ناديني .. نسمة الجمل

الحلقة الثانية و عشرون

............
نادين وعينيها على اسامه هما فين اهلى

اسامه بيتجنب سؤالها شوفتى انا كنت بقرألك كل دول

انت فعلا صوتك فى ودنى اكتر صوت صحيت عليه بس معلش فين اهلى وانا اد ايه بقالى على حالتى دى

بقالك سنه

سنه ..طيب فين مصطفى

اسامه بضيق مصطفى جوزك

ايوه وليلى وبابا

هما

نادين بخوف حصلهم ايه

بصى يا نادين بصراحه انا مش هاتكلم فى حاجه غير لما تقومى وتكونى كويسه

.....................................................................................................................
ليلى بتفوق من النوم وهيا فى حضن مصطفى

فرحانه بأحساسها انه حضنها اوى كدا بتقوم وشها قريب اوى من مصطفى

مصطفى بيفتح عينيه عينيهم بتتقابل قريب اوى ربنا يخليكى يا ليلى

ليلى بتبعد متشكرنيش يا مصطفى يارب بس تقدر تنسى

حد بينسى امه يا ليلى

لاء يا مصطفى الام مش بتتنسى ولا الاب والله بس غصب عنك
بتحاول تعيش وتدريجى الحزن اللى جواك بيهدى

انا اسف يا ليلى

انا اللى اسفه احنا نروح لطنط النهارده ونعدى على نادين

مصطفى بحزن نادين الله يرحمك يا نادين يارب

ليلى بحزن الله يرحمها يارب ويجعل مسواها الجنه

ليلى بتخرج من الاوضه قبل ما حزنها يبان اكتر

مصطفى عينيه على درج الكوميدينو وبيفتحه وبيطلع صوره لنادين

دموعه بتنزل سمح لدموعه تكمل فى النزول تعب من كتر ما ظهر فى دور القوى

.................................................................................................
معتز بيقوم وبيلبس وواضح عليه الحزن بيشوف كل ركن فى الاوضه وعينيه بتجى على صورة فرحه هوا وسوزى

وقف اقدامها وهوا بيلبس الجاكت الله يرحمك يا سوزى ربنا رحكط من العذاب اللى كنتى فيه

فلاش باك

سوزى نايمه على السرير

يارب اموت بقى يارب ارحمنى من العذاب اللى انا فيه

يا سوزى حرام تقولى كدا يا حبيبتى بدل ما تدعى قولى الحمد لله

انا عارفه ربنا بينتقم منى علشان اللى عملته

هوا ايه دا

فى حد فى الاوضه غيرنا يا معتز

معتز بعينيه على كل ركن فى الاوضه لاء يا سوزى ما فيش حد