مرحلة السادس اعدادي

الثالث

بس جرح عن جرح يختلف ، كل جرح الة طعمة الخاص بية
انا جرحي بلا طعم ، بلحظة شمرتني الدنيا بحمل خلاني انزف روح لحد ما يبست الروح
جانت الساعة ( ١١ ) بالليل من دگ تلفون ابوي وجان المتصل هو اسم اخوي ( مصطفى ) جاوبة ابوي
ابوي - الو ، هلا بالزاير ، وين وصلت ؟ ( مصطفى جان بالزيارة وراجع بالطريق )
- السلام عليكم
ابوي رد مستغرب - وعليكم السلام ، منو ؟
- حجي صاحب هذا التلفون صار وياه حادث بطريق الديوانية ونقلوة للمستشفى بس للاسف ما لحگنا علية و مات ، ولكيت تلفونه واتصلت بيك

هانا فجأة سمعت من ابوي شهگة حسيت بيها طلعت روحة ، صحتلة يابة شبيك ، جاوبني ( ولك راح اخوك )
جانت اصعب كلمة علية بحياتي ، ما عرفت شسوي ، بس كمت وگفت وطحت ، رجعت وگفت وطحت ، طايح ع الگاع واصيح بيه ( ولك مصطفى )
اجت امي تركض ، اول ما شافاها ابوي گلها راح اوليدج ، امي بقت تملش بشعرها وتصيح اريد ابني ، ابوي بوقتها صار طفل متخبل وبس يدگ ع راسة ويصيح مصطفى ،، ما اعرف اوصف حالتي بوقتها ونا اعرف شسويت بس بعدها عرفت ان انا شككت وجهي بأدية