ناديني .. نسمة الجمل

الحلقة الثالثة

الحلقة الثالثة 

مصطفى على السفره بيكمل اكله وسوزى اقدامه فضولها ها يموتها عاوزه تعرف ايه الموضوع المهمها

يا حبيبى ايه الموضوع المهم اللى كنت عاوز تتكلم فيه
هاهاها مش قادره تصبرى يا امى انا عارف كدا
يا مصطفى اخص عليك بتضحك عليا 
لاء لاء يا امى متزعليش خلاص انا عاوز اقولك ان قررت انزل اتدرب عند استاذ محمد صديق بابا فى مكتبه 
بجد طيب كويس بس انا افتكرتك ها تقولى انا عاوز اخطب 
اخطب ايه بس يا امى مش لما اخلص جامعه الاول
 يعنى فى حد فى دماغك ولا ادورلك ما انت خلاص اخر سنه ولا وراك جيش ولا حاجه انت ابنى الوحيد
ايوه ايوه ما انا ها خطب واتجوز على طول بعد ما اخلص
 يعنى فى حد
اه وايوه طبعا فى حد وحد انتى عارفاه وبتحبيه اوى 
سوزى بلؤم طالما بحبه اوى تبقى شاهى بنت اختى
 مصطفى فاهم مامته ..لاء طبعا يا امى وانتى عارفه ان اقصد نادين
 ايه انت بجد بتحب نادين انا كنت فاكره ان لعب عيال وراح خلاص لما كبرتو 
لاء يا امى مش لعب عيال وانا كل ما بكبر كل ما حبى ليها بيكبر 
بس انا عاوزه شاهى اكتر بنت اختى وبحبها وبصراحه مش شايفه حد مناسب ليك اكتر منها
بس انا مش شايف ولا حاسس ولا ها قرب ولا بحلم غير بنادين ودا مش حب وقتى دا حب عمر كامل خلاص ..
خلاص سيبها لوقتها منعرفش بكره ايه اللى مستخبى فيه
 كل خير ان شاء الله يا امى انا عارف ان ربنا اكيد هايكافئنى بيها انا عمرى ماأذيت حد ومتمنتش غيرها فى حياتى كلها 
.....................................................................................................................................................................ليلى بتدخل النادى وبتدور بعينيها على اصدقاءها شافتهم كلهم متجمعين على طربيزه بعيد بتمشى علشان تشوفهم خبطت فى شاب ..من قوة الخبطه وقعت الشاب بيقرب منها يقومها معلش معلش انا اسف
ليلى بعصبيه مش تفتح وبتحاول تقوم ومتمسكش فى ايديه المدوده ليها 
انا اسف والله والله انتى اللى غلطانه انا كنت ماشى فى طريقى وانتى اللى دخلتلا فيا
 ليلى بترفع عينيها ليه انا .........يااااه دا امور اوى ..خلاص محصلش حاجه حضرتك خير
انا بس عاوز حضرتك تعرفى ان فعلا مقصدتش اوقعك
خلاص خلاص مافيش مشكله والله انا كمان اسفه انا فعلا كنت ببص على اصدقائى الغلط منى خلاص
طيب انا اسف لتانى مره وانا اسمى محمود لو احتاجتى اى حاجه انا هنا دايما 
اكيد اكيد شكرا ليك انا اسمى ليلى
 اسمك جميل ذيك
بجد احم احم بعد اذن حضرتك 
اكيد اتفضلى
ليلى بتقعد مع اصدقائها بعد السلام قعدت على كرسى وعنيها بتدور على محمود بس اختفى اتضايقت وفقدت الامل انها تشوفه
ايه يا ليلى سرحانه فى ايه
ها لا يا امل مش سرحانه انا معاكو اهو ها اذيكوا انتوا عاملين ايه
سامر بيدخل فى الكلام انا كويس بس وحشتينى
 شكرا يا سامر ها هاتسهرو فين امل ..
نسهر ايه بقى كدا اليوم اضرب الساعه بقت 9 على ما نقعد شويه مع بعض ها تبقى 11 ونروح 
نروح ايه ما تيجوا نروح ديسكوا...
ها ايه رأيك يا سامر انا معاكى يا قلبى فى كل اللى انتى عاوزاه
ها يا امل وانتى 
انا معاكو بس اتصل بالبيت اشوف ايه النظام مش طالبه مشاكل مع بابا
 اووك بس لو رفضوا قولى اي حاجه انا مش عاوزه اروح من غيرك انا بتبسط واحنا سوا 
خلاص خلاص هاتصرف
 امل خلصت تليفونها بعد ما كدبت على والدتها انها رايحه تذاكر مع ليلى بعد النادى وهاتجيب حاجات مهمه وان ليلى هيا اللى هاتوصلها لحد البيت 
ايوه كدا برافوو عليكى يا امووووول حبيبتى وباستها من خدها
 هههههههه طيب يلا بقى علشان نلحق نقعد شويه لان مش هاينفع اتأخر اوى بردوا 
اوك اوك يلا بينا يلا يا سامر
 ....................................................................................................................................................................
مصطفى بيحاول يذاكر بس كل شويه يفكر فى نادين 
لاء كدا كتير انا مش هاعرف اذاكر كدا غير لما اكلمها واطمن انها كويسه
 الو حبيبتى 
حبيبى وحشتنى اوى
 وانتى كمان يا نادين
والله انا مش عرفت اذاكر خالص كل ما افتح كتاب اشوفك فيه واحنا كتبنا بالذات عاوزه تركيز 
حبيبى ربنا يخليك ليا نفس اللى بيحصلى والله بس انا عاوزه حبيبى يركز كدا مينفعش انا عاوزاه اكبر محامى فى مصر
ان شاء الله هابقى طول ما انتى معايا وجنبى ربنا يخليكى ليا
ويخليك ليا حبيبى ودموعها نزلت وقلبها وجعها مصطفى انا بحبك اوى اوعى حاجه تبعدنا عن بعض
حبيبتى ليه بتقولى كدا انا مقدرش ابعد عنك غير لو مت
 حبيبى بعد الشر عليك ربنا يخليك ليا انا مش عارفه خوفت مره واحده ليه كدا 
طيب صليتى العشا 
ايوه الحمد لله 
طيب روحى صلى ركعتين لله وانا كمان هاصلى ربنا يقربنا ويعدى السنه دى بسرعه علشان نكون مع بعض على طول
 هوا احنا فعلا هانرتبط رسمى يا مصطفى بعد السنه دى 
ايوه حبيبتى انا مش هاقدر استنى اكتر من كدا ان شاء الله نخلص امتحانات وننجح واجى اخطفك 
يااارب يا مصطفى يارب احلامنا تتحقق وتبقى معايا طول العمر
يارب يا حبيبتى طيب روحى صلى وانا كمان
 ماشى حبيبى 
نادين اتوضت وصلت وفضلت تدعى ربنا يجمعها بمصطفى وتكون معاه على طول ويبعد عنهم اى شر ...يارب مش هاقدر اعيش من غيره من غيره اموت يارب قرب ما بينا ...يارب متخليش بينا فراق ودموعها بتنزل
يارب يارب جمعنى بيه
نادين خلصت وقلعت اسدال الصلاه وقررت تحاول تذاكر شويه 
...............................................................................................................................................................فااات وقت طويل ونادين بتذاكر شويه وتفكر فى مصطفى شويه
الاب بيدخل اذيك يا نادين 
قامت قربت منه اذيك يا بابا ي حبيبى عامل ايه شكلك تعبان 
اه والله اوى يا بنتى مش لو كنت خلفت ولد كان زمانه مريحنى شويا بدل البهدله اللى انا فيها طول اليوم دا
 كدا يا بابا يعنى انا وحشه 
لاء يا حبيبتى انتى عندى احسن من اى ولد بس انتى اخدتى منعطف تانى خالص لحياتك عاوزه تبقى صحفيه 
فعلا يا بابا امننيتى اكون صحفيه شاطره واكون دايما مع الحق
ان شاء الله يا بنتى ربنا يحققلك امنيتك 
طيب يا بابا ادخل غير هدومك على ما احضر العشا
طيب فين ليلى 
ليلى ...ليلى فى النادى 
الاب بيبص فى ساعته لحد دلوقتى انتى عارفه الساعه كام 
ايوه معلش يا بابا زمانها راجعه
 هيا بتتأخر كدا دايما 
نادين (سامحنى يارب )لاء يا بابا اول يوم 
انا عارف ان مشغول عنكوا بس هاعمل ايه انا بعمل كل دا علشان اعملكوا مستقبل يأمنكوا بعد موتى محدش ضامن عمره
بعد الشر عليك يا بابا ربنا يخليك لينا انت عندنا اهم من كنوز الدنيا 
ربنا يبارك فيكى يا بنتى اتصلى بأختك قوليلها ترجع حالا
حاضر يا بابا 
....................................................................................................................................................................ليلى بترقص مع اصدقائها ومستمتعه جداااا
أمل بتشوف الساعه فى الموبايل واتضايقت وقربت من ليلى
يا ليلى اتأخرت اوى يلا 
ليلى يا بنتى احنا لحقنا 
كدا يا ليلى دا وعدك تروحينى على طول 
سامر:ما تصبرى شويه يا امل دا السهره لسه ها تحلو
كدا طيب انا هامشى وشكرا يا ليلى 
ليلى بتجرى عليها خلاص خلاص انا جايه معاكى 
ليلى بتطلع تليفونها من شنطتها ياااه كل دا ميسد كول مين نادين اكيد فى حاجه هاتصل اشوف بس تعالو نطلع بره مش هاسمع هنا
يلا بينا ليلى واقفه جنب عربيتها وبتكلم فى الموبايل ايوه يا نادين فى ايه كل دى اتصالات 
بابا هنا يا ليلى وبيسأل عليكى 
بابا وايه رجعه بدرى كدا
 ليلى يلا تعالى احنا مستنينك 
ماشى ماشى سلام اهو اليوم ها يقفل بنكد 
سامر ليه بس 
بابا اول مره يرجع البيت بدرى وبيسأل عليه 
طيب وفيها ايه قوليله كنت عند امل وامل قايله لاهلها انها عندك وانتوا الاتنين مع بعض مكدبتوش يعنى هههههه
صح عندك حق كدا مكذبناش
امل يلا بقى يا ليلى انا اتأخرت اوى بجد
يلا يلا اروحك واروح على البيت على طوول 
......................................................................................................................................................................
الاب بعصبيه ايه يا ليلى كنتى فين لحد دلوقتى 
ليلى بتدخل وبتقفل الباب وراها وهيا وشها فى الارض انا اسفه يا بابا كنت عند امل صاحبتى بنذاكر سوا 
مذاكره ايه دى اللى فى نص الليل لا تكونى فاكره نفسك ولد وانا مش عارف
ايه يا بابا انا اول مره اتأخر وعينيها على نادين
وتعملى حسابك هاتكون اخر مره مش معنى ان مش موجود دايما انك تعملى اللى انتى عاوزاه
 انت تقصد ايه يا بابا بكلامك دا وعملت نفسها ها تبكى 
اللى فهمتيه انا معنديش بنات يرجعوا نص الليل البيت 
ليلى بتجرى على اوضتها حاضر انا اسفه وبصوت بكاء
الاب:نادين انتى تعرفينى تحركاتها دايما ولو عملت حاجه ولا اتأخرت تانى تكلمينى تعرفينى ماشى 
حاضر يا بابا ...حاضر انا هادخل اشوفها
 .....................................................................................................................................................................
نادين بتدخل الاوضه عند ليلى زعلانه انها بتبكى دخلت شافت ليلى فتحت الكمبيوتر وبتغير هدومها ولا كأن حاجه حصلت 
وانا اللى كنت داخله زعلانه عليكى 
لاء عادى انا مش زعلانه
شويه وهايروء تانى لوحده وانتى هاتتأخرى تانى بره كدا
ايوه طبعا وانتى طبعا مش هاتقوليله حاجه زى ما طلب منك
 لاء يا ليلى كدا كتير بصراحه 
طيب روحى انتى بقى اوضتك انا هاشيت شويه مع اصحابى وبعدين هانام
 نادين بتخرج من اوضة ليلى وهيا زعلانه منها وعليها مش عارفه هيا ايه اخرة كل اللى هيا فيه وبعدها عن ربنا
ليلى بتدخل الايميل اللى هيا عملاه مخصوص للاشتغالات 
حلو اوى اهو فاتح اشتغله شويا بقى هاى
هاى اذيك انتى فين بقالى ساعتين مستنيكى 
مستنينى انا ليه
نكمل كلامنا 
اوك يا خالد عاوز تكلم فى ايه 
الاول نزلتى صورتك يا ماهى 
لاء لسه انا لحقت انا لسه مكلماك من كام ساعه 
ياااه كام ساعه دوول عدوا عليه عمر طويل
 للدرجه دى واكتر شكرا
على ايه بس
انتى متعرفيش من ساعة ما كلمتك وانا حاسس بأيه
......................................................................................................................................................................
شاهى فاتحه الاكونت بتاعها بتشوف ايه الجديد وزهقانه مش لاقيه حاجه تعملها 
الاب بيدخل شاهى حياتى اذيك
شاهى بتقوم من اقدام الكمبيوتر وبفرحه بابى حبيبى وحشتينى 
يا بكاشه لو كنت وحشتك كنتى اتصلتى بيا تسألى عليه
 يا بابى والله كنت طول اليوم فى الجامعه وكنت مشغوله
 حبيبت بابى وانتى عامله ايه فى الجامعه 
كويسه الحمد لله بس انا عاوزه منك طلب يا بابى 
ايه حبيبى اللى انتى عاوزاه اوامر 
حبيبى يا بابى وبتبوسه من خده ربنا يخليك انا عاوزه
............

نكمل الحلقه القادمه