العشق مجددآ

♡14♡

●○فرح●○
الي صار ويايه هاي السنه ماراح انساه..
عشت اصعب تجربه..بس صبرت ونلت الي اريده..
طبعا تعرفون يوسف انتقل للمصحه النفسيه حتى يتعالج والعلاج يطول مده 4اشهر..
كنت كل يوم ازور يوسف ..
بس طبعا ورى كل يوم كان يوسف يتعالج ..وشويه شويه بدا ينساني..
طبعا مرت 4اشهر وكنت كل يوم ابجي اكثر من الي قبله لان كنت اشوف حب حياتي ينساني ويضيع من ايدي..
لحد ماتحسن حالته النفسيه ورحت وي امه وابوه حتى يطلع من المستشفى..
طلع يوسف ..مايعرفني.. امه سألته:
_ماما يوسف ماعرفتها
_لا والله ولازغر بيج بس معرفتج
_هعه عادي اني فرح
_اهلا وسهلا بيج بس انت منين تعرفيني
_سالفه طويله
طبعا لاول مره اشوف يوسف انسان طبيعي ويحجي بدون خجل ..حسيت هذا الاسنان مااعرفه بس بعدني احبه ..بس هو مايحس كان يوسف القديم يحبني وهو مريض بس هذا الانسان لا..
طبعا رجع يوسف للبيت واهله كلشي كالوله على الي صار وياه..
طبعا يوسف رجعتله ذاكرته وعرف ليش هيجي ابن خالته سوه..
لان يوسف كان الشخص الوحيد الي شاهد على جريمته..
لان ابن خالته قتل عمد صديق يوسف لان صديق يوسف وابن خالته كانو يحبون نفس البنت بس هذه البنت كانت تحب صديق يوسف..وابن خالته حب ينتقم ..بس ماكان يدري يوسف موجود وشهد على جريمته..
يوسف صارت عنده صدمه من الموقف وانهيار عصبي ..
بس ابن خالته حب يكثر هذه الحاله عنده وضل ينطي دوا يفقده اعصابه وذاكرته وخلق منه انسان مريض..
ضل يوسف يخاف من العالم كله حتى من اخوه الي مالا ذنب..
بعدها يوسف شهد بالمحكمه ضد ابن خالته وحاليا ابن خالته بالسجن..انحكم مؤبد..وحتى الخدامه دخلت بالسجن..
ورجعت الحياه لطبيعتها في بيت يوسف ورجع يكمل دراسه..
طبعا اني ماكنت استحمل اشوف يوسف غريب عني ف ضليت مااروح لبيتهم بس اتصل بامه اتطمن عنه وطبعا امه تدري بيه احبه..
طبعا ورى فتره ..
كنت بالمحل ..
وصار وقت الغده..
طلعت اريد اروح للكافتريا ..ماحسيت الا شخص اجه حضني من ورا ..
انعاد عليه موقف يوسف اول مره شفته..
اني صرخت بس هو سكتني ..وقال:
_اش اش فرح لتخبصينه
درت وكان يوسف ..
_يااا شتسوي هنا
_اول مره شفتج كنت واقفه هنا..واجيتج خايف واحتميت بيج من جنت مجنون
بس هسه واني بكامل قواي العقليه جاي احتمي بيج واطلب منج تصيرين ام بيتي و شريكه حياتي
_ياا عزه يوسف جاي تخطبني الله
_شبيج ولج ثكلي
_ولي ولي زين انت مو ناسيني
_اي طبعا نسيتج بس امي جانت تحجيلي عنج هواي وحبيتج من اني مريض بس عرفت بس تتحسن حالتي انساج..بس خليت دفتر ذكريات كتبت كلشي بي عنج
ومن صرت زين انطته الي الممرضه لان من اني مريض اتفقت وياها تنطيني اياه خاف انساج وترجع ذاكرتي ..وطبعا من شفتج اول مره كنت ناسيج..بس بعدين امي حجتلي على كلشي سويتي الي..
وضليت اقرا كلشي واشوف الصور ..وكنت اراقبج..بدون ماتحسين لحد ماهسه اتاكدت من حبي الج ..
حبيتج واني مخبل..وهسه اني عاقل هم احبج
اني ضليت ابجي ماسامعت الا صوت سيف :
سيف:انجب يوسف تعبنا من الوقفه
باوعت شفت خواتي وسيف وابويه وابو يوسف وامه كلهم يباوعولي طلع يوسف متفق وياهم وخاطبيني من ابويه والكل يدري بالخطوبه ماعدا اني وحبو يصير مفاجئه..
اني وافقت بدون تفكير وتمت الخطبه واخيرا ..صار محبوبي يوسف..
تزوجنا وكان يوم عرسنا اجمل يوم ..وبعدها سافرنا شهر عسل لليونان..ولعبنا لعب ..ههههه
هاي هي قصتي بهذه السنه..
ويوسف هسه بالشغل ..حاليا هو يشتغل بشركه ويداوم بالكليه..
بعدين يجي لبيتنا حتى نروح لخطوبه سيف...

.
▪●سمر○•
هذه السنه ماصار شي وياي ..بس شفت حياه خواتي تغيرت وايضا حياة ابني ..
طبعا سيف هو وملك شبه منفصلين بس اني حاولت ..ارجعهم .
اتفقت وي فرح تخابر لملك واروح للكليه التقي بيها بدون علم سيف لان سيف كلش زعلان منها..
التقيت بيها هي تفاجئت من شافتني وقالت:
_منو انت شنو تردين
_ملك شبيج اني ام سيف
_شنو منو انت شبيج لضحكين عليه
_ماما شبيج اني امه وسيف ابني بس اني وياه قريبين بالعمر
_هااااا ..بس متوقعت انتي امه هو محجالي عنج يعني جان يحجي عنج بس ماقال امي صغيره..
_اي صح سيف شوي حساس من هاي الناحيه
_اسفه عذريني مارحبت بيج بس انصدمت توقعتج غير انسانه
_منو يعني
_انت قبل فتره اجيتي للكليه
_ايي اجيت كان بيومها سيف ناسي محفظته بالبيت
_يااااا عزززة
_ليش
_توقعت هو يخوني ياربي ..شنو اسوي شكيت بسيف بدون مادري
_اها يعني شفتي وياي
_الله يخليج ساعديني
_اني جايه اساعدكم ..ملك ابني حساس بس حسب مافهمته انتي دلوعه زايد حافظي ع ابني وارجوك لاتخسري ترى كل انسان اله طاقه تحمل
_صح والله اسفه اصلا ندمت
_حبيتي ملك لاتتاسفين مني تاسفي من سيف
_صح صح بس شلون
_راح اساعدج بس ماريد يعرف اني اجيت الج للكليه
_لالا مااحجي
طبعا قلت لملك على طريقه حتى تصالح بيها سيف
..وتمت الطريقه بنجاح ورجعت المياه المجاريها ..وتغيرت ملك هواي لان نصحتها بطريقه قاسيه وضليت احجي وياهت هواي حتى تتعلم شلون تحافظ على شريك حياتها..وبالفعل رجعو لبعض ...
ورى كم شهر تخرجو..واليوم خطوبتهم هذا الي صار ويايه هذه السنه..
طبعا شهدت بهاي السنه زواج جلنار..بعدها خطوبه ميس ..بعدها زواج فرح..
بيتنا صح صار فارغ..
بس سعيدين اني وبابا لان نشوفهم سعيدين..

.
.
☆علي☆
اني احب سمر صار سنين ..وصارحتها بحبي بس رفضت مبدء الزواج..وطلبت نكون اصدقاء..
بس طول هذه السنين كنت احبها وكان الكل شاهد على حبي الها حتى ابوها وابنها..
امي ع طول تريد تزوجني بس كنت ارفض مااتحمل اتزوج بنت غير سمر..
سمر كانت انانيه ..صح هي تنطي للكل الحب والحنان بدون مقابل الا اني..
تعاملني كصديق ..وتدري بين احبها..
حبي الها مينوصف..
طبعا اني كنت ع طول احجي لابوها عنها..بس ابوها ميكدر يساعدني ..
لان سمر مصره تكرس حياتي لابنها..
بس خلاص اليوم ابنها راح يرتبط..
انتضر بالليل افاجئها..باخر ساعه من هاي سنه بعد خطوبه سيف..
.
.