مرحلة السادس اعدادي

الثامن

مهدي - وشنو يعني ؟
كرم- انت مخبل ؟
- ليش
- ولك راسب ، يعني شلون اگدر اطلع صيدلة وانا بأمتحانات الشهرية راسب
- معدلك بالوزاري هو الي يحدد ، مو امتحاناتك الشهرية
- وشنو الفرق
- فرق هواي ، حبي هاي الامتحانات مجرد اختبار الك
- اي وانا فشلت بالاختبار
- زين ، اذا سألتك هسه عن المواد تگدر تجاوبني ، لو اكو شي ما فاهمة ؟

كرم- لا تقريباً فاهم اكثر من نص المواد
مهدي - والنص الثاني بس تراجعة راح تذكرة
- بس رسبت 😞
- خايب طز بيهم ، هم المدرسيين يتفيكون مرات بس هم لمصلحتك من يجيبون اسئلة اصعب من الوزاري واتحل حتى لو نصها ، فمن راح تدخل للوزاري راح تضحك ع الاسئلة
- ولك بديت افقد الامل
- شوف كرم ، الله عز وجل ينطي للانسان الي يريد ويتعب ، يعني من يشوفك انت عندك هدف وتسعى اله ومهما تواجهك صعوبات تبقى ع هدفك وما تتراجع فتأكد ان انت راح توصل لهدفك ، كرم شوف هذا العالم ، كله العالم راح يساعدك