ناديني .. نسمة الجمل

الحلقة الخامسة

.............
نادين واقفه مفزوعه وخايفه من العربيه اللى قطعت عليها طريقها بالشكل دا

شاب بينزل من العربيه ..انتى جامده اوى يا بنتى ايه الجمال دا

نادين انكمشت فى بعضها وبترجع لورا ..ايه عاوز منى ايه

الشاب بيقرب اكتر

.....................................................................
مصطفى بيقرب من ليلى وهيا منسجمه اوى مع شيلتها وعينيها من وقت للتانى بتخطف نظرات لمحمود اللى مش قادر يبعد عينيه عنها

ليلى

ليلى بأبتسامه وبتقوم من على الكرسى ... اهلا مصطفى الف مبروك

الله يبارك فيكى ..هيا نادين مجتش ليه

مش عارفه بس وانا نازله كانت بتلبس زمانها جايه متقلقش

ماشى "ليه قلبى مش مرتاح بس"؟؟
......................................................................................................................

شاهى بتقرب من سوزى هاى يا طنط

شااااهى ..ايه الجمال دا

شاهى بخجل ميرسيه يا طنط وانتى كمان اموره اوى

انتى النهارده برنسس الحفله فعلا مافيش احلى منك

ميرسي بجد

مصطفى فين علشان يشوفك

شوفته يا طنط وسلمت عليه

سوزى بأبتسامه وعينيها على شاهى من فوق لتحت "يااارب" مامى فين

هنا..هاشوفها لحضرتك بعد اذنك
.............................................................................................................
نادين بترجع لورا وصوتها مش قادر يطلع

الشاب بيقرب اكتر متخافيش انا مش اعملك حاجه هانتكلم بس

نادين دموعها بدأت تنزل وبتهز دماغها

الشاب بيمسك ايديها .. لقى حد بيشيل ايده وبيشده يضربه

الشاب التانى بينزل من العربيه يضرب مصطفى

مصطفى بيضرب الشاب الاول والشاب التانى بيضرب مصطفى من ضهره

الشاب الاول بيجرى على العربيه ومصطفى بيلف للشاب التانى يضربه بيجرى .. وبيركب جنب زميله وبيجروا بالعربيه

"مصطفى شاب طويل قوى البنيان زى القمر جسمه رياضى جدا"

نادين واقفه مكانها مش بتتحرك ومش بتدى اى رد فعل غير دموع صامته

مصطفى حاسس بنادين وشايفها وهيا واقفه منكمشه... وبيقرب منها

حبيبتى ازاى ها تبقى صحفيه كبيره وانتى لسه خوافه كدا المفروض كنتى ضربتيه وكتفتيه وعملتى معاه سبق صحفى

نادين بأرتـيـاح الحمد لله انهم مشيوا

دا كل اللى قدرتى تقوليه بدل كدا ما تترمى فى حضنى وتقوليلى حبيبى وسلامتك بقى وسهوكة البنات دى فوقتى بسرعه من صدمتك ليه بس