طرقو الباب وردت عنود :تفضلو
ياسر:دام فضلك
وليد:سلام عليكم
عنود:وعليكم السلام ورحمه
وليد:بشري وش صار عليها كيف حالتها
عنود:والله يقولون تحسنت شوي الحمدلله
وليد:الحمدلله الله يقومها باسلامه الا خالها ذا شلونه؟
عنود تنهدت:كريهه بعد ٢٤سنه يجي يقول بنت اختي ليه ماهتميتي فيها ليه خليتيها تسوي حادث ويتهم بشرفنا اننا ندخل رجال غرفتنا !!!
ياسر:اححح من دخل عليكم
عنود القت نضرها لوليد ونطقت:وليد
ياسربضحكه سخريه:اماا رجال
وليد :شتقصد ياورع !
ياسربأستيعاب:اوهه لاتفهمني غلط يالعشير
وليد:بمشيها بكيفي ترا ،إلا شلون بعد ٢٤سنه ؟؟!وين عايش طول المده ذي ؟؟!
عنود نزلة نضرها للارض:عايشه ببيت وحدها ولاخوالها ولاعمانها يزورونها ياقلبي هي
وليد بدهشه:قصدي خالها لكن شروق وين امها واخوانها عنها ؟؟!
عنود بوهقه لآنها كبة عفش شروق بالغلط واصلاً شروق ماتحب تعلم احد عن اهلها وعائلتها:شوف يع خربانه خربانه لذالك بقول لك شوشو من يوم ولدت ماعمرها شافت اهلها لا امها ولا ابوها ولا اخوانها او خواتها وعلى كلام اهل الديره لها قالو ان شروق كانت عند خالها سُلطان لكن بسبب ضروفه ماقدر يربيها وان اهل شروق ماتوو وكان عندها اخو وتوفاء مع اهلها لكن ماقالو كيف ماتتو واصلاً جد شروق ابو امها كان متزوج ٣ وشوشو كانت امها الوحيدة الي جابها من زوجته ٣وسلطان ومتعب هذا خوالها من جدها لذلك ماهتمو فيها بس شوشو كانت قويه وحاولت حتى صارت ممرضه وتعرفت عليها من ايام الابتدائي ولا حصلت لها بديل شوشو هذي عيوني صح ماعندي غير اخت وحده بس شوشو اختي وقلبي وعيوني
وليد بصدمه من قصتها وشلون هي لحد الان تمتلك الشجاعه هذي :طيب من سجلها وشلون جت الديره ذي ؟!
عنود تنهدت:شوشو لما صار عمرها ٦سنوات خالها جابها هِنا وسجل البيت لها وخلها ومعد زارها وفيه حرمه من اهله الديره الله يحفظها هي وزوجها كانوا يقولون لها تجي معهم وتعيش بس شوشو كانت من هي صغيره عزيزة نفس وكانت ترفض وكانوا محترمين رايها لكن كانو كل يوم يجبون لها اكل وفلوس وشوشو طلبت انها تدرس وسجلوها ومن بعدها شوشو صارت ترفض يجبون لها اكل كانت تقول علميني شلون اطبخ وخلاص وكانت الحرمه الله يحفظها تعلمها وتجيب لها كل الي تحتاجه وماقصرت مع شوشو والحرمه للان موجوده بديره لكن معد فيها حيل تزور شوشو لان شوشو غيرت الديره الي كانت فيها وراحت ديره جنبها وشوشووقبل لايصير لها الحادث بفتره كانت تقول بزورهاا بس الله ماكتب وليومك هذا شوشو مستغربه من الحرمه هذي ليه كانت مهتمه فيها كذا لكن الله يطول في عمرها
وليد وياسر كانو مصدومين من سالفة شروق الغريبه وين عمانها واهلها ؟!شروق أكيد ثابرت وتعبت حتى وصلت لهذا الهدف والقوه والشخصيه شروق ماكانت مُجرد انثى عايديه كانت ام واب واخت واخ لنفسها شروق شي عظيمم جداً انسانه عظيمه الى ابعد حد
نطق وليد :يابعد حيي غلطة عليها وكسرت سيارتها كيف بتجيب قيمتها والله مادريت هددتها وراحت من عندي وسوت حادث انا السبب انا
ياسر وضع يده على ظهر وليد :ياولد عين خير البنت بتقوم وتعتذر منها ومايصير الى الي فيه خير ان شاء الله
عنود بأبتسامه مزيقه:عاد تدري شوشو بعد ماراحت من عندك اتصلت عليها ترد بس مافي صوت بس اسمع شهقاتها ويوم ردت صوتها كان مهزوز انا اعرف شوشو اذا بكت ماتحب ابكي قدام احد ب سانا اعرف صوتها زين كان واضح انها توها بكت وصوتها تعبان كنت اقول فيك شي تقول لا وكنت عارفه انها كذابه وكنت اقول وقفي بجيك ورافضه وفجاء سمعت صراخها وماصرت اسمع الى صوت صراخ واتصدامات واخر شي سمعته كانت تقول عنوددد بعدها اختفت شروق اختفت شمعت حياتي
ياسر:تفألو خير بتصحى ان شاء الله
وليد بحزن:شفت بسببي راحت تبكي بسببي وسوت حادث من شدة بُكاها وبصوت هامس منه:مايليق ع وجهك المليح الصدوالجفا مايليق ع طهر قلبك القسى من علمك تقسين ياشبيه القمر
عنود وياسر ناضرو فيه سمعوه لكن هو كان في عالم اخر من التفكير ويهمس:شلون زعلتها شلوننن
ياسر :ياوليد ياعين اخوك مشينا مشينا نشوف ترفه لعلك تهدأ
عنود بأستغراب:متزوج!
ياسر:لا الله يهديك يالفاهيه هذي ناقته اغلى من كل شي عنده
عنود :اييي شوشو كانت تقولي عنها بس مادريت ان اسمها ترفه
ياسر:وش دراها؟!
عنود بوهقه:امزح بس ماكان عندي رد وكذبت بلغلط
ياسر هز راسه :وليد يالله
وليد :شفت كانت تتوعد في ترفه الله ياخذ ترفه
ياسر رفع حاجبه:هماك ماتداني عليها شي ؟وش صار بك
وليد:تروح ترفه ولا تروح بنيه سوت حادث بسببي ويتيمه
عنود :شوشو حنينيه ترضى بسرعه توكل مع ياسر
ياسر:يالله ياولد
وليد بدوامت افكاررر وقف وعقله وقلبه مو معه تائبي الضمير ماكله يمشي مع ياسر وهو يهوجس وياسر كان مستغرب من الحاله الي يمر فيها وليد وليد الي دايم الضحكه ماتفارقه صار كذا ركبه السياره وتوجهه مع باب القائد وتوجهه للإبل وبنص الطريق والصمت الغريب نطق وليد :ياسر
ياسر:لبيه
وليد:اذا صحت ع خير بخليها تذ**بح ترفه بس ترضا علي ماحب احد يزعل علي لا ويتيمه وبنيه
ياسر عقد حاجبه:هذي ترفه الي ماتساوي احد فيها ياوليد ؟!
وليد:الحين اهم شي ترضا شروق انا لا ليلي ليل ولا نهاري نهار افكر لو ربي اخذ عمرها وهي زعلانه مني ويتيمه وش بيصير بي
ياسر حب يلطف الجو وبضحكه:انا اشوف اشوف انك حبيتها هذا السبب الاساسي ولا تفضل شروق على ترفه مابه تفسير غير انك عاشق
وليد :انت خابر ان هل علوم ماهيب علومي ياياسر
وتنهد بضيق
وياسر سكت وعشان زيل الصمت شغل تركي الميزاني والبارت الاحب له
"انت تدري كل ماتحتاجني تلقاني يشهد الله عنك "
ماتقدر تشح يديه بس تكفى لاتعذبني ولا تنساني ضمني
يانور عيني في حشاك شويه كل ماشفتك تدخلني بعالم
ثاني عين تنضر لك بشر والثانيه حوريه فيك شيطان
الهوا ياغايتي وصاني بالغلا والولف والتقدير والحنيه
والقصيد اليا بغيته فيك مايعصاني يتباشر في وصوف عيونه السحريه ياوجودي لو اشوفك يابعد خلاني والله "اني لاحذف الغتره على الطاقيه"
———بعد مرور ٣شهور———
٤صباحاً عنود تصلي وتدعي لشروق ان الله يقومها بالسلامه عاجلاً غير اجلاً تدعي وكلها يقين بالله انه راح يستجيب لها الدُعاء من طاحت شروق في المستشفى زاد ايمانها بالله وطول الوقت تدعي لها
بينما كانت ساهيه مع ربها وساهيه بدُعاء طرق الباب بهدوء عقدة حاجبها وتوجهت تفتح الباب
عنود بذهول:اهلين وليد كيفك شلون جيت وهالوقت؟
وليد:الحمدلله بخير شلونس شلون شروق
عنود:كلنا تمام الحمدلله
وليد:مثل مانتي عارفه رجعت لديرتي والحين عودت للبل بكره الصباح ان شاء الله نبداء شديدها وقلت امر اتطمن محتاجين شي منا ولا مناك قبل ابعد عنكم
عنود :اوكيه توصلون بسلامه سلامتك مانحتاج شي الحمدلله الله يوفقك توكل
وليد :امين يارب مع السلامه
ادار ظهره بيخرج بس التفت على صوتها
عنود:وليد
وليد:سمي
عنود:بطلب طلب قبل تروح
وليد عقد حاجبه :امري؟
عنود:مايمر عليك عدو بس بروح للوالده في البيت اتطمن عليها صارلي يومين مارحت وخلك عند شروق خالها مايطمن كل شوي يجي
وليد :على خشمي توكلي للوالده وصليلها سلامي
عنود:بس اخاف آخرك عن شغلك
وليد :قلت بكره الصباح معي وقت طويل
عنود هزه راسها وقبلة راس شروق وخرجت
ووليد جلس على الكنبه وساهي وكان ينطق بصوت خافت :ترى الغلا واضح ولانيب مخفيه انا بغيتك يوم غيرك بغاني واكممل صح اني شفت بنات غيرك بس انتِ من يوم شفتك وانتِ غير عنهن كلهن من يوم شفت صورتس بالهوية وإنا مافكر غير بتس لكن من كثر التفكير. سويت شي وحاربتك وسويت غير الي بقلبي
انتِ ماتدرين يوم لحقتك انا وياسر وشفناك مسويه حادثه شلون فاظ بركان داخلي ازعلتس وسويتي حادث بسببي وو عقد حاجبه يشوف اصبعها تحرك توجه لسرير الي كانت مستلقيه عليه ونطق:شروق شروق تسمعيني
وتوجه ينادي الدكتور
وليد:دكتور خالد
خالد:تفضل
وليد:شروق شروق حركة اصبعهاااا
خالد توجهه يركض للغرفه وقف وجانبه وليد ضحك بصوت عالي :الحمدلله الحمدلله
وليد بفرحه:شوف فتحت عيونهااا
الدكتور :بس بتطمن على حالتها واخبرك
وليد :الحمدلله يارب الحمدلله
شروق فتحت عيونها بهدوء تام جداً اول ماشافت امامها كان وليد نطقت بصوت خافت :شتبي وين انا فيه ؟ كانت بتقوم بس الدكتور خالد نطق:خليك مسترخيه على السرير بنتطمن على حالتك
بعد مده وتطمنو على حالتها
الدكتور خالد :الحمدلله كل شي تمام وهي بصحه جداً كويسه وخرج
شروق نطق:وين عنود وين انا فيه !
وليد :اهدي انتِ في المستشفى عنود راحت لأمها وبتجي
شروق :طيب وين انا ؟كيف جيت هِنا
وليد:في المستشفى سويتي حادث ودخلتي غيبوبه ٤شهور
شروق بصدمه وبهدوء وصوت خافت:غيبوبه حادث!ليتني مت ورحت مع ماما وبابا
وليد :بسم الله لاتتفاولين احمدي الله
شروق:انت شتبي من شتبي؟؟
وليد:الايام بينا
شروق :عنود بتجي؟!
وليد:اي
شروق :بطلب منك طلب اتمنى انك ماترفض
وليد:سمي
شروق:بمثل عليها اني ماصحيت لاتعلمها انت انا بصدمها
وليد :بس كذا ؟ابشري
ماهي الا لحظات ودخلت عنود
عنود:وليد تسولف مع نفسك انت ؟
وليد ضحك بخفه:احب اسولف مع نفسي
عنود:كيف شوشو
وليد :نفس ماهي
عنود:الله يقومها بسلامه الحين تقدر تروح
وليد :بستريح شوي ثم بتوكل على الله
عنود :خذ راحتك
عنود قربت من السرير وبدت تسمي وتقراء على شروق نفس عادتها كل مره تجي عندها
شروق فتحت عيونها بهدوء وابتسمت عنود كانت معضمه عيونها وتقراء وخلصت وفتحت وصرخت :شووشوووو؟صحيتيييي!!!!!!!!!!!
انا اتحلم!!؟!؟!؟!؟
شروق ضحكت بهدوء:لا واقع
ضحك وليد :صحت وكنت عندها وتطمن الدكتور على حالتها مستقره
عنود ضمتها بفرحه:الحمدلله يارب شوشوشوشوشوششووششوشو ماني مصدقه اخيراً اخيراً احبك احبك احبك اخخخخخخ
شروق ضحكت:اموت فيك
وليد :بعدي عنها تعبانه تراها بشويش
عنود:متخيل شوشو صحتتتت
شروق:انت مالك شغل اسكت
وليد :على خشمي
شروق:اصلاً شتبي جاي برا
وليد :مع السلامه والحمدلله ع السلامه استاذن وخرج فعلاً
شروق:شفتيه صاير مؤدب ويسمع الكلام
عنود غمزة:يوهههه في سوالف كثيررر بس خليها في وقتها الحين كيفك انتِ الله احبكك اخيراً رجعت قلبي وعمري وحياتي وضي عيني اخخخ ياشوشو اخخخ اخخخخ الله لايحرمني منك
——-عند البل——-
وليد:محمد كل شي جاهز ؟
محمد:ايوا يازول
وليد:صبر ايوب يارب وين ياسر
محمد:داخل الان يأتي غزاي بيجي؟
وليد:لا
محمد:ليه
وليد:مالك دخل بناس ياملقوف
محمد:شفيك ترا ماقلت شي اسال بس !
وليد :من راقب الناس مات هماً
محمد:وي اشبك ياواد اليوم؟
وليد:ياسر اعجل دامني صابر
ياسر:شفيكم
وليد مشى وتركهم
محمد:اشبه
ياسر:اهااا عرفت شبلاه من اشبه امش وانت ساكت
محمد:صابر عشان ولادي
ياسر:انت تتحول لهجات تمام بس تتحول مره رايحه تشتكي لاهلها من رجالها كذا كثير
محمد ضحك:انتا بتضحكني
ياسر:عين خير وامش
محمد:ابشر
———-عند غزاي ——-
غزاي:يمه تكفين مابي مابي
ام غزاي:ياوليدي البنت اخلاق وسنع وجمال وانا ابي اشوفك معرس قبل اموت
غزاي:سمله عليك يمه الله يطول بعمرك مختلفنا ونعم بالبنت بس مابيهاا انا ابي اختار ع ذوقي ترا بعيش طول حياتي معها يمه تكفين
ام غزاي:سروال هي ع ذوقك ؟؟كيف على ذوقك ان شاء الله كيف بتشوفها اذا في احد في بالك تكلم !
غزاي:افهميني يمه مابي اظلمها معي تكفين
ام غزاي:كلامي ماينعاد وانت كبير وعاقل وتفهم
غزاي:بكلم ابوي واكيد بيتفق معي
ام غزاي:كلمته وخلصت ووافق
غزاي:يمههه شلون انا الي بتزوج ولا انتم !!!
ام غزاي:ولا كلمه مابي نتهاوش ياولدي
غزاي بزعل شديد وغضب وقف وخرج من البيت وهو يحترق يعرف انه مراح يعطيها الحب الي تحتاجه والحنان راح يظلمها معه
———
شروق:نودي
عنود:عيونها
شروق:كنتي خايفه علي!
عنود:خايفه وبس روحي طلعت من مكانها ياحيوانه مره ثانيه تسمعين كلامي
شروق:خير ان شاء الله
عنود ضربتها على راسها بخفه
شروق:اخخ راسي عنود الحقيني
شروق بتمثيل انها فقدة الوعي
عنود بصدمه:شوشو تكفين مو وقتك والله امزح شروق تكفين الله ياخذني انا ومزحي الثقيل شروق تكفين اصحي
جابت مويه وفتحتها بتكبها على شروق
شروق بضحك :الحين تأكدت انك تعشقيني
عنود:ياسمجك انقلععي ياحيوانه
شروق وهي تضحك:اخخخ يندوي متى اطلع !
عنود:بكره ياقلبي انتِ
شروق:صدق؟
عنود:ايي
شروق:الحمدلله
عنود:اي والله الحمدلله وترا صار عندك عاشق وانتِ ياغافل لهم الله لكن اذا طلعتي بسولف عليك فاتك احداث ناررررر
شروق:ياشينك اذا جيتي تقولين سالفه تماطلين بعدين احد يعشق وحده بغيبوه؟ هههههههههه
عنود:طبعاً
شروق:عاد تصدقين رغم سخافتك ذي اموت فيك
عنود:يابعد قلبي اكثررررر
شروق:وش يقول الشاعر ياندوي
عنود:وش يقول ياشوشو!
شروق بدت تُلقي بصوتها الأنثوي :تراى تسوى في عيون الشروق طوايف ماهي ملذات وسوالف ومزوح
عنود:صح لسانك هذا الكلام لي ولا لشخص ثاني وغمزة لشروق
شروق:صح بدنك طبعاً لك حياتي مافيها غيرك يابعدي انتِ
عنود:اموتتت فيككك اعشقك ياعيونييييي الثنتين
شروق:الله الله مدلعتني بمشاعرك لو ادري تحبيني هالكثر كان من زمان مسويه حادث
عنود:وجع ياحيوانه بسم الله عليك
————وليد————-
بينما كانو في رِحلتهم لشديد الإبل كان وليد كعاده مشغل سلطان البريكي الاحب لقلبه ويردد معه بصوته الحاد "اقطع مبادي واترك القانون لاجل العيون الي انت خافيها عندي وجودك اغلى م فالكونن تروي عطش روحيي وضاميهاااا"
ياسر:اسلم ي الصوت الي مايطلع غير لااشتغل سلطان
وليد :عندي كثير اسمع لهم لكن سلطان غيررر غيرر ياولد
ياسر:بديت احبه معك ياولد بس تركي لابد منه
وليد:يالبيه صدقني بتدمنهه
ياسر:جاء سوال في راسي فجاءه
وليد:اسلم
ياسر:وشهي مواصفاتك فارسة احلامك
وليد:مالك شغل خصوصيات
ياسر :ادعس صار عندك خصوصيات ياولد
وليد:تشوف ههههههههه
ياسر:تحبها!
وليد عقدة حاجبه:منهي؟
ياسر:شروق
وليد بأستغباء:من شروق؟
ياسر:نسينا يعني !خابرك لاتسوي فيها ياولد انك غبي
وليد:الله يستر عليها
ياسر:مفضوح تراك
وليد:ياخوي فكني انت بذات لاعرفت شي تنشب للوحد بس مفضوح ويش انت المفضوح اجل تسمي عليها
ياسر:العب يالبعير ماتنسا بعدين انا مانكرت ياثور
وليد:وانا ماكذبت الله يستر عليها انا باخذ على ذوق امي وخواتي
ياسرغمز:ايي زين زين
وليد عطاه نضره وياسر ضحك
وليد:اقول انزل امش مع محمد رد البل لاتروح مناك
ياسر:ياليل طيب
نزل ياسر ومحمد يمشون مع البل ووليد بالسياره
———اليوم الثاني العصر——
شروق :ندوي شيلي اغراضي مقدر
عنود:صبر ايوب ابشري
شروق:ترا بموت المره الثانيه اذا ماسمعتي كلامي
عنود:ياشينك اذا الواحد طلع مشاعره لك
شروق ضحكت وطلعو متوجهين لسياره
شروق:اخخخ اشتقت للحياه الخارجيه
عنود:اي اجواء شموس يابنت سبايسي
شروق:انا اذا جيت بسوي اني اتكلم انقلش
عنود ضحكت:اهم شي فهمتي
شروق:السهره اليوم صباحي عندك
عنود:تنورين بيتنااا والله بيتك اكيد محيوس وكله غبار
شروق:ياحبيبي انتِ من بعدك
———-
جالس يهوجس ومتكدر الخاطر ودخلت امه
ام غزاي:ياسر ووليد بيرجعون بعد اسبوع سذا ان جو ان شاء الله بتروح انت وابوك وتخطبون
غزاي:يمه تكفين لا لا
ام غزاي:لمصلحتك بس
غزاي بعد التفكير قرر يماشي امه عشان ترضا عليه :ابشري
ام غزاي:ايه هذا ولدي الي اعرفه
وادارة ظهرها وخرجت بينما غزاي الي كان يهوجس وبعد تفكير قرر انه يوافق ويتوكل على الله يعرف امه مراح تخليه لين يوافق واختصر على نفسه ووافق وهو مو عاجبه الامر
اشكركم على الدعم الحلو جداً جداً لاتنسون 🌟رغم ان البارت احسه قصير وقليل بحقكم تستاهلون اكثر صراحه لكن تاخرت عليكم كثير "ابي توقعاتكم البارتات الجايه 💞"
أنت تقرأ
الشوق مثل البحر واطيافه امواج وعمر البحر ماكان في يوم هادي 🌷.
Actionاجواء ديره ممرضه ،ولد الديره يعش البل(الجِمال)🌷
