مرحلة السادس اعدادي

السابع

مهدي - يعني احفظ وروح جيب مية ، صح مرات يجيبون اسئلة خارجية بس هم اذا فاهم المادة الي بالكتاب فراح تحلها وهم تگدر تترك السؤال الخارجي وتجاوب ع غيرة ، ترة اكو ناس ما عدها ذكاء باي شي ومع ذلك جابوا معدلات عالية كلش بالسادس وحتى دخلوا كلية طب ، والله اعرف طلاب بكلية الطب وهم لحد الان ولا دجة بالرياضيات
- يعني انا بيه امل اصير دكتور 😁
- اي بس لازم تحس نفسك من هسه ان انت دكتور وتبدي تقرة وتفهم وتسأل وتناقش وما تتأثر بحجي الناس الي تريد تكسر واهسك لو مهما صار 😠

كرم - اوكي ، راح اكمل دورات الفيزياء والكيمياء وراح اسيطر عليهن ، بعد ما اهتم لشي غير الدورات

وصدك استمريت بالدورات والحمد لله گدرت انسة ان انا مستواي ضعيف قبل ، وبديت بالدورات بواهس لحد ما صرت من احسن الطلاب بالدورات وما اترك شي الا افهمه ، حتى الاستاذ من يشرح شي ويكمله وانا ما فاهم شي بيه فمن تخلص الدورة اكلة عيدة لحد ما افهمه واخلية يسألني بيه . وما جنت اترك واجب علية ما احلة وحتى من ما يكون عندي وقت جنت اخذ الواجب وياي للمدرسة واحلة ، حتى ما يفوتني شي