في الناحيه التانيه جاستن مشغول في الاستوديو عشان الألبوم.
هو حاسس إنّو مش طبيعي مقريف ومتضايق.
خلص التسجيل وطلع بره شويه لوحده.
عمال يفكر أفكار غريبه. هو نفسو مش عارفها. مسك موبيله قعد يقلب فيه شويه ....اخبار عاديه.
وهو بيقلب في الانستجرام. شاف صفحه حطه صور الفريق الي كسب في الالومبيات. وحطين صوره البنت الي جابت اكتر باسكت. لقي نفسو تلقائيا بيبتسم وبيفتح الصفحة وبيقلب فيها.
فضل باصص لصوره البنت دي. حاول يجيب اسمها مش لاقيه اسم الفريق بس هو الي موجود.
بيحاول يفتكر اسمها مش قادر.
في وسط تفكيره. بص لنفسه وسال هو انا ليه عايز اعرف.
في نفس اللحظه سكوتر دخل عليه. وقطع حبل أفكاره. جاستن اول ما شافو.
جاستن : انت فاكر الفريق الي كسب في الأولمبيات
سكوتر : اه البنت قلبت الدنيا ناوادي مشهورة جدا طلبينها.
جاستن : ايوه هي البنت دي عارف اسم.......... لِسَّه مكاملش الكلمه وسمع صدا صوت الحكم وهو بيقول.
More goals record player is Sarah.......
جاستن : ساره....!!!
سكوتر : طب ماانت عارف اهو.
جاستن ساب سكوتر بيكلم نفسو ومسك موبيله عمل سيرش علي اسمها ووصلو.
لقي نفسو زي ما هو لِسَّه متضايق موده وحش ساب الموبيل ومشي من الاستديو ورجع الفندق.
صحابه هناك منهم هايلي.
طلع عندهم وقعد. طول الاقعده وهو سرحان صحابه سألوه اذا كان فيه حاجه رد قال لا.
صوره البنت عماله تيجي في دماغه. ونظره عنيها وهو بيسلم عليها. هو مستغرب إنّو بيفكر فيها حاجه غريبه ..
_________
بابا : انتي فجأتني بالموضوع ده.
انا: انا كمان اتفجئت بيه بس لما فكرت لقيت إنّو حاجه كويسه ليا.
بابا : بس يا ساره حياتك كلها هنا ومدرستك. ....... وانا وممتك هتسبينا
انا : دراستي هذاكر هنا وهنزل علي الامتحنات. وانت يا بابا بتيجي امريكا كتير وانا هنزل اشوفكو كل ما أكون فاضيه. بس الفرصه دي مبتجيش للواحد غير مره واحده ومش عايزه اضيعها.
بابا : قرار صعب قوي اني أخدو. انا واثق فيكي اه. بس الحياه عندك صعبه انا عارف.
انا : انت معلمني الصح من الغلط واكيد مش هعمل الغلط. بس قرارك هيغير حياتي بابايا.
......سكت شويه.....
بابا : طيب اديني رقم الكابتن اعرف التفاصيل وانتي معاكي الكريدت هتلاقي فلوس تكفيكي.
