ناديني .. نسمة الجمل

الحلقة السابعة

مصطفى بيقرب من ليلى وهيا منسجمه مع مهاب وصديقتها امل واقفه بس مش واضحه اول ما مصطفى شافها اهلا يا امل اذيك

امل بأبتسامه اذيك يا مصطفى

"مهاب" وانا ما فيش اذيك

مصطفى "بتجاهل " ليلى تعالى عاوزك

عاوز ايه يا مصطفى

لو سمحتى تعالى بس هاقولك حاجه

"مهاب" انت مش شايفها واقفه معايا

لاء مش شايفك

والله انا مش عارف انت مش بتقبلنى ليه يا مصطفى

وانا مش ها قبلك ليه يعنى عادى على فكره انا جاى هنا عاوز ليلى فى كلمتين ممكن يا ليلى لو سمحتى تيجى معايا

ليلى على مضض اتفضل

لو سمحتى نروح لنادين واقفه هناك

مصطفى وليلى " وشها عليه علامات التعصب " بيقربوا من نادين

نادين بأبتسامه اذيك يا ليلى

اذيى ايه احنا مش لسه كنا مع بعض

نادين بأحراج انا اسفه

مصطفى بيحاول يكتم غيظه من ليلى ... ليلى انتى ايه اللى موقفك مع مهاب دا

وبتسأل ليه

علشان انا اخوكى يا ليلى ومش احب اختى تقف مع واحد زى مهاب

ليلى " بأحراج" خلاص يا مصطفى مش هاقف معاه تانى بس هوا كان واقف مع امل وانا كنت واقفه معاهم بس

بغض النظر كان واقف مع مين ياريت لو بتحبى صاحبتك امل حذريها منه

حاضر

طيب يلا بقى وحشنى اتعشى معاكى انتى ونادين ونجتمع سوا

ها تعشينا ايه

طماعه

شكراً

لاء بجد قولى عاوزه ايه وانا اجيبهولك

عاوزه اكل بيتزا

وانتى يا نادين

اى حاجه

ماشى يبقى كلنا بيتزا

...............................................................................................

وقت طويل فات على ابطالنا نادين على وشك الامتحانات
مصطفى مكتبه بيزيد وبيكبر ومافيش حد يعرف بيه من المقربين من مصطفى غير مدحت ومحمود ونادين
شاهى بتحاول تنسى مصطفى بس كل ما تحاول تحبه اكتر
ليلى اتعلقت اوى بمحمود وبيتكلموا موبيلات ومحمود حاسس انه سمع صوت ليلى قبل كدا فى التليفون بس مش قادر يعرف امتى ولا ازاى
محمود مشدود اوى لليلى بس مش قادر يصدق انه بدأ يحبها

................................................................................................
اربع رجاله شكلهم غير مريح بيدخلوا مكتب مصطفى