الشوق مثل البحر واطيافه امواج وعمر البحر ماكان في يوم هادي 🌷.

PART 16

المجلس الداخلي هدوء ثقيل والكل ساكت
منى جالسة على الكنبة، وجهها ساكت بس عيونها تحكي وليد واقف قبالها ريماس وريناد يمين ويسار المجلس وكل وحدة تحاول تمسك أعصابها

منى تسند ظهرها تتنهد:للحين ما استوعبت
وليد بهدوء:يمه ما كان ودي أفاجئك كذا بس كنت أعرف إنك بترفضين وقلبي ما كان يقدر ينتظر

منى تناظره بنظرة عتاب:ما رفضت من كره رفضت من خوفي عليك أنا أمك وش أقرب لي منك؟بس لما تقول بخطب وحدة ما نعرفها ولا نعرف أهلها وش تبيني أسوي؟
وليد بصدمة ؛مانعرفها ولا نعرف اهلها !يمه انتِ الي قلتي لي انك تعرفينها من هي صغيره وربيتها

ريماس بصوت حنون:بس يمه إحنا عرفنا شروق شفناها عشنا معها أقرب لنا من بنات بعض أقاربنا!

ريناد تدخل:أهم شي أنها صادقة ما لعبت على وليد ماحاولت تتقرب منه عشان شي كل شي بينهم صار نظيف وتحت عينك

منى تطالع وليد:هذا شي ثاني لكن انت تعرف إذا أحد سألني اليوم من أمّ شروق؟ وش أرد؟وش أقول عن أبوها

وليد ينزل راسه لحظة ثم يرفع نظره:ما راح أقول شي بس راح أقول أنا أعرفها وأتحمّل اسمي معها وإذا جا أحد يسأل يعرفون إنها تحت جناحي مثل ما أنا تحت رضاك

منى تسكت وعيونها تدمع شوي بس ما تبين:يا وليد أنا تعبت من هالعالم وما عاد أثق بسهولة
بس دامك واثق فيها

وليد ينتظر الجملة تكمل، قلبه يدق:يمه؟وش هالكلام وشروق تعرفينها قبل اعرفها وياما سألتك عنها وماعمرك ذميتيها ويوم صار كل شي رسمي تقولين كذا !!
منى نزلت راسها :البنت مافيها شي
وليد:اجل !
منى تلتفت لريماس:انتي دايم تقولين إن القلب يحس الحين قلبي ما هو مرتاح بس عقلي يقول جربي
ريماس تبتسم:وهذا يكفي بداية
منى بهمس:بداية فيها خوف بس يمكن توصلني لرضا

وليد يمد يده لها:يمه أعدك ما راح أخذلك مدام بنت الناس مافيها شي

منى تمسك يده،بعين حزينة لكن خففها الرضا:بس خلها تعرف إنها بتصير بنتي مثل ما صارت زوجتك

⸻

شروق جالسة في غرفتها تفكر تناظر الخاتم بيدها
عنود بجنبها تجهز وفاء على الأرض تضحك وهي تحط مناكير

شروق بصوت داخلي:من يصدّق بنت يتيمة كانت تدور عن أمها وتلقى بدالها بيت وناس وأمان بس ليه قلبي خايف؟كأن فيه شي ما بعد انتهى.

عنود:اهجدي انتِ واحساسك لاتخربين اللحظات السعدية
شروق:ماشاءالله عليك حتى كلام ماتعرفين تتكلمين زي الناس
وفاء ضحكت:السعدية واضح سعدية منجد
عنود:الواحد مايغلط عندكم
شروق:ابداً
عنودالقت نظرها على شروق الي اختفى صوتها فجاءة :شفيك تهوجسين
شروق :جتني رسالة
عنود تغمز لها:ترى يمكن مقلب!