الشوق مثل البحر واطيافه امواج وعمر البحر ماكان في يوم هادي 🌷.

PART 5

تضحك بفرح وانتصار وانتقام تحس انها فعلاً انتقمت وكانت قد كلمتها وانتقمت في وقت قياسي جداً ماهي الا لحظات وشافت محمد خارج ويصرخ ويطرق الباب على وليد وياسر وغزاي فزو خايفين
وليد:ابك العلم ويش وش بلاك انت؟؟؟؟
ياسر:وراك تتراجف انطق اربكتنا معك !
محمد بصوت متقطع:ال ال خيمه ا حترقت
وليد بصدمه:وشووو شلون احترقت
محمد:مدري صحيت حصلتها مشتعله نيرانها
وليد:ابعد خلني اشوفها
ياسر:انتصرتي بجي معك
غزاي:اشهد ان لا اله الى الله
خرجوا بسرعه وهم يركضون متجهين للخيمه وقف امامها وليد
وليد بصراخ :من ابن الكلب الي حرقهااااا فيها كل اغراضنا واغراض البل
محمد:ماعرفني انا يازول
ياسر:يازول؟
وليد :ابك معليك منه الحين طلعولي الي حرقها
رفعوا راسمهم على صوت الضحك بصدمهه
وليد :انتِ يابنت الكلب انتِ
غزاي:شروقققق!
ياسر:صاحبت عنود؟؟؟؟
وليد ادار راسهم لهم بصدمه :تعرفونهااا؟؟
ياسر وغزاي بنفس اللحظه:اي في المستشفى
وليد :والله ماخليك يابنت الكلب
شروق :احترم نفسك ابوي بقبره لا تسبهه مالكلب غيرك
وليد :عشان كذا ماعندك احد يربيك
شروق شهقت:يالخسيس احترم نفسك انت الي ماتربيت ابوي رباني احسن تربيه انت الي مايتسوى فيك خير نعطيك سياره نساعدك ترجعها وتكسرها ياقليل المروه
ياسر بصدمه:عيب عليكم طول بعرض وتتهاوشون زي البزارين ؟؟؟؟
غزاي:يابنت الاجاويد توكلي على الله
وليد:والله ماتتحرك لين اربيها
شروق:رب نفسك بالأول ياخسيس
وليد بغضب :يالي ماتستحين تعالي اربيك
تقدم لها بغضب ومد يده بيسحبها لكن شروق بحرمه سريع رجعت على ورا:بعد عني لاتلمسني ياحقير
وليد من شده غضبه كان بيسحبها مع عبايتها لكن بسبب تحركها سحب نقابها بلغلط شهقت :ياحيوان ياعديم الاخلاق تمد يدك على بنت وتنزل نقابي
صد بسرعه
ياسر:وليد هد هد لاتجيب فينا العيد
غزاي قرب بيسحب وليد لكن وليد صرخ :بعد بعد عني والله لربيها
شروق :جاي للمستشفى تتهاوش معي وتكسر سيارتي وتهدد وتسحب نقابي وباقي تبي تربيني مدري مين الي يبي تربيه ياحقير فارق حسبي الله عليك حتى ابوي الي بقبره ماشفته تسبه ؟الله ياخذك ياكلب ابوي ماتسوى اصبع رجله فاهم
وليد :ياحيوانه لك عين تسبين بعددد ؟؟؟والله الذي نفسه بيده ماتسلمين يشروق بنت عبدالله
شروق:قدها ياوليد بن فهد ؟مثل ماحرقت خيمتك بقص رقبت ناقتك ذيك واشرك باصبعها على ترفه
وليد بغضب:والله لو تلمسينها لدفن قبرك بيدي فاهمه
شروق بضحك سخريه :خير ان شاء الله ياولد فهد
وليد :داوك عندي يابنت عبدالله
شروق :باي دودي ودع ناقتك قريباً
وركبت سيارتها وهي تضحك وحركت
—-عند وليد —-
والله ماتلمسينها يابنت عبدالله والله وانا ولد فهد لربيك
ياسر :هد هد معليك منها
غزاي:هذي اعرفها ممرضه ياطول لسانها
وليد :بقصه لها والله ماخليها
غزاي :في النهايه بنت مراح اقدر اسوي شي
ياسر:ماتعرفونها زين والله مثل ماحرقت خيمتكم بتحرق قلوبكم مب بسيطه ذي
وليد :مانولد الي يحرق قلبي للحين
غزاي :كفو ياولد العم
وليد :بتطمن على الخيمه وانتم عودو نامو
ياسر :أكيد ؟
وليد :اي روح نام
غزاي:اجل تصبح على خير
وليد بصوت هامس:اي خير وهذي موجوده
بينما ياسر وغزاي راحو ينامون
ووليد ومحمد واقفين انام الخيمه بصمت مصدومين
————-
شروق طلعت من عندهم وهي تضحك لكن الضحك كان مجرد تمثيل هي قلبها انكسر من سمعت طاري ابوها تقطع قلبها لما سمعته يسب ابوها انهارت لمًا سمعته يقلل من تربيت ابوها لها صح ان ابوها ماقد شافته ولا رباها لكن ماتحب احد يتكلم عنه مهما صار ابوها ابوهاااا انهمرت دموعها كانت تحاول تمسكها لكن ماقدرت كانت تمثل القوه امامهم لكن الان انهارت انهلت دموعها دفعه واحِده ماكانت قادره تمسكها صرختتت بأعلى صوتهاا صرختت تبكي كانت دموعها كفيله انها تبين مدى حبها لابوها صرخت :بابا صارو يبسونك وانت في قبرك بابا ليه رحت وخليتني وحدي بابا طيب ليه ماما ماقعدت معي بابا طيب ليه ماجبتو لي اخ بابا طيب ليههه ماجبتو لي اخت بابا ليه كلكم رحتو وتركتوني وحدي بابا احتاجج حضنك احتاج ماما واخت واخخ اشكي لهم افضفض لهم بس افضفض لهم بابًا ماما ليهههه ليهههه خليتوني وحدي صارو يسبونك في قبرك صارو يسبون تربيتك صارو وصارو وصارو وانتم مو موجودين ليهههه رحتو ليه ماخذيتوني معكم ليه ضغطت بريك وقفت السياره وبدت تبكي وتضرب الدرقسون وتحذف الاوراق وقرور الماء وتصرخ :والله ماخليك ياولد فهد انت الي جنيت على نفسك ياوليد تحمل الي يجيك اجل تسب ابوي ؟ياوقح والله ماخليك ياوليد والله لحرق قلبك واخليك تتوجع سنين ياوليددددد
بابا يا بابا شفت يوم خليتني وحدي وش صار يابابا
بدت تردد وهي تبكي
"مرحوم ياوجه ابكيه لليوم"
مرحوم ياكبد كبدي وفلذاتها
من بعدك ماهنى لعيني النوم
"ترجعني لأيامك وضحكاتها"
صح يابوي ماشفتك ولا سمعت صوت ضحكاتك بس يكفي اني اتخيل شكلك وضحكك وصوتكك كل يوم ياقلب قلبي يابوي الله يرحمك مسحت دموعها وهدت نفسها وشغلت السياره واكملت طريقها وقلبها حارقها وحالفه تحرق قلبه زي ماحرقت خيمته
——-
عنود :ياربي وين راحت البنت وش صار معها ادق او مادق ادق او اجيب لها مصيبه اممم خلاص خلاص بدق
ارفعت الجوال وفتحت الباسورد ودخلت الاتصال واتصلت على شروق بعد مده قصيره
ردت عنود براحه:شوشو بشري وش صار معك
عنود:شوشو تسمعيني ؟شفيك !الو الو الو شوشو شروق بنت يمهه ؟
فصلت الخط ورجعت تدق وردت لكن ماكان فيه صوت او اي رد كان مجرد صوت هواء وسيارات بعد فتره سمعت تنهيدت شروق وتكلمت بسرعه :شروق تسمعيني الو بنت؟
شروق بصوت خافت ومهزوز:هلا اي اسمعك
عنود عقدة حاجبها:شفيه صوتك ايش صار!!
شروق:عنود لاتساليني تكفيننن
عنود بتوتر:شوشو ؟بسم الله عليك شفيك محتاجه شي اجيك
شروق:لا
عنود:وين وين انتِ؟وبنك فيه
شروق:فالطريق
عنود:اي طريق تكلمي؟
شروق:طريق *****
عنود:جايتك جايتك وقفي
شروق:لا مافيني شي ماله داعي
عنود:اص اس ولا كلمه واوقفي مكانك شروقي
شروق :ندوي قلت لك مافيني شي خلاص عاد
عنود لبست عبايتها وتحجبت وطلعت تركض وطلبت تكسي لان سيارتها كانت مع شروق بعد ١٠د وصل وركبت معه
عنود:لو سمحت وصلني لشارع******
التكسي:اوكيه
عنود:استجعل بالله
وكل هذا كانت تكلم شروق وماقفلت الخط
عنود:شروق جايتك وقفي
شروق:قلت لك مافيني شي يابنت
عنود:وقفي وبس
شروق:مراح اوقف
عنود:اوف منك ومن عنادك وقفي
شروق:ماله داعي مافيني شي
عنود:انا احتاج السياره ابي اركب معك توصليني مكان مابي احد يعرف اوكي؟
شروق:اعرف حركاتك يابنت اوصل البيت وامر بيتك ماله داعي تجين عندي
عنود بتوتر:شوشو صوتك مايطمن تعبانه فيك شي
شروق:لا لا قلت لك لا كم مره !
عنود:شوشو اعرفك زين وقفي
شروق:عنود تعرفين اني ماحب اكرر الكلام لاتخليني ازعل منك
عنود:شروق اسمعي كلامي مره وحده بس وقفي وخلي عنادك
شروق:خير ان شاء الله
عنود:شروق شروق اسمعي بس وقفي ماطلبت شي صعب؟
شروق:عنوددد خلاص عاد محسستني اني بــ
قطعت كلامها ورمت الجوال من يدها وبدت تصرخ وتحاول تضغط بريك تحاول لكن مو راضي لفت الدرقسون لكنها فقدت التحكم بالسياره وهي تصرخ عنود الحقيني عنوددددددد اختفاء صوتها
يبنما عند عنود التي كانت تصرخ :شروق تسمعيني شروق امي انتِ تسمعين شوشو بنتتتتتتتتتتتت
عنود:اسرع اسرع اسرع
التكسي :تمام
بدا يزيد السرعه حتى شافو سياره تحترق مشتعله نيرانها وعندها كم شخص عنود صرختت:وقف وقف هِنا ولا تتحرك برجع اركب معك نزلت وهي تدعي بقلبها انها مو شروق اتجهت تركض بسرعه هائله حتى وصلت عند السياره وهي تشوف النار المشتعله امامها وبدت تصرخ شروق شروق وين لاااااااااااا
كانت تحاول تفتح الباب لكن الناس سحبوها
الرجال:اختي السياره مشتعله مايصيرر تلمسنها
عنود وهي تبكي :شروق شروق داخلها هذي سيارتي اعرفها شروق راحت راحتتتتت
الرجال:السياره مافيها احد ياختي !
عنود:شروق وين ويننننن
الرجال:شوفي هناك عند الاشخاص المتجمعين
عنود راحت تركض وتصرخ شروق راحت راحتتت ببدت تدخل بس الناس المتجمعه وتبعدهم وتصرخ وتدخل بينهم لحتى وصلت وشافت شروق طايح وكلها د**م وترمل ونيقابها طايح ركضت وغطت وجها بدت ترفعها لكن صرخو :يابنت لاتحركينها لين يجي الاسعاف ممكن فيها كسور او نزيف او اشياء لا قدر الله عنود صرخت :شروق تكفين لاتروحين ووتخليتي شروقق ليه ماسمعتي كلامي ووقفتي شروق اصحي تكفيننننن تكفيننننننن ماهي الى لحظات ووصل الاسعاف:اختي هدي ىبعدي خلينا نحمل المريضه بسرعه عنود بسرعه ابتعدت وبدو يشيلون شروق ويدفنونها وركبوها سياره الاسعاف عنود ركضت :دكتور بركب معه اختي طالبتك
الدكتور:اركبي بس خليك هاديه اوكيه ؟
عنود:اوكيه اوكيه بس تكفون ساعدوها بسرعه
المسعف:لاتخافين مراح يصير غير الي كاتبه الله
بعد لحظات معدوده وصلو وبسرعه نزلو شروق وادخلوها
الدكتور:الحاله خطره بسرعه جهزو غرفه العمليات
الدكتوره :بس يادكتــ
الدكتور:الحاله خطره عمليات على طول
دخلوها العمليات وعنود منهاره ودموعها مو راضيه توقف ادارت رأسها وسعت عيونها تشوف ياسر ووليد متجهين لها صرخت :نعم الله ياخذكم مو وقتكم انقلعو برااااااااا
ياسر:عنود هدي هدي وش صار في شروق ؟
وليد :البنت سليمه؟
عنود:كله منكم اصلاً كله منكم ياكلاب براااا برااا براااا
وليد:شدخلنا حنا ؟!
عنود:منكم منكم كل شي صار لها بسببكم قسم بالله لو يصير فيها شي ولا تتضرر ان موتكم على يدي
ياسر:استغفرالله الاعمار بيد الله هدي
وليد :مب صاير لها شي ان شاء الله
عنود بصراخ :برااااا الله ياخذكم كلكم ببرااا هذي اختي تعرف شمعنى اختي اختي وقطعه من قلبي نصفي الثاني حياتي كلها وعمري وعيونيييي افديها قلبييييييي اختييي الي ماجابتها امييي اختي اختيييي
ياسر:تطلع بسلامه ان شاء الله مافيها شي
عنود:بغرفه العمليات وتقول مافيها شي ؟؟؟؟؟؟؟
التفت لوليد وتوجهت له ومسكته مع ياقته وبدت تضربه على صدره وتصرخ وتبكي:انت انت انت السبب انت الحقير الي لو ماكسرت سيارتها لو ماتهاوشت معها لو لو لو ماصار هذا كله ولا كان هي موجود هِنا ياحيوانننن ياقذر مافيك خير تتحدى بنت؟؟حسبي الله عليك حسبي الله عليك اذلف اذلف برا ياكلب
وليد كان بيتكلم لكن ياسر كان اسرع منه سحبه بسرعه :مشينا ياولد معليك لاترد عليها خارجه عن سيطرتتها
وليد :استغرالله العظيم واتوب اليه
ياسر:اشهد ان لا اله الى الله ان شاءالله تقوم بسلامه
وليد تنهد :ان شاءالله
ركبو سيارتهم وعادو ألى الإبل
————
عنود:يارب إنك تحفظ شروقي وتقومها بسلامه ياربي روحي وعيوني وقلبي يارب لا تاخذها مني ي كريم
بعد ٦ساعات وشروق في العمليات
خرجت الدكتور فزة عنود تركض :دكتور طمني عليها كيف حالتهاا!
الدكتور:إيش تقربين المريضه ؟
عنود بخوف:اختي اختي
الدكتور :احتاج ابوها اخوها بتكلم معهم
عنود بخوف:انا صاحبتها واهلها كلهم متوفين باحدث ماعندها احد تكلم
الدكتور:لا إله الى الله الله يرحمهم
عنود:تكلم ايش فيها !!
الدكتور:للاسف دخلت في غيبوبه تحتاج دعواتك
عنود بصدمهه شهقت:غ غيبوبه؟ شهر شهرين ؟
الدكتور :لا للاسف ممكن تستمر سنه وأقل
عنود بصوت مهزوز:سنه سنه !
الدكتور:تحتاج دعواتكم الله يصبركم
عنود:يعني بعد سنه تصحى ؟؟
الدكتور:مُمكن
عنود:شلوننن!يعني تتوفى ؟
الدكتور:الاعمار بيد الله حاولنا كثير لكن للاسف غيبوبه لكن حالتها مستقره ادعي لها استأذن
بعد ذهاب الدكتور عنود انهارت تحاول تلتقط دموعها وتمسك نفسها لكن سقطت على الارض منهار دموعها تتساقط بِسرعه بدت تصرخ :انا السبب انا لو ماشجعت لو ماحفزتها ودعمتها كان ماراحت وصار فيها كل هذا شروق ماتستاهل ماتستاهلللل كل الي صار لها شروق اقوى من كذا مستحيل تستسلم للموت شروق تكفين لاتروحين بدت تضرب بقبضات يدها بالأرض وتصرخ انا السبب الله ياخذني انا اننااااا ليه مارحت معها ليههههه افديها عمري كله شوشو تكفيننن ماكانت قادره تسيطر على نفسها انهارت وانهيار ماكان على اي احد انهارت على حبيبت قلبها وروحها وعيونهاااا واختهاااا شروقققق كانت عوض لهاا في كل شي كانت كل ماتطيح تحصل اول شخص امامها شروق كانت معها في حزنها قبل فرحها كانت معها في ضعفها قبل قوتها كانت معها في كل شي اسمترت تبكي جانب الغرفه حتى صقطت مُغمى عليها
——————
وليد :ياسر
ياسر:اسلم
وليد :احس  أني سبب في حادث هالضعيفه
ياسر:شروق؟
وليد:الله الله
ياسر:لا ياولد مالك شغل !
وليد:انا توعدت فيها وهددتها وسوت حادث
ياسر:قدر الله مالنا اعتراض عليه
وليد :ونعم بالله بس ياولد تخيل توفت وهي داخلها نيران بسببي؟
ياسر:استغفرالله لاتتفاول على بنت الناس
وليد :ياولد ندمان كان مشيتها ليه سويت هذا كله وحطيت عقلي بعقل بنيه؟
ياسر:تبينا نروح نتطمن عليها وعلى عنود !
وليد :اي والله بريح ضميري وبستسمح من الضعيفه مدري شبي فيها
ياسر:مشينا
وليد :مشينا
وصرخ :يامحمد بروح مشوار انا وياسر انتبه ع الحلال وانت ياغزاي انتبه
غزاي:حلالي وحللاك واحد
وليد:بيض الله وجهك
توجهوا وركبو السياره ووليد طول الطريق يستغفر
وصلو ونزلوا
وليد:سلام عليكم
الدكتور:وعليكم السلام آمر
وليد :وين غرفه شروق عبدالله ؟
الدكتور :المريضه من امس داخله غيبوبه
وليد شهق:تقوله صادق؟
الدكتور:نعم
وليد :لاإله الى الله
ياسر:طيب كان معها وحده وين راحت ؟
الدكتور:للاسف لما سمعت الخبر طاحت مغمى عليها
ياسر بخوف :وين غرفتها؟
الدكتور:غرفه رقم ١٥
ياسر ووليد اتجهو بسرعه للغرفه طرق الباب :ندخل
عنود بصوت تعبان :تفضل
فتحتو الباب بهدوء ودخلو يمشون بخطوات هاديه
ياسر:شلونس
عنود بتعب:مو بخير وشروق تعبانه
وليد:الخبر لمًا سمعنا ضاقت صدورنا ضميري مُئنبني راحت وهي محترقه مني
عنود اغمضت عيونها كي لاتفيض فأمطرت بدت تبكي وتحاول تمسك نفسها كان ياسر يسمع شهقاتها وقلبه متقطع عليها وعنود طبعها ماتحب تبكي قدام أحد لكن دموعها خانتها
ياسر:تكفين طالبك لاتبكين شروق ماتبي منك غير الدعاء ولا الدموع مراح تودي ولا تجيب وانا اخوس
عنود بصوت باكي:طالبتكم تروحون تتطمونون على نضر عيني واتصلو على امي اكيد منشغل بالها علي وخايفه
وليد :على خشمي مايصير خاطري الى طيب
ياسر:وليد انا بتصل على امها وانت تطمن ع البنت
وليد :ابشر
اتجهه وليد لدكتور:لو سمحت مُمكن اتطمن على المريضة شروق ؟
الدكتور:طبعاً اقدر بس تلبس عشان سلامت المريضه
وليد:ماقصرت أكيد اكيد
لبس ودخل عليها شاف الاجهزه عليها كثيرر حس ان وده الارض تنشق وتبلعه ولا يشوف احد كذا حس مشهد ابوه تكرر قدامه بدا يقرب وهو يرجف وهمس :أيوجد وسيله يلجأ الإنسان هارباً من مايشعر ؟
كان يتذكر لما كان عمر ١٢سنوات لما سمع خبر وفاة ابوه وماكان عارف يتصرف شاف ابوه يندفن امامه وشاف ابوه قبلها بكم ساعه بغرفه العنايه ماكان يحب يشاهد او يحضر هذي المواقف صار يخاف الفقد لاي شخص اين كان تنهد وخرج رفع راسه يشوف امرأة داخله على شروق لكن مأهتم خرج وتوجه لياسر
—عند ياسر——
ياسر:عنود
عنود:هلا
ياسر:حافظه رقم امك ؟
عنود:عطني جوالي اطلعه لك
ياسر اخرج جوالها وفتحت الباس ودخلت على رقم امها ومدة الجوال له
عنود:ياسر
ياسر:سمي
عنود:اتصل من رقمك او من المستشفى
ياسر استغرب لكن ماسال :ابشري
وخرج وجوال عنود بيده وبدا ينسخ الرقم بجواله واتصل ماهي الى لحظات واجابت :هلا
ياسر:سلام عليكم
بدور:وعليكم السلام ورحمة سم ياولدي
ياسر:والله مدري شلون اقول لك ياخاله لكن عنود
بدور بخوف:شفيهااا؟؟؟؟؟؟؟
ياسر:مافيها الا العافيه لكن صديقتها مسويه حادث وعنود من صدمتها اغمى عليها والان هي مافيها الا العافيه في المستشفى
بدور:اي مستشفى ؟؟
ياسر :مستشفى********
بدور :الله يعطيك العافيه ماقصرت بالي منشغل عليها الله يطمنك
ياسر :ماسويت شي واجبنا
بدور:مع السلامه ياوليدي
ياسر :مع السلامه
اغلق الاتصال ورجع جواله وجوال عنود مازال بيده وخرج من الاتصال وشاف صورتها في خلفية شاشه جواله الداخليه بشعرها الكيرلي وفستانها ومكيبها الناعم ماكان مستوعب جمالها وملامحها الحاده وابتسامتها الجذابه اغلق الجوال بسرعه من سمع صوت وليد
وليد:اتصلت؟
ياسر :اي وانت كيف حالها؟
وليد تنهد:ياولد لو اشوف الاجهزه الي عليها تكرر مشهد ابوي الله يرحمه
ياسر:الله يقومها بسلامه يارب الله يرحمه
ودخلو على عنود
عنود:كيفها!
وليد:حالتها مستقره على كلام الدكتور
عنود:ياعيوني ياشوشو ليتني ماكانها ولا اشوفها كذا
ياسر بربكة:بسم الله
وسكت وناظره وليد بحدة ونزل راسه
عنود:ياسر اتصلت؟!
ياسر هز راسه بمعنى اي :عطيتها آسم المستشفى يمكن تجي
ماهي الى لحظات وسمعو طرق الباب انفتح ودخلت بدور :عنود يمه
عنود:ايوا هنا ادخلي
وليد:اجل حنا نستاذن
عنود:مع السلامه ماقصرتوا
وليد :مع السلامه مامن قصور
وخرجوا
بدور:من ذولي؟
عنود:هم الي ساعدوني
بدور :اي الله يجزاهم خير انتِ كيفيك اخبارك شغلتي بالي عليك
عنود:بخير بخير الحمدلله
بدور:مين صاحبتك الي سوت حادث؟
عنود بضيق:شروق
بدورشهقت:بسم الله على قلبها ياروحي انا كيفها ؟؟طيبه!
عنود بكت:ماما شوشو دخلت غيبوبه
بدور شهقت :ياساتر الله يقومها بسلامه ياعيوني ماعمري شفت اطيب منها الله يستر عليها يالله ياكريم انك تحفظها يالله
وتقدمت تحضن عنود :وانا امك لاتبكين ادري انها غاليه بس ادعي ادعي لها بكل وقت وتصدقي عنها هي الحين تحتاجك تدعين لها وتتصدقين عنها يماما بدت تمسح بكفوفها على شعرها حتى نامت عنود بحضنها عدلتها على السرير وغطتها وخرجت بتشوف شروق لكن ماقدرت لان انتهى وقت الزياره الان تنهدت ورجعت عند عنود ونامت على السرير الي بجانب عنود
—بعد ثلاث اسابيع ——
عنود خرجت من المستشفى لكن كانت كل يوم عند شروق وتدعي لها وتتصدق عنها وشروق خرجت من العنايه وصارت بغرفة تنويم طبيعيه وعنود تنام عندها وبدور تجي تتطمن وترجع ووليد وياسر كانوا كل يوم يجون يتطمننون عليها ويقعدون بساعات ويروحون
———
عنود سمعت طرق على باب الغرفه ولبست نقابها وعبايتها وفتحت الباب عقدة حاجبها من رجُل كان واقف امام الباب كان يعتبر في السن ٤٠-٥٠
عنود:تفضل؟
متعب:انا متعب
عنود؛ونعم لكن ماعرفتك
متعب:غرفه شروق عبدالله !
عنود :اي نعم
متعب :اقدر ادخل ؟
عنود:من انت
متعب:خالها
عنود بدهشه:وينك طول السنين ذي !؟
متعب:مالش شغل من انتِ اصلاً
عنود :اختها
متعب:مانيب خابر عندها خوات !؟
عنود:انت زين انك تعرف اسمها
متعب :بعدي بعدي خليني ادخل
عنود :معك ١٥د وتطلع
متعب ناضرها بحده وادار راسه يتوجهه لسرير شروق
متعب:شروق انا خالش متعب جيت شفيك ؟
عنود:انت مريض البنت في غيبوبه ؟!
متعب بصدمه ؛غيبوبه قالو لي انها مسويه حادث بس ماقالو غيبوبه لا اله الى الله
عنود:زين ذكرت ان عندك بنت اخت
متعب :انتِ وراش مانتبتهي لها مخليتها تسوي حادث ؟
عنود شهقت:استغفرالله كيف خليتها تسوي حادث هذي نور عين قدر الله
متعب:لو ماسكتها في ارضها ماصار كذا
عنود:اطلع اطلع برا لك وجه تتكلم ياخسيس
متعب:ماباقي الى هي تطرديني!!!!
عنود:برا برا
طرق الباب والتفتو عنود:تفضل
دخل  وليد
وليد:سلام عليــ
وليد:معليش نستأذن
متعب:بالخسيس من انت ؟!وش جايين تسوي في غرفه مافيها غير بنات لحالهن!!!!
وليد :انت الي من ووش تسوي هنيا؟؟؟
متعب :جاي ازور بنت اختي ؟من انت
وليد :اها
متعب:من انت تكلم !!
وليد بعناد:مالك شغل
متعب بعصبيه:تعال ياخسيس والله ان. شفتك هنيا مره ثانيه ماتعين خير
وليد :يارجال فارق
ادار ظهره وخرج
متعب بغضب:منهو ذا وشلون ترضين يدخل عليكم!
عنود:ماعرفه
متعب:تعقبين يالي ماتستحين
عنود:توكل الله يستر عليك
متعب :بروح وان عودت مره ثانيه وشفته هنيا موته على يدي فامهم يا*****
عنود بصدمه:احترم عمرك لاتسب بعرضي جاي بعد هاسنوات وتتكلم؟؟؟!
متعب:هين اوريكن بنات هازمان خربن خربن
عنود:توكل توكل ماني ناقصه شياب بعد
خرج متعب وهو غاضب من تصرف العنود والولد الي مايعرفه
——-
وليد:يسور
ياسر:هلا مسرع كنت بخلص الي بجوالي ولحقك امداك!
وليد:حصلت خالها عندهم كريهه
ياسر:تقوله صادق ليه شسوا؟
وليد :يقول وش مدخلك عند البنات ويسب ويقذف واسلوبه كريه وطلعت ماعلمته من انا وهو منغبن داخل
ياسر بضحك:وربي انك اسطوره هههههههههههه
وليد:شف شف الكريه طلع
ياسر عقد حاجبه :ياولد احس اني قد شفته
وليد :شف شلون يمشي باباي
ياسر ضحك:باباي مره وحده شرشبيل احسن
وليد :عجيب شرشبيل خطير الاسم ههههههه
ياسر:وجهه مألوف
وليد :أكيد يوم كنت ورع كنت تتفرج عليه بتلفزيون
ياسر:زين اني لحقت عليه يرجال
وليد ضحك:ننزل !
ياسر انتضر شويات ثم ننزل
بعد ١٠د تقريبا
ياسر:يالله مشينا
نزلو وتوجهو للغرفه وطرقوا الباب وفتحت عنود ودخلو.....