مرحلة السادس اعدادي

الخامس

مهدي - لا بس ولا مدري شنو ، تعرف هاي ال بس هي سبب دمارنا ، ماكو بس ، هو لو اي لو لا ، يعني لو تگول انا انسان وهاي حياتي ولازم استغلها رغم كل شي صار لو تبقى گاعد مثل الطفل تبجي وبعدها تجي الناس تعطف عليك و وراها تنساك ، كرم صدگني الحياة مملة اذا بقينا ننظرللها من جهة وحدة وخلصناها يأس ،
ازرع حياتك حلم واسگيها عمل وساعتها راح تحصد نجاح يعيشك انسان ناجح بكل مجالات الحياة حتى بالنواحي الشخصية ، حتى بالحب ،

بقيت صافن بكلامة الي يصنع مني انسان مختلف ، انسان يعرف ان الحياة ما بيها يأس
معقولة الحياة بيها امل بكل لحظة
بقيت صافن وما احس الا بواحد ظربني راشدي 👋 خلاني اسمع صصصصص بذني من القوة
درت وجهي واشوفه مهدي 😬
بسرعة سبيتة - ابن الكلب 😡
- ولك الصفنة مو الك 😅
- جا هيج تظربني 😡 ؟
- مو حتى تنتبه للي راح احجية الك
- امشي منا لا اسمطك سمط 😠
- عوف الشقة ولك ، وانتبه عدل وياي 😡
- احجي شكو ؟