العشق مجددآ

1

مرحباااا✋✋✋
اني عايشه بعائله غير شكل..
قصصي اني وخواتي غير شكل..
ممكن الي مرينه بي غير مألوف بالعوائل ..احس هذا الشي يميزنا ..
اني واخواتي نختلف عن الاخرين اقروا القصه وتعرفون ليش..
اول شي حابه اعرفكم عن نفسي احم احم..
اسمي فروووحه الصغيرونه مال البيت ..
طبعا اني اعتبر عانس بس بنسبه الخواتي صغيرونه..
عمري 23 تخرجت هاي السنه من كليه الاداره واقتصاد..
طبعا ماجربت الحب بحياتي بسبب اختي شهد وهسه تعرفون ليش ..
واني اكثر وحده محششه بالبيت اضحكهم واسوي مقالب بيهم ..باختصار الهبله مالت البيت..

اختي جوجو عكسي..
/ضابط البيت/
عاقله متزنه احلام مستغامي الثانيه تكره الرجال والحب ..من جماعه حقوق المرأه والمرأه نصف المجتمع وتدور سوالف مساواه المرأه بالرجل ومن هالخرابيط مالت العوانس.. بس فديتها اموت عليها هي اقرب وحده اليه بالعائله ومن دخلت كليه ضلت تحجي عليه ابتعد عن الشباب وهيجي ...واني هبله سمعت كلامها لحد ماعنست هههه
هي عمرها 30خريجه علوم سياسيه حاليا تشتغل بالسفاره...

اما ميوسه اختي /دلوعه البيت/ هاي من جماعه عبد الحليم حافظ ..تموت على شي اسمه حب ورومانسيه وتحلم جانت بفارس احلامها من هي مراهقه بس صار وياها موقف غير حياتها للابد وان شاء الله راح تعرفوه بعدين..
المهم عمرها26 خريجه كليه القانون ..محاميه وعلى فكره اقرب وحده الها وحافظه اسرارها اختي سمر..

اما سموره اختنا الكبيره هاي البركه مالت البيت ..امنا الثانيه ..
قصتها م تنكتب هسه لازم احجيها الكم بعدين..
المهم عمرها 36..ودكتوره..
سموره تجمع كل الصفات الحلوة بيها مااكدر اوصفها..هي امنا واختنا ومعلمتنا وحافظه اسرارنا كلنا قريبين منها فدددوة لقلبها❤

باختصار هذولي احنا ..احلى الاخوات ..
اذا عجبكم البارت صوتولنه ..
وانطو رايكم منو حبيتوها اكثر..