مرحلة السادس اعدادي

التاسع

عندي اي شي ما ضابطة وبعدها بديت بجدول المواد والبداية جانت للمواد الي احبها حتى تزيد ثقتي اكثر والحمد لله كدرت خلال شهرين من الحبس ( لا طلعة لا لعب 😞 ) ان اكمل المواد وابدي امتحانات الفاينل 😓 ههه طبعا الاحلام قبل الامتحانات ما تتسولف من الخوف
اول امتحان جانت رهبة الدخول للقاعة ما تنوصف
الاسلامية قريت ملزة الطابعي ودرختة من الجلاد للجلاد
ومن امتحنت جانت بس كم نقطة خارجية والبقية كلهن من الملزمة

الحمد لله كدرت اخلص اول امتحان وانا مرتاح
بعدها اخذت ريست والعصر نظمت الكتب والملازم لمادة العربي وضميت كتب الاسلامية ( مممم شعور حلو من تجي تظم ملازم مادة وتگول هاي انتهت بعد )
صح اكو ضغط نفسي بس حتى ارتاح منة ، فكرت شنو اسوء شي ممكن يحصل مثلا ارسب السنة ، عادي حتى لو رسبت اهم شي ان انا سويت العلية وتعبت وحسيت بلغة التعب والهدف وهذا وحدة انجاز يريحني
امتحنت عربي بعد ما حفظت الادب كلة وحليت كل تمارين القواعد والاسئلة الوزارية جنت حالها بالامتحانات الشهرية وبفترة المراجعة