العشق مجددآ

13

بعد مرور سنه..
•°سمر•°
اليوم خطوبة سيف ..
طبعا اني مثل كل ام هاي اللحظه مميزه بحياتها وخصوصا من تجربها لاول مره..
هسه صح احنه الصبح..بس من هسه كل الي في البيت مخبوصين..
طبعا خواتي كلهم متحضرات ومستعجلات ممصدكات سيف رح يخطب..
اني دخلت للغرفه مالته وكعدته:
_يلا ابني العريس اكعد
_لحظه ماما خليني شوي شوي وتعالي
_ماكو هسه تكعد ورانه الف شغله
_امي بس ربع ساعه
_والله اني ماكلتلك ضل للفجر احجي وي حبيبه القلب
_اووف امي كعدت كعدت
محسيت الا ودخلت علينه علينه ميس ..
_سمر سمر حبابه تعالي ماعرف شبي فستاني
_اوو سمر كم ايد عندها
_يلا حبابه حبابه
_يلا جيبي رح انزل واشوفه
وراها واني احجي وي سمر اجتي جلنار:
_سمور تعالي حبابه هذا ابو الكيك يكول الطلبيه بعدها ممخلصها
_شبيج جلنار اني مو وكلت هاي المهمه الج
_والله تعبانه سمور بطني توجعني كلش احس رح اولد
_يااا مو هسه دخلتي بشهرج ماصار هواي
_والله مااعرف من البارحه تقلصات
_يوو ديربالج لتتحركين هواي
رد علينه سيف:
_لج جلنار اذبحج اذا ولدتي بيوم خطوبتي
_ههه احسن ولك حتى تعوف ملك وتخطب بنتي
_هههه فديتها لبنتج اصلا اخذها مره ثانيه ع ملك
_ولي اني مازوج بنتي خليها
ردت ميس:
_اي اي خليها مثلج عنستي وكوه تزوجتي شلعتي قلب امير يلا قبلتي
_ههه احسن لو ما شالعه قلبه ماجان هسه يحبني هالكد
_اي والله الله يخليه الج
واني صافنه عليهم دخلت فرح تطفر على السرير:
_عااا عرس سويف هيل وطش بالولايه كلللوووووش كلللوووش يوم لالي واذبح طلي
سيف:ها فريحه كم رجل تردين تزوجين
فرح:عادي ولك الشرع حلل اربعه
سمر:لك هلو يوسف اتفضل للغرفه
فرح:عزة يوسف هنا
ميس:ههههه حلوة سمور زين تسوين بيها
جلنار:خطيه شبيكم عليها بس تستاهل الي صار بيها
فرح:اني الكم مزاعلتكم نازله يم علي وبابا
سمر:ليش علي هنا
فرح:ييي دخلنه سوه اني وياه
سمر:يووو يلا ولكم امشو نتريك ورانا 1000شغله
الجميع:يلا
ونزلنا جهزنا الريوك...على فكره اليوم اخر يوم بشهر ديسمبر ..
يعني راس السنه ..
طبعا كعدنا على الطاوله ..
سيف قال:تذكرون حياتنا شكد تغيرت خلال هاي السنه الي هسه احنه بيها
طبعا كل شخص بينا كاعد على طاوله وتذكر كلشي صار وياه..
.
.
☆ميس☆
اني احجيلكم هاي السنه شنو صار ويايه..
ورى مالتقيت بوسام..
ضل بين فتره وفتره يجي للمحكمه يريد يعتذر مني..
بس اني ابد ماانطيه مجال..
لحد مااجه اليوم الي طلب مني احمد التقي بي طبعا بالاول اني مقبلت ..يعني نلتقي خارج نطاق العمل بس بعدين ضل يلح عليه ويكولي ضروري نلتقي..
طبعا اني مقبلت باي مكان نلتقي بس اتفقت يجي للمطار لمحل فرح وهناك اكو كافتريا نكعد بيها طبعا ..
وصار اللقاء اتفقت وي فرح اجي للمحل واحمد يجي طبعا اول ماوصلت وكعدنه هو بدة يحجي:
_ميس شوفي اني رح احجي كم كلمه خليني اكمل لنهايه نوب انتي ردي يعني لتحكمين عليه ..
_تفضل استاذ
_لتكولين استاذ مااحبها كولي احمد احنه هسه خارج نطاق العمل
_ان شاء الله استاذ
_ها هاي شنو
_هههه صح بس والله متعوده على هذا الشي
_المهم ميس اني حاب اتقدملج على سنه الله ورسوله
_شنو استاذ شنو هذا الحجي
حاولت اكوم بس هو رفض وقال:
_ميس مو قلتلج سمعي للنهايه
_اوك كمل
_ميس انت عاجبتني من اول لحظه دخلت بيها للمحكمه شفت بيج الي ماشايفه ببنيه
_بس استاذ انت مخدوع
_اش ميس خليني اكمل
_كمل
_ميس انت تختلفين ..حاولت اختبرج ونجحتي بكل الاختبارات..ماشاء الله عليج انت بنت مؤدبه وقويه ..ومتنطين مجال لاحد
_بس ..
_لحظه ميس خليني اكمل..اني مثل مافهمتج وضعي اني وزوجتي بالبيت مطلقين يعني واحد مايطيق الثاني ..احنا لخاطر الاطفال ضالين..بس اني فهمتها انو لقيت بنت الي اريدها وهي فرحت
_شلون فرحت فهمني
_شوفي ميس زوجتي تزوجنه غصب علينا اني وياها لان جدنا الكبير قال احمد لبنت عمه..بدون مايسال عن رأينه..وطبعا ماكو شخص يقدر يرفض طلب جدي ..تزوجنا لا اني احبها ولا هي..
اول كم سنه صار عنده اطفال 2تؤام وبعدها بفتره صار طفل بس وصلنا مرحله مانقدر نكمل..
طبعا زوجتي طلبت ننفصل بس نضل عايشين تحت سقف واحد..واحنه على هذا حال صار 3سنوات..وهي قالت بس انت تريد بنت وتعجبك اني احجي وياها وافهمها شنو طبيعه علاقتنا..ميس واني مدخلت بنيه وعجبتني غيرج..احس بيج شيء مختلف..وراء كل هذه القوه الضاهره اكو بنت صغيره بريئه بس صارتلها ضروف صنعت منك انسانه ثانيه
_بس اني ماافيدك لان كل نضرتك عني خطا ..انت متوهم بيه
_لا ممتوهم ميس
_احمد اني كان انسان بحياتي
_واذا اني مااحاسبك على الماضي ...اني الي يهمني الحاضر والمستقبل
_بس اني مو اي ماضي اني صار وياي شغلات..
_اش ميس اعرف الي صار وياج وصراحه هذا الشي مايهمني ...لان انت لو موخوش بنت ماكان هسه مانطيتي مجال لاحد وقويه
_احمد متعرف الي صار ويايه
_اعرف ..واعرف وسام بعد..
_شلون تعرفه
_جنت اشوفه يجي ويضايقج وانتي مانطيتي مجال وتكوليله روح ماارضى عنك الى يوم الدين..اني مشيت وراه وحاولت استفسر منه شنو يريد منج..واستفزيته وقلتله اني ناوي اخطبج..وهو حجالي كلشي عنج..يعني نيته يخرب هذا الشي ..واني مااكولج الي سويتيه مو خطأ ولا اكولج سهل ...بس كنت مراهقه وهو ضحك عليج اني قاضي وشايف 1000قضيه مثل هاي..انت لو انسان سيئه كان ضليتي على نفس المستوى وضليتي يوميه وي شخص..بس انتي تعلمتي وهالتجربه خلقت منك انسانه قويه مايهزك ريح ولا احد يقدر يتقربلج
اني عانيت يلا كدرت اوصل واحجي وياج واريدج على سنه الله ورسوله..وزوجتي طلقتها وهي واطفالي يضلون بالبيت واني اشتريت بيت بنفس المنطقه حتى اكون قريب على اطفالي
_ميس شبيج ليش ساكته
ضليت ابجي من كلامه..اول مره اشوف هيجي انسان يعرف بالماضي ويريد يرتبط بيه واكون ام اطفاله..ياربي شكد جنت ضالمه احمد ..
_اش ميس ع شنو تبجين
_مادري هىء هىء
_هههه اول مره اشوف هاي الطفله الي بداخلج ميس وافقي واني اوعدج اخليج تكونين اسعد انسانه واعدج احفظج واصونج
_هىء هىء
_ميس هسه مكلتي موافقه
_مادري هاي الشغله مو بايدي
_لعد بايد منو
_بيد بابا
_يالله يعني تقبلين اجي للبيت
_مادري اشوف اختي
_يمعوده شوفي العراق كله المهم اجي واخطب
_هههه
_ضحكي لج انت ميلوكلج غير الضحكه
_هههه
كان هذا اليوم اسعد يوم بحياتي لان اكتشفت انسان يحبني ويردني بعيوبي قبل حسناتي..
رجعت للبيت فرحانه وسولفت لخواتي كلشي وفرحو ويايه ..وبعدها سمر حجت لبابا ..بالاول ماقبل لان احمد اكبر مني وعنده اطفال بس بعدين قنعناه..
وقال بنتي اهم شي اشوفج سعيده..
وتمت خطبتنا..وحاليا اعيش اجمل قصه حب ..
واحم احم احمد رح يجي العصر واريده يشوفني احلى وحده..
.
.
.
¤☆جلنار☆¤
هذه السنه صارت عندي تغيرات جذريه بحياتي..اهمها صارت ..
قبل لاارجع لاهلي بيوم ...بليل حسيت بذنب اتجاه امير..
حاولت اعتذر منه بطريقته..
خليتله كوب نسكافي وقطعه شوكلاته مغلفه وورقه زغيره مكتوب عليهاsoory
وهيجي رسمت شكل يبجي ..وبنهايه كتبت حرف j
خليتها باب غرفته ودكيت الباب وركضت للمصعد وصعدت لغرفتي ..
ورى شويه اجاني مسج على الفون:نزلي بالحديقه اريد اشوفج
اني بالاول اترددت قلت شنو انزل اتصلت بميس طبعا هي صاحبه الخطه الرساله بغرفه امير ..قلتلها على الي صار قالت نزلي سمعي اذا معجبج الكلام صعدي...
نزلت شفت امير كاعد بالحديقه ومنتضرني وطبعا ابتسم اول ماشافني وقال تفضلي:
_ماتفضل يلا احجي شنو تريد
_مو جنتي حلوة وحبابه قبل شوي شبيج هسه صرتي وحش
_ها وحش مو يلا باي
_اوكفي اوكفي اني مصدكت اجيتي
_يلا احجي شنو تريد
_جلنار اريدج
_متستحي انت
_اهوو شبيج تاكلين الواحد اكل
_شوف امير اني مو مال سوالف حب وعلاقات
_ادري بيج والله ادري كافي معذبتني صار سنين
_اذا تعرف شكو تحجي
_بابا اريد اجي اخطفج من اهلج
_شنووو عزززه شنو تخطفني
_يبوووي شلون وياج ..اقصد اجي لابوج واطلب ايدج منه شنو رايج
_اني ماعرف حتى اوافق بيك
_هاي راح انطيج مهله توافقين ومن نرجع لاهلنه انطيج مجال منا لاسبوعين وبعدها انطيني جواب ..
_اوك يلا باي
_هاي شنو وين رايحه
_خير مو خلصت العندك رايحه
_اوو جلنار ابقي شوي
_ماكو ولا دقيقه..
_هفف يلا ع راحتج عيني ياحلو انت
_احترم نفسك ولتغازل يلا باي
_تصبحين ع سعاده ياحلوة
طبعا خزرته وصعدت واني فرحانه باوعت لننفسي بالمرايه مالت لمصعد ابتسم صفنت وقلت لنفسي شبيج جلنار شو صايره خفيفه..
بعدها رجعت للغرفه طبعا الليل مانمته واني افكر بكلامه..
طبعا الصبح حضرنا الحقائب السفر حتى ننطلق للمطار طبعا التقيت ب امير وساعدني وشال غراضي وخلاهم بالسياره..
بعدها طول الرحله وهو كل شويه يلتفت عليه ويبتسم واني اسوي نفسي مااشوفه واقره بالكتاب مالتي بس بيني وبين نفسي اضحك..
رجعت للبيت وكنت فرحانه حتى خواتي انتبهو ..حجيتلهم ع امير قالو وافقي على كولت ميس:جلنار يالعانس صرتي 30سنه مو زين لاكيه واحد يحبج ويخبل فدوة شلون حلو امير خلي يجي يخطبني..
طبعا كلام ميس حتى لو بالشقه اثر بيه وفكرت صح اني كبرت ومرجع لبنت لبيت زوجها..
مرت الاسبوعين طبعا وراها باسبوع يلا انطيت جوابي لامير..
واجه خطبني وتمت خطوبتنا..طبعا بايام الخطوبه خصوصا اول ايام موته بس بعدين حبيته..
وتزوجنا وحاليا اني حامل وراح تجيلنا بنوته ..اسميها على اسم ماما الله يرحمها..
طبعا اكتشفت امير احلى صدفه صارت بحياتي وحاليا احبه واغار عليه من نسمه الهوا اذا مرت عليه الله يخلينا لبعض..
مااجمل الحب بالحلال..
.
.
.