت لك قلبي ناغزني
عنود:طيب الحين وش بتسوين فيه !
شروق فتحت شنطتها وطلعت جوالها وفتحت الباسورد ودخلت على البوم ووضغطت على الفيد والصور وبدت توري عنود
عنود:اوكي موقعه وجبناه بس وش نسوي
شروق :المهمه ذي مهمتك فكري
عنود:بكره اروح لبيته واراقبه واشوف وين يروح
واذا حصلت شي بكلمك
شروق :لا لا انا الي براقبه انتِ خليك هنا عشان لو قدر الله وجاء يسوري حقك
عنود:وجع وش حقي هو صح انه مز بس كريهه
شروق :اهم شي الشكل
عنود :لا ياحبيبتي كريهه يسد نفسي كل يوم
شروق بضحكه :يسد نفسك وشكله يفتح نفسك
عنود:شفتي هذا الي كسر سيارتك كريهه ومستفز بس يا انه مز خلاص يابنت حصلنا فارس احلامنا انا ياسر وانتِ وليد
شروق بشهقه:اناااا اخذ هذا لا لا مستحيل
عنود بضحك:شفيه وسيم وسيم جداً
شروق :اقول انطمي وخلينا على خطتنا
عنود :الله لو عنده نياق وكل يوم ياخذك معه ويشغل سلطان البريكي اوففف عاد شكله لايق
شروق ضربتها بخفه:خيالك واسع جداً لكن الله صدق بس مع واحد ثاني مو مع ذا الخكري
عنود بضحكه:الله اكبر والكذبه هذا خكري كل ذا وخكري والله مالخكري غيرك اي والله
شروق :تبينه اخطبه لك ؟ولا يسوري ياغار
عنود:لا البيب يغار
شروق :وعع وعع اقول الحين فكري بعدين اتفاهم مع البيب حقك
عنود :امزح وربي انا باخذ من ال سعود امير يعزني ويرزني
شروق :اللهم صلي على محمد ال سعود مره وحده خليك على يسور بس
عنود:تهقين ؟
شروق عطتها نضره:واثقه الاخت توكلي بس
الحين شلون اتصرف معه
عنود:احريقه حرق على قولتك
شروق :معليك بس عزام لو جاء وماحصلني موجوده
عنود :اتصرف معليك روحي بس
شروق :تعجبيني بس اتمنى تترصفين كويس اتمنى
عنود:مافهمت شقصدك
شروق :قصدي واضح
عنود:توكلي توكلي
شروق :ترقبي الي بيصير بكره
عنود:اذا احتجتي شي انا بالخدمه
شروق :باي دودي
عنود:روقتي الحين يوم جاء طاري انتقام
شروق :متحلفه فيه اوريك
عنود:تربيتي
شروق:وجع اكبر منك ترا
عنود:فرقت كلها ٤شهور
شروق:اي
عنود:توكلي توكلي
ضحكت شروق ورجعت مكتبها
—-الصباح عند وليد ——
صحى من نومه وتسبح ولبس ونزل وافطر
وليد:يمه اليوم بروح البل وباخذ معي ولد عمي ياسر
مُنى:استودعتك الله توكل على الله وانتبه بطريق
وليد:على خشمي سلمي على رنود ورموس
مُنى:يوصل ان شاء الله
حب على راس امه وتوجهه لبيت ياسر طرق الباب
حتى فتح
ياسر :يالله صباح خير صدق من ضاع المره ذي
وليد :ياليل الي مايتعلم بشي المهم تخاويني ؟
ياسر:على وين ان شاء الله
وليد :البل
ياسر:معك
ضربه على كتفه :البس وعط الوالده خبر وتعال
ياسرهز راسه بمعنى طيب واتجهه لداخل
وليد :اخخ بس على موتري وين احصل زيك الحين بدا يلقلي ابيات شعر قصيره
"ياموتري بانت عليك المكدّه"
معاي ماعينت ياموتري خير
حقّك علي اذكر جميلك واعدّه
"ياما وياما سقت مع ساقه الطير"
خرج ياسر :صح لسانك الموتر بداله موتر
وليد بضحكه:صح بدنك ،بس موتري ماله بديل
ياسر :عين خير عين خير
وليد :امش امش ترفه تنتضرني لي اسبوع مختفي عنها
ياسر :توكلنا على الله
—عند شروق ——
كان كل الاحداث الي صارت تحت انضارها
اخرجت جوالها واتصلت على عنود وردت :نودي
عنود:عيوني
شروق :تخيلي وش شفت
عنود:اللعب من بدايتها حصلتي شي
شروق :تخيلي بس
عنود:تخيلت اخلصي
شروق:ياسر
عنود:اي؟
شروق:طلع في نفس الديره وركب مع وليد
عنود بدهشه:اجتمعوا نفس الطينه
شروق بضحكه:انصدمت
عنود:وش صله القرابه ولا كذا اصحاب
شروق :الله اعلم نعرف مع الوقت
عنود:يونس يالله كملي كملي يالمباحث
شروق :اللعب مباحث مره وحده
عنود:واكثر
شروق بضحك:مع السلامه بركز بطريق
عنود:مع السلامه ياقلبي
رجعت الجوال باشنطه وبدت تتبعهم
شروق:ذا وين رايح اف
—-عند وليد ——
ياسر: شغل شغل شي نسمعه الي ورا مو راضي يسكت
غزاي:احمد ربك غيرك يتمناني اسولف عليه
ياسر:الله واكبر وليد شغل
وليد:سلطان البريكي
ياسر:لا لا تركي الميزاني
وليد :سلطان وبس
ياسر:اقول تركي
غزاي:ياليل المبزره صدق
ياسر:انت انطم
غزاي :وليد شغل سلطان معليك منه
وليد :طلع جواله وبدا يختار ،بس بس هذا خطيرههه
ياسر:اوريك يابزر
وليد:اسكت أسكت بتبدأ وبدا يغني معاها
"من حبي وحبي له لاجتني مراسيله"
ارفع صوتي العالي واغني به الشيله
واغني به الشيله لو دونى ومن دونك
ناس مايدانونك ذولا اكِيد عذالي ياخليي
يعذلونك ف العذال لاتهتم ف اولهم وفاخرهم
"دامكك يالغلا غالي عندي ماعلي منهم"
غزاي:ذويققق صراحههه
وليد:توك ماشفت شي يابعد حيي
ياسر:هي حلوه بس الميزاني افضل
وليد :كلهم فيهم الخير والبركه
———-شروق——-
مليون سؤال براسي شلون اجتمعو ذولي شلون
بعدين وين رايحين يمه
طلعت جوالها واتصلت على عنود
شروق:نودي
عنود:عيوني وش صار
شروق:للحين نمشي ماوصل مكان طفشت سولفي معي
عنود:اما وين رايحين ذولي
شروق:مدري يابنت
عنود:ركزي بطريق وانا بسولف
شروق:تعجبيني اسلمي
عنود:وش تشوفين نفسك بعد خمس سنين
شروق:ذي سوالفك؟
عنود بضحكه:لا لا جد جوابي
شروق:اممم اشوف نفسي ام حنونه وعندي بنوته واسره حنونه
عنود:مين فارس الاحلام
شروق:وليد
عنود:اللعب طحتي بغرامه
شروق:وجع امزح ياحيوانه لا طبعاً فارس الاحلام ربي يجيبه الا انتِ وش تشوفين نفسك بعد خمس سنوات
عنود:مع يويو
شروق:بديت اشك فيك انك تحبينه صدق ترا
عنود:اموت فيه مو بس احبه
شروق:تمزحين نودي صح ؟
عنود:لا طبعاً
شروق:كذابهههه
عنود:مومنجدك اكذب في مواضيع كذا
شروق:مالقيتي غير هذا تكفين خليك على ال سعود بس ذا لا
عنود بضحك هستيري:مصدقه ياغبيه طبعاً مراح اخذه ولا احبه انا عندي معجب سري
شروق:صدمتيني وانتِ تتكلمين بجديه ،ماودك تقولين
عنود:اعجبك اصلاً بصير ممثله في المستقبل ،لا بيبي
شروق:ياخي انتِ بتصيرين كل شي في المستقبل بتصرين محققه ومحاميه وعكسريه وممثله ورسامه وكاتبه وكل شي اخر شي ممرضه من ايام الثنوي وقلتي كل شي الا ممرضه وصرتي ممرضه
عنود:اسكتي اسكتي تحطمين الواحد حتى لو ماصرت انا تصير بنتي وولدي المستقبلين يمكن زوجي يصير واحد منهم
شروق:تعجبني الثقه متمسكه فيها من الثنوي
عنود:تشوفين،وش صار مع وليد وين وصلتي ؟
شروق:لحظه لحظه وقفو عند نياق
عنود:تمزحين !
شروق:وربي
عنود:كلامي تحقق الله بس باقي يصير فارس احلامك
شروق:اسكتي اسكتي بس
عنود:اقــ
شروق فصلت في وجهها رجعت الجوال بشنطه وبدت تراقبهم بهدوء
—عند عنود——
اححح الحيوانه قفلت في وجهي العشره العشره ياشروق
عزام:سلام عليكم كيفك
عنود عدلت جلستها:وعليكم السلام تفضل
عزام:تكلمين نفسك انتِ؟!
عنود بإحراج :كنت اكلم شروق وقفلت في وجهي بس
عزام:اها طيب وين الانسه شروق !
عنود بورطه:طلعت تجيب فطور
عزام :ماشاءالله وماعطتني خبر ؟والكفتريا وش مقصره فيه
عنود:كانت مستعجله والكفتريا مافيها اكل يشبع
عزام :مافيها اكل يشبع اوكي خصم لك ولها
عنود:مالي ذنب وش سويت ؟
عزام :تتسترين عليها اجل
عنود:ماتسترت يادكتور عز...
عزام:قلت خصم خلاص لاتكثرين كلام وبشري الانسه شروق بالخصم
عنود :طيب يادكتــ
عزام :ترا بخصم زياده
ادار ظهره وخرج من مكتبها
عنود:شفيهم علي اليوم كلهم يسكتوني
وباستهزاء وهي تقلد صوت عزام :ترا خصم زياده وع
شهقت لما شافت عزام داخل
عزام:خصم زياده
عنود بصراخ:طيببب ماقلت شييي
عزام :قصري صوتك تراا خصــ
عنود:خلاص خلاص ابشر بكست
رجع ادار ظهره وخرج
عنود تنهدت :من كثر الراتب عاد وهذا كل شوي يخصم
عزام :ترا اسمع اسمع اذا مو عاجبك تفضلي استقيلي
عنود:امزح يادكتور على عيني وراسي
عزام هز راسه بيئس منها وراح مكتبه
—وليد —
وليد :محمدد
محمد:ارحب ارحب
ياسر:صار منا وفينا محمد
وليد:صار من جميع الدول
غزاي:ليه!
وليد :تكتشفون بنفسكم
محمد بضحكه:لا اله الى الله ماتعرف تسكت
وليد :ماقلت شي
محمد:واضح
وليد ضحك:وين تروفتي
ياسر :تروفتي مادلعتنا تدلع ناقه
وليد :الناقه ذي ماتتقارن بأحد
غزاي:والله لونها زوجتك
ياسر بضحك:اظاهر حتى زوجته مايسوي معها كذا
وليد :لا زوجتي غير
ياسر :اي زين خلها تجي بالأول
وليد :قريب ان شاء الله
غزاي:اللعب شكله صايد له صيده
وليد :خصوصيات
ياسر:اخس صار عنده خصوصيات
غزاي:شسمها
وليد :امش امش قدام اوريكم تروفه
ياسر:هج هج
غزاي:اصبر علي والله لنشبله
وليد :هلا هلا بترفتي
ياسر:غزوي وحمود تعالو نتقهوى وليد مشغول مع الحب
غزاي:الدلع الصح من الشخص الغلط
محمد:من عنيا ثواني والقهوة تجهز
ياسر:احمد ربك بس يا دسوقي
غزاي:اسكت بس يالأجرب
ياسر:احح انا اجرب ؟ماتستحي انت
غزاي:الخلا بس
ياسر:اوريك والله لعلم امي
غزاي :شف شف البزر بيعلم امه
ياسر:اقول امش نتقهوى بس
———-
بينما كل شي صار تحت انظار شروق
اتصلت على عنود :بنت
عنود:هلا وش صار
شروق:وقف عند نياق واصحابه جلسوا يتقهون
عنود:خلاص كويس انتظري لليل اذا. دخلو ينامون او يروحون ابدي خطتك
شروق :وش الي اقعد لليل
عنود:خلاص اصلاً الساعه ٥العصر هانت
شروق:طيب وش اقعد اسوي باقي الوقت
عنود:تصرفي انتِ عاد سلي نفسك
شروق:دايم مامنك فايده
عنود:احح انا مامنــ...
اوريها الحيوانه اليوم مستلمتني بس اقفل في وجهي
شروق :اف ماتعرف تسكت البثره
بدت تراقبهم وتشوف وليد طول الوقت جالس عند ناقه مُعينه ويتكلم ومستغربه
——الساعه ٩ الليل—-
وليد :يالله يعيال خلونا ننام بدري عشان نصحى بدري
ياسر:متى بتقومنا ان شاء الله
وليد :٧-٨ الصباح
ياسر:اولههه وش نسوي الوقت ذا
وليد :نرعا الحلال ونسولف ونعين من الله خير
غزاي :شف شف يالاجرب شف الرجال مو انت
وليد :اجرب مره وحده
ياسر:تشوف مايستحي على وجهه
وليد :امرحو امرحو
ياسر:وضعيت الام اشتغلت
وليد ضربه :اقول انطم يالاجرب
غزاي:تفهممم
ياسر:اخر مره أجي معكم اصلاً
وليد بضحك :دسوقي والاجرب الله لايبلانا صدق
غزاي:احترم نفسك
ياسر:عن الغلط
وليد بضحك:ابشرو محشومين نامو يالله
——
بينما عند شروق لما شافتهم دخلو الكبينه (الكرفان)
جت في بالها مليون خطه واحتارت وطلعت جوالها تتصل على عنود :الو يالمنقذه
عنود:هلا يالمباحث
شروق:راحو ينامون بس انا فيه خطط كثيره براسي وش اسوي
عنود:وش خططك
شروق:عنده ناقه من لما وصل وهو عندها ويسولف معها اتضح لي انه يحبها من بينهم كلهم
عنود:ايوا كملي
شروق:لذلك جت خطه اني اذبح***
عنود:خطه مش بطاله يالمباحث
شروق:بس خفت الله فيها مالها ذنب وانا احب النياق ماطاوعني قلبي
عنود:الحنان نزل فجاة كملي وش الخطط الثانيه
شروق:اسرق كبينتهم وهم فيها
عنود:غبيه انتِ هم فيها شالفايده
شروق:طيب طيب احرق خيمتهم
عنود:ذي ذي خطيره وسهله وانتِ قلتي له والله لحرقك
شروق:اسويها
عنود :سويها لايوقف
شروق:طيب مامعي نار
عنود:حوسي باغراضهم اكيد عندهم وانتبهييي
شروق:تعجبيني يالله باي بيبي
عنود :باي
نزلت شروق من سيارتها بهدوء وتمشي خطوات خفيفه جداً متجهه للخيمه طلعت جوالها تشغل الضوء وتبحث عن اي شي ومن حسن حظها حصلت كبريت
شروق بصوت هامس:بس بس الان الأمور سهلات
طفت الضوء وخرجت من الخيمه وطلعت الكبريت وبدت تحاول تشغله طلعت كبريته وبدت تحكها بالكرتون حتى اشتعلت نارها ضحكت بخفه ورمت النار على الخيمه وبدت تسحب كبريته اخره وتشعلها وترميها بدا تكررها حتى بدات النار تشتعل ابتعدت وهي تضحك
قراه ممتعه ولاتنسون⭐️
زوروحسابي انستا :dn239a
أنت تقرأ
الشوق مثل البحر واطيافه امواج وعمر البحر ماكان في يوم هادي 🌷.
Açãoاجواء ديره ممرضه ،ولد الديره يعش البل(الجِمال)🌷
