مرحلة السادس اعدادي

الاول

🍂 رواية - مرحلة السادس العلمي 🍂
بقلم - مصطفى راجي insta/ dr_mustafa_r
قلوب الناس تشترك في شيئاً واحد وهو الخوف لذلك نخاف جميعاً من تحقيق ما نريد خوفاً من الم الفشل ، ولكن في لحظة قوة دعونا نتحلى بالارادة ونتيقن ان حياتنا سنسأل عنها بعد الممات وانه سنقف جميعاً بين يدي الحبيب سبحانة وتعالى ، وسنكون فخورين باننا عملنا في حياتنا وحققنا احلامنا وكنا كما نريد ، سنفتخر بأننا في لحظة قوة اتخذنا القرار وفي لحظة اصرار عملنا وفي لحظة امل صبرنا وفي لحظة فرح افتخرنا بأننا ع عرش القمة مفتخرون بلحظات الحياة التي صنعناها
اسمي كرم عمري ٢٠ ساكن بالناصرية

قصتي بعيدة عن كل قصص الحب والظلم والحظ
قصتي يمكن يقراها البعض ع اساس انها تجربة بينما اقراها انا كزء مني ، كزء مهم من حياتي
خلال سنتين بيها تعلمت ان ( المستحيل ) مجرد كلمة باللغة وماكو وجود الها بالحياة
قبل اربع سنوات جنت مجرد شاب ما يهمه شي ، عايش للضحك والونسة ما يفكر بمستقبلة ، انسان اجتماعي احب اتعرف ع شغلات جديدة بس اهم شي مو بالدراسة لان جنت اكرهها لابعد الحدود بس ما اگدر ابطل من المدرسة لان الوالد ما يقبل ، فجنت اداوم حتى اتونس وي اصدقائي
بكل صف جان عندي اصدقاء اكو بيهم متدينين واكو بيهم ساقطين ( يعني مشكل 😁 )