ناديني .. نسمة الجمل

الحلقة الثالثة و العشرون

...........
مصطفى وصل عزه لشقتها واطمن انها فى امان و طول الطريق وهو راجع بيفكر فى ليلى وبيفتكر نادين

"انا اسف يا نادين انا فعلا حبيتك اوى وانتى حلم عمرى بس انا فعلا

مشدود اوى لليلى وبجد خلاص مش قادر امنع نفسى عن حبها

مصطفى بيقطع تفكيره بأتصال للمره الرابعه من ليلى ء والله

ايوه يا ليلى

ايه يا مصطفى اتأخرت ليه حصل حاجه

لاء ..خلاص انا قربت من الفيلا فى حد عندك

ايوه بابا هنا وفى ناس معارف ليه هنا معاه فى اوضة المكتب اكيد جايين يعزوه

ماشى يا ليلى انا خلاص فى الشارع العمومى للبيت

ماشى يا مصطفى
..........................................................................................................
عزه بتدخل شقتها مقفوله بقالها اكتر من سنه كلها تراب

بتدخل تنضف الكمبيوتر والكرسى وبتقربه من الكمبيوتر وبتفتح لاسر الالعاب العب

العب انت يا اسر على ما انضف الشقه

ماشى يا ماما

عزه بتدخل اوضتها وبتقعد على السرير وبتمسك برواز صغير

بتمسحه وبتبص لصورة هشام ودموعها بتنزل

كدا يا هشام تسبنى لوحدى شوفت اخوك بيعمل فيا ايه

مش حرام اعيش هنا فى منفى وحياتى تتلخبط ومعايا اسر

بس والله لو هاموت ولا ان اخوك دا يلمس فيا شعره

وحشتنى اوى يا هشام الله يرحمك وسامحنى مش هاقدر اجى ازورك

لان اخوك بجد ممكن يقطرنى

بحبك يا حبيبى وهاعيش عمرى كله على ذكراك

واربى ابننا التربيه اللى كنت بتتمناها
.....................................................
نادين واسامه فى عربيته معلش ممكن تقف هنا خلاص وصلنا

الفيلا دى بتاعت مين

نادين بدموع المفروض ان دا بيتى انا ومصطفى

اسامه بحزن تحبى تدخلى ايوه هادخل

عربيه بتدخل من باب الفيلا مش دى عربية مصطفى ايوه دا مصطفى

اهدى بس يا نادين

انا لازم انزل وبتفتح باب العربيه وبتقرب من سور الحديد الخارجى لجنينة الفيلا

اسمه جنبها مش اللى واقفه دى اختك

ايوه ليلى هيا بتعمل ايه نا

طيب تعالى ندخل

شافت نادين مصطفى بينزل من العربيه
....................................................................