ناديني .. نسمة الجمل

الحلقة الثانية عشر

............
سوزى بتفوق من نومها معتز معتز التليفون

حاضر حاضر

الو

ايوه يابابا الحقنى

مصطفى مالك

انا فى المستشفى يا بابا تعالى ..الحقنى

مستشفى ايه فى ايه مالك انت كويس

ايوه انا كويس بس نادين يا بابا الحقنى

اهدى بس يا مصطفى فهمنى

اهدى ايه... دى غرقانه دم وبين الحياه والموت الدكتور بيقول حالتها صعبه

طيب انتوا فى مستشفى ايه

..........

طيب خلاص اهدا ..جايلك حالا

معتز بيقفل وبيرد على سوزى اللى عماله تشد من ايده الموبايل وعينيها مش قادره تبطل دموع ابنى ماله يا معتز

ابنك كويس يا سوزى متخافيش

بدموع اقوى انت بتكذب ابنى فيه حاجه انا قلبى حاسس بيه

انتى قلبك حاسس بأيه بس اى كلام ابنك كويس والله العظيم بس نادين هيا اللى بين الحياه والموت

ايه

البنت معرفش فيها ايه بس مصطفى بيقول انها بين الحياه والموت

يا حبيبتى يا نادين ملحقتيش تفرحى ياترى حصلها ايه

انا هاروح اشوف مالها

طيب استنى هاجى معاك

لاء ابقى تعالى براحتك مش لسه هاستنى الولد حالته صعبه جدا وبيجرى وهوا بيلبس الجاكت

طيب قولى مستشفى ايه

...........................................................................................................................................
دعتزز بيجرى على مصطفى اللى واقف اقدام اوضة العمليات وشكله صعب جدا

بأنهيار شفت يا بابا موتوا نادين مستنوش افرح بيها شويه صغيرين بس

هيا ماتت

لاء بعد الشر ليه بتقول كدا

مش انت لسه بتقول .. عموما اهدى بس واحكيلى بهدوء اللى حصل

والله معرفش ايه اللى حصل انا بس غبت عنها دقايق لا والله ثوانى رجعت على صرختها

يعنى حصلها ايه

واخده رصاصه فى كتفها ولا قلبها والله ما عارف حاجه

طيب اهدى بس انا كنت متأكد ان لازم حاجه زى دى هاتحصل

متأكد .. ليه متأكد ..انت عارف حاجه يا بابا قولى مين عمل كدا

اهدى بس متعملش فى نفسك كدا

اهدى ازاى والنبى يا بابا قولى تعرف ايه

انت نسيت الناس بتوع القضيه انا مش قولتلك مش هاتعدى على خير