العشق مجددآ

10

°•بعد اسبوع•°
سمر..
سيوفي مو على بعضه وفهمت هو متعارك وي حبيبة ملك..
حاليا هو ميداوم صارله اسبوع لازم اشوف حل ..علي مكدر يفتهم القصه عدل..
لازم احجي وياه كافي ميهون عليه اشوف ابني مقهور ..
اسويله كوب نسكافي واصعد لغرفته..
دخلت لكيته كاعد يباوع قناة رياضيه..
ابتسم ..
_شلونه ابني للبطل
_ههه لتحسسيني اني طفل عمري 6سنوات
_لو تصير عجوز هم تبقى بنظري طفل
هو حظني وقال:
_امي محتاج انام بحظنج مثل زمان
_نام حبيبي انت
ضليت العب بشعره وهو ساكت:
_حبيبي سيوفي ليش تضم عليه كولي شبيك
_امي ليضل بالج مجرد ضايج من الدوام
_حبيبي ضايج من الدوام لو شخص بالدوام مضوجك
سكت :
_حبيبي ليش متحجي لامك ترى اني مو بس امك اني اختك وصديقتك
_ادري والله ياامي والله احبج وصوجي دورت غيرج
_حبيبي انت ..ها ها شلون دورت غيري
_يعني اقصد حبيت بس توقعت كلها مثلج
_حبيبي هذا الانسان لازم يحب ويرتبط حتى يكون عائله ..شبيها وياك ملك
_امي تعبتني كلش
_شلون
_طبعها صعب وتزعل هواي ..امي معقوله ماكو بنت مثلج
_حبيبي شوف كل انسان اله شخصيه معينه مو شرط كلنه نتشابه..
_تدرين اجتلي تكولي انت تخوني وكدام عيني
_شنو؟ابني خاف غلطانه
_امي اني شلون اخونها والله مشايف غيرها
_غير تفتهم منها ليش حجت هذا الشي
_لا اصلا تركنا بعض
_صدك تحجي انت بربك بدون متفهم تركتوا ابني الحياه مو هيجي..اكيد باللحظه العصبيه ممكن تتصرف تصرف تندم عليه طول حياتك..لازم تفهم منها وهسه خابرها
_اخابرها ...ش تحجين انت
_اي تخابر لازم تفهم يجوز هي شايفه شي وبعدين من تفهم القصه تكول حقها
_ماكو هي ماتصلت
_ضلو انتو تنتظرون واحد يتنازل وتضيعون حبكم ع لحظه عصبيه
ابني اني نازله يم جدك انت فكر حرام تضيع حب سنوات ع لحظه اعصاب..وانت مادام تحبها تستحمل وعلمها ع التصرفات الصح..ماشي حبيبي
_ان شاء الله امي..
.
.
♡☆جلنار♡☆
طبعا الدوره كلش مزعجه وتعب..احس مشتاقه لاهلي كلش لان هاي اول مره افاركهم هيجي وقت..
اتمنى ارجع اليوم قبل باجر..
طبعا رجعت من الدوره ..وصلت للغرفه..شفت بالباب مال الغرفه علبة شوكولاته..وكتاب مغلف ومكتوب عليه جلنار ..
اني صفنت لان تفاجئت منو دزلي..
ماعرف..
الشوكلاته مفتحتها بس صار عندي فضول شفت الكتاب اسمه
♡

☆اعلنت عليك الحب♡☆
لغاده السمان..
اني مقاريته من قبل ..لان مااحب الكتب الي تتكلم عن الحب بس صار عندي فضول اقراه..
بس محتاره وافكر منو دزه اليه..بس يلا مو مهم لابد اعرف بعدين..
بديت اقرا الكتاب..
.
.
.
.
كان الكتاب رومانسي جدآ..ولكن في بعض اسطر الكتاب هناك مقاطع محدده بقلم ملون والى جانبها مكتوب ملاحظه الى جلنار..
كانت احد المقاطع المحدده هي:
لن اهرب من حبك المفترس..
ولتشهد شرايينك..
يتدفق دمي اليها..
ولن اهرب من حبك المفترس..
وفالمسافه بين جرحي ووجهك..
ليله الانتظار..
فارتد حبي ..واخلع ذاكرتك..
.
.
ضليت صافنه لان هذا الشخص متقصدني ..بس لازم اعرف منو ..بقيت لليل كله اقراه...
جذبتني ايضا..
التقينا لنفترق؟
فليكن..
خذني اليك الان..
وليرحل عنا الرحيل..
ضمني الى جحيمك الرائع..
وليرحل عنا الرحيل..
لا..
ومهما هددني الغد بالفراق ..
وقف لي المستقبل بالمرصاد..
حسيت هذا الانسان قوي ..ورسلي مثل هذا كتاب حتى يمتلكني بس مستحيل استسلم للحب ..حتى لو فعل هذا الشخص جميع هذه الحركات..
..
في النهايه شدني مقطعين من الكتاب هما:
فراق او لافراق..
اني اعلنت عليك الحب ..
اني اعلنت عليك السلام..
اني اعلنت عليك الشوق..
ولست بنادم..لانني انفقت عليك جسدي وروحي..
.
.
لن اهرب من حبك المفترس..
فليعتقلني حلمك..
ولتطاردني رغباتك..
ساشهر عليك استسلامي ..
واطلق عليك حبي ..حبي..حبي
وكان مكتوب الى جانب كلام الكتاب ..بالقلم العادي ..حبي جلنار..
اني صفنت لان ماعرف منو هذا الشخص ..
لازم اعرف باي طريقه ...طبعا اكيد هسه هو مراقبني ..
رح ارجع الكتاب والشوكلاته بمكانهم يعني بالباب حتى يجي وياخذه واشوفه..
الصبح ..
طلعت لكيت عامله النظافه والكتاب ماكو..سألتها قالت مشفته..
حرامات خربت الخطه جنت متوقعه احس عليه من يجي ياخذه ...
طبعا رحت للدور واني اباوع لوجه الشباب بلكي اكشف منو هذا الشخص ..

☆ميس☆
احمد ..احسه موطبيعي..
يتقرب مني بحجه الشغل دائما يسألني عن حياتي..او وين ساكنه كم اخ واخت عندي ماعرف بس اني اضوج منه كلش لان اعرف الرجال شنو يريدون من عندي ..
وخصوصا كرهته بالزايد لان متزوج ..
بس اني ابد ممنطيته مجال مستحيل..
اصلا مفكره اترك الدوام وافتح مكتب خاص بيه واستقل بشغلي..
.
طبعا اتصلت عليه صديقتي فهمتني بعد اسبوع يجي اولاد خالتها للقسم مالتي بالمحكمه حتى امشي بالمعامله مالتهم..طبعا معاملتهم معامله للورثه والقسام الشرعي..
.
.
☆فرح☆
اليوم تطلع تحاليل يوسف ..رحنا اني وامه وهو ضل يم ابوه..
وصلنه كانت الدكتوره مريم كاعده ومو ع بعضها..
سألتها ام يوسف :شنو دكتوره طمنيني طلعت التحاليل
_والله ام يوسف صراحه ماعرف شنو اكولج
_احجي دكتوره لتخوفيني
_اني اول مشفت التحليل مصدكت بس بعدين رسلت التحليل لاطباء هواي وكلنه نفس التشخيص
_احجي دكتوره والله احس كلبي حيوكف
_ام يوسف ابنك صح مريض وصارت عنده ازمه او بالاحرى صدمه نفسيه بس هاي الصدمه عارضه كان لابد تنتهي بمده قصيره ماتتجاوز 6اشهر
_زين دكتوره ليش مانتهت؟
_لان اكو شخص ميريدها تنتهي!
_لحظه دكتوره مفتهمت وضحي؟
_من خلال تحاليل الدم لكينه ابنك كاعد يتلقى علاج يزيد هالحاله وميخلي يطلع من هاي الازمه وبسبب هاي الادويه جهازه العصبيه كاعد يتلف
_هااا دكتوره شتحجين اني انطي دواء لابني بيدي
_صح انتي تنطي ادويه بس مو نفسها الي كاعد تأثر ع يوسف
_لعد شلون واحنه ماكو احد بالبيت بس اني وياه وابوه
_اتأكدي دكتوره اكو شخص يوميه ديضرب ابنج ابره بالوريد وهذه الابره تزيد الحاله واذا ضل مستمر عليها مااضمن ابنج يعيش اكثر من سنه او سنتين وحاليا صار عنده ادمان عليها
انصدمت ام يوسف وماعرفت شنو تحجي ضلت ساكته متعرف شنو تسوي
اني ودكتوره حاولنا نهدئها ..
بعدها دكتوره مريم سألتها:ام يوسف صح انتو ماعندكم احد بس اكيد عندكم خدامه بالبيت او حارس
_اي صح عندنا حارس بس يبقى بره ميدخل بس الخدامه موجوده ع طول بالبيت هي فلبينيه ف تبات عندنا يعني متروح لبيتهم
_ام يوسف راقبو بيتكم عدا مااكولج الخدامه هيجي تسوي منكدر نضلمها
_زين الخدامه شنو مصلحتها من هذا
_اكيد احد راسلها..ام يوسف اني اخويه محقق وبالصدفه عرف بحاله يوسف اقترح عليه اقتراح
_شنو هو؟
_شي يوم كلكم تطلعون يعني حتى الحارس والخدامه يعني تقفلون بابكم وخلي ابو يوسف يتفق مع شخص ثقه يجب عمال ينصبون كامرات مراقبه بالبيت واكيد من خلال الكاميرا رح تعرفون شنو يصير بيتكم
_اي والله خوش فكره اني رح ناقش ابو يوسف
_بس ام يوسف خليها بينكم اثنينكم لاتوثقين باحد
_ماشي ماشي اصلا رح اقطع كل الادويه على يوسف واليوم راح اخذ ابني لشقتنا الثانيه منا لحد ميركبون كاميرات بالبيت
_اي عفيه زين تسوين وام يوسف بس تكمل هالشغله كلها احنه نبدي نعالج يوسف من البدايه ومتاكده يرجع مثل زمان واحسن
.
.
اني فرحت لااراديا من سمعت بيوسف اكو امل يصير زين..ماعرف سبب الشعور..بس الي اعرفه يوسف انسان يستحق ..
.
.
بالفعل تطبقت خطه ام يوسف هي وابوه واخذو يوسف للشقه ..وتركبوا كاميرات بالبيت بدون ميدري اي شخص بيها